Baru lela nɛ Jɔn kute na 4:10 - EBƆRƐ BE KAWƆL

¹⁰ Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 4:10 ပူးပေါင်းရင်းမြစ်များ

Nshɛ 10:17

Enyɛnpe Ebɔrɛ, fo e naa nu bumo nɛ baa ji awurfoŋ be kekule. Feeŋ nu bumo be nfubel nseŋ leŋ bumo to.

Nshɛ 46:4

eboŋ ko wɔtɔ nna a shile boeŋ boeŋ, a bar kagbenefuli ashi Ebɔrɛ be kadegboŋ cheembi nɛ Enyɛnpetale Ebɔrɛ na wɔ kumo be basa to na so.

Ɛksodɔs 17:6

Meeŋ ya kaa yil Sainai be kebee na be kefalta na ase nɛ fo ta kekpabi na ŋ ŋmɛa kefalta na nɛ nchu e lar kumo to nɛ basa na e nuu.” Ndoŋ nna nɛ Mosis wora loŋ ashi Israɛlebi be benimu na be anishito.

Sɔlɔmɔn 4:15

Fo du fanɛ kebuye nna ashi kudɔbi to, kakpa nɛ nchu lela bee bul na; ŋko kabombi nɛ k shi Lebanɔn be kebeegboŋ na so m ba shin nɛ kakpa wushi na nna.

Aizaaya 12:3

Kananɛ esa nɛ achukoŋ kɔ be kagbene bee fuli nchu wushiso so na, aloŋ nɛ Ebɔrɛ be basa be ŋgbene bee fuli bumo jemanɛ nɛ e bee mɔlga bumo na.”

Aizaaya 35:6

Ebobi beeŋ nya aya a tɛ to a cha, nɛ eneemu a nya nnɔ a boŋ to kagbenefuliso Mbombi beeŋ fara a shile kiyi to;

Aizaaya 42:6

“Ma, Enyɛnpe Ebɔrɛ na e tre fo nseŋ sa fo eleŋ, nɛ fo shin nɛ keji asheŋ nɛ amo be ekpa so e ba durnya to. Fo so nɛ ma nɛ basa kikɛ beeŋ bɔla so n wora kɔnɔkoŋwule be ŋkre. Fo so nɛ Ebɔrɛ be kebaanyi be kefulto beeŋ bɔla so m ba efuliana na to.

Aizaaya 43:20

Jemanɛ ko bee ba nɛ n shin nɛ elɔr e baa shile keshishɛrsawule so, nɛ ma basa laraso e nya nchu a nuu. Saŋɛ na so asɔbɔya lubi beeŋ baa maŋkura ma, nɛ ejiŋkaamu nɛ egbuŋgbula kikɛ e baa di ma epaŋ.

Aizaaya 44:3

Meeŋ shin nɛ kasawule nɛ k wɔl a baŋɛ ŋ ki mbombi e shile kumo so. Meeŋ shin nɛ ma kiyoyu e gbelge menyi be mbia so nɛ ma nɛfa e ba menyi be kaman to ebi so.

Aizaaya 49:10

Akoŋ nɛ achukoŋ maaŋ naŋ pɛ bumo kikɛ. Epeŋi nɛ keshishɛrsawule so be ebeldɛ maaŋ naŋ tɔrɔ bumo. Ma, Enyɛnpe Ebɔrɛ na beeŋ baa wu bumo kuwɔr nsaa juŋkpar bumo a yɔ mbombi ase.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 2:13

Ŋkpal manɛ so, ma basa wora kulubi ekpa ntuŋnyɔ so. B kini ma nseŋ shile ma nɛ mee sa ŋkpa na be nchu nna, nseŋ ya kur amaŋ nɛ nchu maa yili amo to a chɛr a fin nchu.

Ezikɛl 16:35

Amoso Jerusalɛm, nu kusɔ Enyɛnpe Ebɔrɛ na bee kaŋɛ fo, sakaleche ere!

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Zakareya 14:8

Kachɛ na kaŋ fo, nchu nɛ a bee sa ŋkpa beeŋ shi Jerusalɛm to a shile. Nchu na be bargato beeŋ baa shile a luri teku nɛ baa tre Teku Wuso na to nɛ bargato malɛ e baa shile a luri kumo nɛ baa tre Mɛditerenia be Teku na to. Ketarso nɛ kechali so kikɛ nɛ nchu na beeŋ baa shile.

Luuk 11:13

Nɛ menyi ere ka la basa lubi le nsaa nyi asɔ lela be kebaata a sa menyi be mbia, nɛ Etuto nɛ e wɔ ebɔrɛso na a? Mo ere maaŋ shuli n sa bekama nɛ b kule mo Kiyoyu Cheeŋ na a?”

Baru lela nɛ Jɔn kute na 16:3

Bumo alɛ beeŋ wora loŋ nna ŋkpal b ka maŋ nyi Etuto ŋko ma so.

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

Baru lela nɛ Jɔn kute na 3:16

Ŋkpal manɛ so, Ebɔrɛ daŋ sha durnya ere ga so nna nɛ e ta mo Pibinyɛn koŋwule n sa durnya fanɛ nɛ esa kama nɛ e yirda mo, e maaŋ shir, ama e beeŋ nya ŋkpa nɛ k maŋ kɔ ekar na.

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Baru lela nɛ Jɔn kute na 6:35

Nɛ Yesu kaŋɛ bumo: “Ma e la loŋ be bodobodo nɛ k bee sa ŋkpa na. Ekama nɛ e ba ŋ kutɔ, akoŋ maaŋ pɛ mo kikɛ nɛ ekama nɛ e yirda ma, achukoŋ malɛ maaŋ pɛ mo.

Baru lela nɛ Jɔn kute na 6:51

Ma e la bodobodo nɛ k bee sa ŋkpa n shi ebɔrɛso na. Esa kama nɛ e we le be bodobodo ere beeŋ baa wɔtɔ mbaanaayɔ. Bodobodo mo nɛ meeŋ ta n sa basa na e la ma eyur ere nɛ ŋ kɔ a sa durnya nɛ k nya ŋkpa na.”

Ashuŋ Shunso 9:11

Nɛ Enyɛnpe kaŋɛ mo: “Bela ase n yɔ kubɔrbi niŋiso to n ya luri Judas pe m bishi kanyɛn nɛ e shi Taases nɛ baa tre mo Sɔɔl na be asheŋ.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 10:4

nseŋ daŋ nuu asɔnuuso koŋwule mo nɛ a daŋ shi Ebɔrɛ kutɔ na. Kefalta mo nɛ kumo nɛ bumo daa na na kutɔ nɛ b daŋ nuu amo. Kefalta na e la Kristo na.

2 Kɔrintebi 9:15

Anyee chɔrɔ Ebɔrɛ ga ŋkpal mbe kakɛ gboŋgboŋi nɛ esa maaŋ tiŋ n ji kumo be asheŋ ere so.

Ɛfesesebi 2:8

Ŋkpal manɛ so, Ebɔrɛ be kuwɔr be kakɛ so e shin nɛ men bɔla yirda so n nya kumɔlga, mannɛ men gbagba be ashuŋ shunso so nɛ men nya kumo. K la Ebɔrɛ be kakɛ nna.

Hibruwebi 6:4

Ama basa nɛ b daŋ bar kefulto na to nɛ b ba ji ebɔrɛso be kakɛ na be ebel ŋ keni na nseŋ nya bumo be kachige ashi Kiyoyu Cheeŋ na to pɔɛŋ nseŋ foe ekpa na bre be kenaŋ bɛta m ba Ebɔrɛ kutɔ maaŋ tiŋ n wora kikɛ.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

Kelaraŋŋini 21:6

Nɛ e naŋ kaŋɛ: “K teŋ wora. Ma e la Alfa nɛ Omega, Faraŋko nɛ Lalaloge. Ekama nɛ achukoŋ kɔ mo, meeŋ jɔ nchu ashi ŋkpa be kebuye to n sa mo nɛ e nuu ŋkaa maaŋ ka shɛŋ.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.

Kelaraŋŋini 7:17

Ŋkpal manɛ so, Kpakpafɔlbi nɛ e wɔ kuwurputi na be nferinto na e naaŋ ki bumo be ekpapo n yɛr bumo mboŋ nɛ ŋkpa be nchuana bee bul nɛ Ebɔrɛ malɛ e kpra anishichubi kikɛ ashi bumo be anishiana to.”