Baru lela nɛ Jɔn kute na 3:27 - EBƆRƐ BE KAWƆL

²⁷ Nɛ Jɔn kaŋɛ bumo: “Nyiŋgbasa maaŋ tiŋ n nya shɛŋ mo gbagba be kumu so ama Ebɔrɛ e baŋ sa mo kumo.

Baru lela nɛ Jɔn kute na 3:27 ပူးပေါင်းရင်းမြစ်များ

Jɛremaya 1:5

“Jɛremaya, pɔɛŋ nɛ n to fo n wɔtɔ fo nio be epun to nɛ e kurge fo, n lara fo nna n yili fanɛ ma anebi n sa efuliana so be basa.”

Jɛremaya 17:16

Ama Enyɛnpe Ebɔrɛ, fo e lara ma fanɛ m baa keni fo basa so fanɛ anebi, kumo alɛ nɛ mee wora na. Fo nyi ma kɔnɔ to be mmalga kikɛ. Ma alɛ maŋ naŋ kaŋɛ fo kachɛ koŋwule gba fanɛ fo gberge bumo kusoe.

Eemɔs 7:15

Ama Enyɛnpe Ebɔrɛ na e lara ma ashi mbolpɔ be kebaa kpa be kushuŋ to ŋ kaŋɛ fanɛ m baa malga mbe asheŋ a sa mbe basa Israɛlebi.

Nɔmbɛs 17:5

Ekama nɛ n lara fanɛ bɔrɛmatapo na be kekpabi beeŋ gbu kenishi. Loŋ e naaŋ shin nɛ Israɛlebi ere e yige kebaa fubel a bile asheŋ a malga a gbiti fo.”

Matiu 21:25

Jɔn be kabɔrɛbɛr be asheŋ na daŋ shi nnɛ na, ebɔrɛso nɛ a shi ŋko enyiŋgbasa kutɔ?” Ndoŋ nna nɛ b bishi abar kusɔ nɛ baaŋ kaŋɛ. B yɛ: “Nɛ an baŋ kaŋɛ fanɛ ebɔrɛso nɛ a shi, e beeŋ bishi anyi: ‘Nɛ manɛ e ba nɛ menyi maŋ yirda mo?’

Matiu 25:15

E daŋ ta amansherbi ebɔtɛ anu nna n sa bumo be eko nseŋ ta ebɔtɛ anyɔ n sa ede nseŋ ta bɔtɛ koŋwule n sa ede malɛ. Kananɛ ekama beeŋ tiŋ ŋ keni so nɛ e daŋ sa mo. Kumo be kaman nɛ e pɛ mbe enite na to be ekpa.

Maak 13:34

K beeŋ ba du fanɛ enyɛn nɛ e koso n yɔ enite to nna nseŋ ta mbe kowu m bɔɔ mbe nyɛrbi enɔ, ekama nɛ mbe kushuŋ nseŋ kaŋɛ esa nɛ e bee keni kabuna so na fanɛ e baa da so.

Baru lela nɛ Jɔn kute na 10:41

Nɛ basa damta daa ba mo kutɔ m ba kaa kaŋɛ: “Kashenteŋ nna fanɛ Jɔn kabɔrɛbɛrpo daa maŋ wora mamachi be kesheŋ kama, ama asheŋ nɛ e ji shɛda ŋ kaŋɛ kanyɛn ere be asheŋ na kikɛ la kashenteŋ nna chap.”

Baru lela nɛ Jɔn kute na 6:65

Kumo be kaman nɛ e naŋ kaŋɛ le: “Amoso nɛ n daŋ kaŋɛ menyi fanɛ esa kama maaŋ tiŋ m ba ŋ kutɔ ama Etuto na e naaŋ shin nɛ amodoŋwura na e ba na.”

Romebi 1:5

Mo so nɛ Ebɔrɛ bɔla n wu ma kuwɔr n sa ma ekpa fanɛ m baa la eshuŋipo ŋkpal Yesu koŋwule na be ketre so nɛ efuli kama so ebi e ba yirda mo nseŋ fara a nu a sa mo.

Romebi 12:6

Amoso, an baa kɔ anyi be nnaŋ to be ŋkɛana na to a shuŋ. Amo nɛ an nya ŋkpal Ebɔrɛ be kuwɔr be kakɛ nɛ e sa ekama kananɛ e beeŋ tiŋ na so. Fo kama nɛ fo kakɛ baa la abɔrɛsheŋ be kebaawu a kaŋɛ, fo ta loŋ be kakɛ na ŋ kesar fo yirda so n shuŋ.

1 Kɔrintebi 1:1

Kawɔl ere shi ma Pɔɔl nɛ Ebɔrɛ kpal mo gbagba be keparso n tre ma fanɛ m ba ki Kristo Yesu be eshumpo na nɛ an kurgepo Sɔstenis kutɔ nna a yɔ Ebɔrɛ be asɔriebi nɛ b wɔ Kɔrint be kade to na kutɔ.

1 Kɔrintebi 12:11

Ade malɛ kikɛ Kiyoyu koŋwule na gbagba e naa sa amo, mo e naa sa basa ŋkɛ na be kekama kanaŋkamaso nɛ e bee sha.

1 Kɔrintebi 15:10

Ama ŋkpal Ebɔrɛ be kuwɔr be kakɛ so nɛ n du kananɛ n du ere na, mo alɛ be kuwɔr be kakɛ mo nɛ k ba ma so ere maŋ la jiga nna. Ama nɛ fo keni to, ma e shuŋ ga a chɔ bumo kikɛ, mannɛ ma gbagba bre, Ebɔrɛ be kuwɔr be kakɛ na e wɔ ma to a shuŋ.

1 Kɔrintebi 3:5

Manɛ e la Apɔlɔs ŋko manɛ e la ma Pɔɔl? Anyi maŋ la shɛŋ, an baa la beshumpo mo nɛ men bɔla anyi so nna m ba yirda. An be ekama daŋ baa wora kushuŋ mo nɛ Ebɔrɛ ta m bɔɔ mo enɔ na nna.

1 Kɔrintebi 4:7

Ŋkpal manɛ so, wanɛ e la fo nɛ fee fɛ fanɛ fo bɔ fo niopibiana? Mannɛ Ebɔrɛ e kɛ fo asɔ nɛ fo kɔ ere kikɛ a? To, nɛ manɛ e ba nɛ fee puchi fanɛ asɔ nɛ fo kɔ ere maŋ la kakɛ nna?

Galeeshaebi 1:1

Kawɔl ere shi ma Pɔɔl nɛ n la eshuŋipo na kutɔ nna a yɔ menyi Galeesha be efuli so ebi be asɔriana na kutɔ. M maŋ la esa nɛ edimɛdi tre n shuŋi ŋko esa nɛ b bɔla edimɛdi so n tre n shuŋi nna, ama n la esa nɛ Yesu Kristo nɛ Ebɔrɛ Etuto nɛ e tiŋi mo koŋwule Kristo ashi luwu to na tre n shuŋi nna.

Ɛfesesebi 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso na kutɔ nna a yɔ menyi, Ebɔrɛ be basa nɛ men wɔ Ɛfeses be kade to a bugi epunto a bɛ Kristo Yesu so na kutɔ.

1 Timoti 2:7

Amoso nɛ Ebɔrɛ lara ma fanɛ m baa la eshuŋipo nɛ nnyamase be eŋinipo a bɔ yirda nɛ kashenteŋ be kubɔya na. M maa fule nna, kashenteŋ nɛ mee ji.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.