Baru lela nɛ Jɔn kute na 3:31 - EBƆRƐ BE KAWƆL

³¹ Esa nɛ e shi ebɔrɛso na e chɔ ekama. Emo nɛ e shi kasawule so nfe la kasawule ere so be esa nna nɛ e bee malga kasawule ere so be asheŋ. Ama emo nɛ e shi ebɔrɛso na bre e chɔ ekama nyam.

Baru lela nɛ Jɔn kute na 3:31 ပူးပေါင်းရင်းမြစ်များ

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Baru lela nɛ Jɔn kute na 1:15

Mbe asheŋ nɛ Jɔn daŋ ji, saŋɛ nɛ e daŋ kaŋɛ le awɔrso na, e yɛ: “Ede be asheŋ nɛ n daa malga, saŋɛ nɛ n daŋ kaŋɛ fanɛ: ‘Esa ko wɔ ma kaman a ba, ama mo e chɔ ma, ŋkpal manɛ so, mo e daŋ ma kebaawɔtɔ ashi Ebɔrɛ be anishito.’ ”

Baru lela nɛ Jɔn kute na 1:27

Mo e la esa nɛ e wɔ ma kaman a ba na, esa nɛ m maŋ fo mbe aya to be shishɛr gba so na.”

Baru lela nɛ Jɔn kute na 1:30

Mo nɛ n daa de saŋɛ nɛ n daŋ kaŋɛ le na fanɛ: ‘Kanyɛn ko wɔ ma kaman a ba na, ŋkpal manɛ so, e daŋ ma kebaawɔtɔ ashi Ebɔrɛ be anishito.’

Baru lela nɛ Jɔn kute na 3:30

A daga fanɛ Yesu na be ketre e baa dii nɛ ma ere peya e baa yɔ kaseto.”

Baru lela nɛ Jɔn kute na 6:33

Ŋkpal manɛ so, Ebɔrɛ be bodobodo na e la bodobodo nɛ k shi ebɔrɛso m ba kaa sa durnya ŋkpa na.”

Baru lela nɛ Jɔn kute na 6:51

Ma e la bodobodo nɛ k bee sa ŋkpa n shi ebɔrɛso na. Esa kama nɛ e we le be bodobodo ere beeŋ baa wɔtɔ mbaanaayɔ. Bodobodo mo nɛ meeŋ ta n sa basa na e la ma eyur ere nɛ ŋ kɔ a sa durnya nɛ k nya ŋkpa na.”

Baru lela nɛ Jɔn kute na 8:23

Nɛ Yesu naŋ ta mbe kamalga n chuge so ŋ kaŋɛ: “Kasawule ere nfe nɛ menyi ere shi, ama esoso nɛ ma ere shi, durnya ere to nɛ men shi, ama mannɛ durnya ere to nɛ ma ere shi.

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

Romebi 9:5

B shi benananyɛngboŋana na be kanaŋ to nna. Dimɛdi malɛ be kaplɛa so Kristo na shi bumo to nna. Epaŋ be kedi e baa la Ebɔrɛ nɛ e chɔ kusɔ kama kuwura na peya. Amɛn.

Hibruwebi 9:1

To, sososo be kɔnɔkoŋwule be ŋkre na gba daa kɔ kumo be atande nna nɛ basa daa bɔla so a bunyaŋ Ebɔrɛ nseŋ daŋ naa kɔ kasawule so be kakpa cheembi.

1 Pita 3:22

Mo, Yesu Kristo koŋwule na e yɔ ebɔrɛso n ya kaa tase Ebɔrɛ be jisoso, kakpa nɛ ebunyampo bee chena, a ji emalaika kikɛ nɛ bejuŋkparpoana kikɛ nɛ eleŋana kikɛ so kuwura na.

1 Jɔn 4:5

Durnya ere to be basa e la bumo, amoso, durnya ere to be mmalga nɛ baa malga nɛ durnya ere to ebi malɛ bee nu bumo be mmalga na.

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”