Baru lela nɛ Jɔn kute na 3:26 - EBƆRƐ BE KAWƆL

²⁶ Ndoŋ nna nɛ Jɔn be bebɛsopo yɔ mo kutɔ n ya kaŋɛ mo le: “Eŋinipo, fo nyiŋi kanyɛn nɛ fo nɛ mo daa la ashi Jɔɔdan be lɔr be kaba ndoŋ na ŋko? Kanyɛn nɛ fo daŋ ji mbe shɛda na. Keni, e wɔtɔ a bɛr basa kabɔrɛbɛr nɛ basa kikɛ shile a yɔ mo kutɔ.”

Baru lela nɛ Jɔn kute na 3:26 ပူးပေါင်းရင်းမြစ်များ

Nshɛ 65:2

Ekama beeŋ ba fo kutɔ ŋkpal fo ka bee nu kekule so.

Kaŋinichiŋgeliŋ 4:4

Kumo be kaman nɛ n naaŋ pɛshɛ m pin kusɔ nɛ k ba nɛ basa bee pere kenishi a shuŋ ga nɛ b dii dama. Amo kikɛ to nɛ n wu fanɛ an ka bee besa abar eyur so nɛ k du loŋ. Ama amo kikɛ la fuloŋ nna. K du fanɛ fo ka ju a bɛ afu so nna.

Aizaaya 45:23

Ma kɔnɔ naseso la kashenteŋ nna, kumo alɛ maa chɛrga. M bɔ ntaŋ n nase kɔnɔ fanɛ ekama beeŋ ba gbir ma kumuli nseŋ shuŋ ma, Enyɛnpe Ebɔrɛ na.

Matiu 23:7

Baa sha fanɛ basa e baa tu bumo kebɛ to a chɔrɔ bumo bunyanso ga nseŋ naa sha fanɛ b baa tre bumo rabai, kumo e la fanɛ eŋinipo.

Matiu 23:8

Ama a maŋ daga men ka bee shin nɛ b baa tre menyi rabai, ŋkpal manɛ so, men kikɛ la keniopibi nna a kɔ Eŋinipo koŋwule.

Baru lela nɛ Jɔn kute na 1:15

Mbe asheŋ nɛ Jɔn daŋ ji, saŋɛ nɛ e daŋ kaŋɛ le awɔrso na, e yɛ: “Ede be asheŋ nɛ n daa malga, saŋɛ nɛ n daŋ kaŋɛ fanɛ: ‘Esa ko wɔ ma kaman a ba, ama mo e chɔ ma, ŋkpal manɛ so, mo e daŋ ma kebaawɔtɔ ashi Ebɔrɛ be anishito.’ ”

Baru lela nɛ Jɔn kute na 1:7

E daŋ ba nna fanɛ shɛdajipo, kumo e la fanɛ e ba ji kefulto na be asheŋ be shɛda, saŋɛ na so, basa beeŋ bɔla mo so n yirda kumo.

Baru lela nɛ Jɔn kute na 1:9

Kashenteŋ be kefulto nɛ k bee nyaŋɛ a sa esa kama na e daa ba durnya ere to na.

Baru lela nɛ Jɔn kute na 11:48

An baŋ yige mo nɛ e wɔtɔ a wora le be asheŋ ere, ekama beeŋ yirda mo nɛ Romebi na e ba m ba jija anyi be bɔrɛlambu ere nseŋ ta anyi be efuli ere kikɛ n ti so.”

Baru lela nɛ Jɔn kute na 12:19

Ndoŋ nna nɛ Efarisiana na kaŋɛ abar le: “Men keni, an maaŋ tiŋ n wora shɛŋ nna na, ŋkpal manɛ so, durnya kikɛ e muu a bɛ mo so na.”

Baru lela nɛ Jɔn kute na 3:2

Kachako kiidiso nɛ e yɔ Yesu kutɔ n ya kaŋɛ mo le: “Rabai, mamachi be asheŋ nɛ fee wora ere e shin nɛ an pin fanɛ fo ka la eŋinipo nɛ e shi Ebɔrɛ kutɔ m ba, ŋkpal manɛ so, nɛ Ebɔrɛ maŋ wɔ esa to, e maaŋ tiŋ n wora asɔ nɛ fee wora ere.”

Baru lela nɛ Jɔn kute na 4:1

Jemanɛ ko Efarisiana na nu fanɛ Yesu daa nya nseŋ daa bɛr bebɛsopo a chɔ Jɔn kabɔrɛbɛrpo.

Baru lela nɛ Jɔn kute na 4:2

Ama kashenteŋto, Yesu gbagba daa maŋ bɛr esa kikɛ kabɔrɛbɛr. Mbe bebɛsopo e daa bɛr basa kabɔrɛbɛr.

Baru lela nɛ Jɔn kute na 4:31

Kesheŋ ere ka bee wora kade to le ere nɛ Yesu be bebɛsopo malɛ bee kule mo fanɛ e ji ajibi a kaŋɛ mo: “Eŋinipo, wora ania n ji kusɔ ko.”

Baru lela nɛ Jɔn kute na 5:33

Men gbagba e shuŋi mbɔ Jɔn kutɔ, mo alɛ ji kashenteŋ na be shɛda n sa menyi.