Baru lela nɛ Jɔn kute na 3:5 - EBƆRƐ BE KAWƆL

⁵ Nɛ Yesu kaŋɛ mo: “Kashenteŋ nɛ mee kaŋɛ fo na fanɛ nɛ b baa maŋ bɔla nchu nɛ Kiyoyu na so ŋ kurge esa, e maaŋ tiŋ n luri Ebɔrɛ be kuwura na to.

Baru lela nɛ Jɔn kute na 3:5 ပူးပေါင်းရင်းမြစ်များ

Matiu 18:3

nseŋ kaŋɛ bumo: “Ma e kaŋɛ menyi kashenteŋto na fanɛ nɛ men baŋ maŋ chɛrga a du fanɛ mbibi, men maaŋ luri ebɔrɛso be kuwura na to kikɛ.

Matiu 19:24

Ŋ kraa kaŋɛ menyi nna na fanɛ damawura be keluri ebɔrɛso be kuwura na to du kpakpa a chɔ b ka beeŋ ta kemamprɔŋ n wɔtɔ kebasibi be kemaŋ to.”

Matiu 21:31

“To, mbia na be emo e wora kusɔ nɛ bumo tuto na bee sha?” Nɛ b yɛ: “Sososo peya na.” Nɛ Yesu kaŋɛ bumo le: “Kashenteŋ nɛ mee kaŋɛ menyi na fanɛ elamposɔpoana nɛ kesakaleawuraana bee baŋ menyi so nna a luri Ebɔrɛ be kuwura na to nna na.

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Matiu 3:11

Nchu nɛ ma ere kɔ a bɛr menyi kabɔrɛbɛr a ŋini fanɛ men lar menyi be alubi to, ama emo nɛ e wɔ ma kaman a ba na beeŋ shin nɛ Kiyoyu Cheeŋ na nɛ edɛ e gbelge menyi so. E chɔ ma ga, hale m maŋ fo mbe aya to be shishɛr gba so.

Matiu 5:20

Ŋkpal manɛ so, ma e kaŋɛ menyi na fanɛ, nɛ men be alelasheŋ maŋ shi a chɔ mbraŋinipoana na nɛ Efarisiana na peya, men maaŋ luri Ebɔrɛ be kuwura na to kikɛ.

Maak 10:14

Yesu ka pin loŋ nɛ agbo pɛ mo, nɛ e kaŋɛ mbe bebɛsopo na: “Men shin nɛ mbia na e baa ba ma kutɔ, men sa maa kuŋ bumo ekpa, ŋkpal manɛ so, Ebɔrɛ be kuwura na la loŋ be basa peya nna.

Maak 16:16

Ekama nɛ e yirda, nɛ b bɛr mo kabɔrɛbɛr, e beeŋ nya kumɔlga, ama ekama nɛ e maŋ yirda, e beeŋ nya kasogberge.

Maak 9:47

Nɛ fo kenishi malɛ bee shin nɛ fee luri alubi to, fo chule kumo n lɛ, ŋkpal manɛ so, fo ka ta kenishi koŋwule n luri Ebɔrɛ be kuwura na to e bɔ fo so a chɔ fo ka kɔ anishi anyɔ nɛ b ta fo n lɛ Setani be edɛ to.

Luuk 13:24

Nɛ e kaŋɛ bumo: “Men wora ania ga m bɔla kabunabi na to n luri, ŋkpal manɛ so, basa damta beeŋ wora ania nɛ b luri, ama b maaŋ tiŋ.

Luuk 13:3

Ayai, ma e kaŋɛ menyi na fanɛ nɛ menyi maŋ lar menyi be alubi to, menyi alɛ gba kikɛ beeŋ mur.

Luuk 13:5

Ayai, ma e kaŋɛ menyi na fanɛ nɛ menyi maŋ lar menyi be alubi to, menyi alɛ gba beeŋ mur.”

Baru lela nɛ Jɔn kute na 1:13

Mannɛ durnya ere to be ekpa so ŋko dimɛdi be eyur be kayɛlga be ekpa so ŋko kusɔ nɛ esa yili na so nɛ b bɔla ŋ ki Ebɔrɛ be mbia. Ebɔrɛ gbagba be katinto be kesheŋ nna.

Baru lela nɛ Jɔn kute na 3:3

Ndoŋ nna nɛ Yesu kaŋɛ mo le: “Kashenteŋ nɛ mee kaŋɛ fo na fanɛ, nɛ esa baa maŋ nya kakurge nyɔsopo na, e maaŋ wu Ebɔrɛ be kuwura na kikɛ.”

Baru lela nɛ Jɔn kute na 3:4

Nɛ Nikodimɔs bishi mo le: “Nuso nɛ b naa lɔŋɛ a kurge esa kpar? E beeŋ naŋ tiŋ n luri mo nio be epun to kela nyɔsopo pɔɛŋ nɛ b kurge mo a?”

Ashuŋ Shunso 2:38

Nɛ Pita kaŋɛ bumo: “Men be ekama e lar mbe alubi to, kumo be kaman nɛ e shin nɛ b bɛr mo kabɔrɛbɛr Yesu Kristo be ketre to nɛ Ebɔrɛ e ta mbe alubi m paŋ mo nseŋ sa mo Kiyoyu Cheeŋ na.

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

Romebi 14:17

Ŋkpal manɛ so, Ebɔrɛ be kuwura na to be asheŋ maŋ la kebaaji nɛ kebaanuu be asheŋ nna. K la alelasheŋ nɛ kagbenewushi nɛ kagbenefuli nɛ a bee shi Kiyoyu Cheeŋ na kutɔ na be kebaawɔtɔ be asheŋ nna.

Romebi 8:2

Ŋkpal manɛ so, ŋkpa be Kiyoyu na be mbra bɔla Yesu Kristo so n shin nɛ n nya ma kumu ashi kulubi nɛ luwu be mbra to.

1 Kɔrintebi 15:50

Bekurgepoana, mee kaŋɛ menyi nna na fanɛ kusɔ nɛ b ta eyur nɛ ŋklaŋ n wora maaŋ tiŋ n nya Ebɔrɛ be kuwura na to n luri, kusɔ nɛ k bee bɛ malɛ kikɛ maaŋ tiŋ n nya kakpa nɛ luwu maŋ wɔtɔ n luri.

1 Kɔrintebi 2:12

Kiyoyu mo nɛ anyi ere nya na maŋ la durnya ere to peya nna. E shi Ebɔrɛ kutɔ nna, saŋɛ na so, anyeeŋ pin asɔ nɛ Ebɔrɛ ta ŋ kɛ anyi na kikɛ nyam.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

Galeeshaebi 6:15

Nɛ esa maŋ kɔ kusholi ŋko e kɔ, k maŋ tir kuraa, kusɔ nɛ k tir e la kebaakɔ kebaawɔtɔ popɔr na.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.

1 Pita 3:21

Loŋ be nchu na daa la kabɔrɛbɛr nɛ k bee mɔlga menyi naniere be kaduli nna, ama k maŋ la kusɔ nɛ k bee fɔr eyur to be alubi a lɛ. K la nfɛra niŋiso be kɔnɔ naseso mo nɛ esa bee nase nna a sa Ebɔrɛ. Yesu Kristo be ketiŋi luwu to na to nɛ k bee bɔla a mɔlga menyi.

1 Jɔn 2:29

Menyi alɛ gba baa nyi Kristo na ka niŋi kusɔ kikɛ to. Kumo ere a daga fanɛ men baa nyi fanɛ esa kama nɛ e bee wora asɔ nɛ a niŋi la Ebɔrɛ pibi nna na.

1 Jɔn 5:1

Esa kama nɛ e yirda fanɛ Yesu e la Kristo na la Ebɔrɛ pibi nna nɛ ekama malɛ nɛ e bee sha esa nɛ e kurge ebi na beeŋ baa sha ebi na gba.