E daŋ pɔr bɔrɛsure ndoŋ nna n sa Enyɛnpe Ebɔrɛ nseŋ lara esarga chɔɔso nɛ kɔnɔkoŋwuleso be esarga, nɛ Enyɛnpe Ebɔrɛ shin nɛ edɛ shi esoso m ba chɔɔ sarga na ashi bɔrɛsure na so.
Amoso le nɛ ewura Deevid daŋ kaŋɛ: “Kugooro ere so nfe ashi Jerusalɛm nɛ baaŋ pɔr Enyɛnpe Ebɔrɛ be bɔrɛlambu na, nɛ bɔrɛsure nɛ Israɛlebi beeŋ baa lara esarga kumo so na gba e baa wɔ nfe.”
nɛ Enyɛnpe Ebɔrɛ lara mbe kumu ŋ ŋini mo edare to kanyɛso nseŋ kaŋɛ mo le: “N nu fo kabɔrɛkule nseŋ shuli fanɛ bɔrɛlambu ere to nɛ baaŋ baa lara esarga a sa ma.
Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?
An nananyɛn Jeekɔb e ta ketirbu ere n sa anyi, mo alɛ nɛ mbe mbia nɛ mbe asɔbɔya kikɛ nuu kumo to be nchu, amoso, fo yɛ fo ŋini fanɛ fo chɔ mo nna ŋko nuso?”
Enyɛnpe menyi be Ebɔrɛ na kaŋ chɛ menyi to nɛ men sɔ kasawule na n chena so, a daga fanɛ men shɛr kebeegboŋ nɛ baa tre Gɛrizim na so m moli Enyɛnpe Ebɔrɛ na be enɛfa na kumo so nseŋ naŋ shɛr kebeegboŋ nɛ baa tre Ebal na so m moli mbe eshoduu na malɛ kumo so.
Men kaŋ dii Jɔɔdan be lɔr na n loge, Simɔn nɛ Livai nɛ Juda nɛ Issaka nɛ Efreim nɛ Manase nɛ Bɛnjamin be eyiri to be basa e naŋ yili kebee nɛ baa tre Gɛrizim na so ŋ kaŋɛ Israɛlebi kikɛ enɛfa nɛ a wɔtɔ be asheŋ,