Baru lela nɛ Jɔn kute na 3:36 - EBƆRƐ BE KAWƆL

³⁶ Esa kama nɛ e yirda Ebinyɛn na kɔ ŋkpa nɛ k maŋ kɔ ekar na, ama esa kama nɛ e kini Ebinyɛn na, maaŋ wu ŋkpa na, ama Ebɔrɛ be agbo e naaŋ baa wɔ mo so.

Baru lela nɛ Jɔn kute na 3:36 ပူးပေါင်းရင်းမြစ်များ

Job be kawɔl 33:28

nseŋ sɔ anyi n yige ashi luwu to nɛ an kraa wɔ ŋkpa to.”

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 36:9

Fo kutɔ nɛ ŋkpa kikɛ shi; nɛ fo kefulto bee bugi anyi be anishi nɛ anyee pin fo.

Nshɛ 49:19

Ama an kikɛ beeŋ ya tu an nananyɛnana, nsaa maaŋ naŋ wu karechɛ be kefulto kikɛ.

Habakuk 2:4

Kubɔya na nde: ‘Bekama nɛ baa wora asheŋ lubi maaŋ ji efute, ama bekama nɛ bumo be kebaawɔtɔ niŋi na beeŋ baa wɔ ŋkpa to ŋkpal b ka bee ji kashenteŋ a sa Ebɔrɛ so.’ ”

Nɔmbɛs 32:11

‘Ma e naa kaŋɛ na fanɛ, ŋkpal b ka maŋ ji kashenteŋ n sa ma na so, bumo be bekama nɛ b shi Ijipt be kasawule so m ba nseŋ fo nfɛ adunyɔ ŋko m baŋ so na be ekama maaŋ yɔ kasawule nɛ n nase kɔnɔ fanɛ meeŋ sa Eebraham nɛ Aizek nɛ Jeekɔb na so.’

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Maak 16:16

Ekama nɛ e yirda, nɛ b bɛr mo kabɔrɛbɛr, e beeŋ nya kumɔlga, ama ekama nɛ e maŋ yirda, e beeŋ nya kasogberge.

Luuk 2:30

ŋkpal manɛ so, ŋ gbagba be anishi e baŋ wu fo kumɔlga be kakɛ

Luuk 3:6

Durnya kikɛ malɛ beeŋ wu kananɛ Ebɔrɛ be kumɔlga be kakɛ na du.’ ”

Baru lela nɛ Jɔn kute na 1:12

Ama bekama nɛ b sɔ mo nseŋ yirda mbe ketre na, e sa bumo ekpa nna nɛ b ki Ebɔrɛ be mbia.

Baru lela nɛ Jɔn kute na 10:28

Mee sa bumo ŋkpa nɛ k maŋ kɔ ekar na nɛ b sa maŋ wu kikɛ. Esa kama malɛ maaŋ tiŋ n suge bumo ashi ma enɔ to.

Baru lela nɛ Jɔn kute na 3:3

Ndoŋ nna nɛ Yesu kaŋɛ mo le: “Kashenteŋ nɛ mee kaŋɛ fo na fanɛ, nɛ esa baa maŋ nya kakurge nyɔsopo na, e maaŋ wu Ebɔrɛ be kuwura na kikɛ.”

Baru lela nɛ Jɔn kute na 4:36

Men keni asɔteŋipo na tea nya mbe kakɔka, mo alɛ bee teŋi asɔ nna a yili ŋkpa nɛ k maŋ kɔ ekar na be jemanɛ, saŋɛ na so, eduupo na nɛ eteŋipo na kikɛ be ŋgbene beeŋ fuli bumo.

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

Baru lela nɛ Jɔn kute na 6:58

Bodobodo nɛ k shi ebɔrɛso m ba na nde. An nananyɛnana daŋ we manna nna, ama b wu. Ama esa kama nɛ e we le be bodobodo beeŋ baa wɔ ŋkpa to hale mbaanaayɔ.”

Baru lela nɛ Jɔn kute na 8:51

Ma e kaŋɛ menyi kashenteŋto na fanɛ nɛ esa baa ta ma kamalga na a wɔtɔ mbe kagbene to, e maaŋ wu kikɛ.”

Ashuŋ Shunso 14:2

Nɛ Juwebi nɛ b kini Yesu na we n wɔtɔ nnyamase na nɛ b fara a kishi bekurgepoana na.

Romebi 4:15

Ŋkpal manɛ so, mbra e naa shin nɛ Ebɔrɛ be agbo bee lar efuli. Kaplɛkama nɛ mbra maŋ wɔtɔ, kewora n da so malɛ gba maŋ wɔtɔ.

Romebi 5:9

Ŋkpal manɛ so, naniere Kristo wu n shin nɛ an ji n lar Ebɔrɛ be anishito, amoso, mbe kumɔlga anyi kachako ashi Ebɔrɛ be agbo na bre to nɛ e maaŋ wora a?

Romebi 8:1

Bumo nɛ b wɔ Kristo Yesu to naniere bre, kejimbri be kasogberge maŋ naa wɔ bumo so.

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

1 Tɛsalɔnikaebi 1:10

nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.

1 Tɛsalɔnikaebi 5:9

Ebɔrɛ maŋ lara anyi nna nɛ e ta mbe agbo n lɛ anyi so, ama e lara anyi nna nɛ an baa nya kumɔlga ashi Enyɛnpe Yesu Kristo to.

Hibruwebi 10:29

To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Hibruwebi 3:18

To, nɛ basa mo nɛ Ebɔrɛ daŋ bɔ ŋ kaŋɛ fanɛ b maaŋ luri mbe kewushi na to na? Mannɛ bumo nɛ b daa maŋ nu n sa Ebɔrɛ na a?

Hibruwebi 3:19

To, an wu fanɛ b ka daa maŋ tiŋ n luri Ebɔrɛ be kewushi na to na yirda nɛ b daa maŋ kɔ so.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”