Baru lela nɛ Jɔn kute na 3:19 - EBƆRƐ BE KAWƆL

¹⁹ Ekpa nɛ demu be keji na beeŋ bɔla so nde fanɛ: Kefulto na ba durnya ere to, ama ŋkpal basa be ashuŋ shunso ka lubi so, baa sha tentembiri a chɔ kefulto na.

Baru lela nɛ Jɔn kute na 3:19 ပူးပေါင်းရင်းမြစ်များ

Aŋasa 2:13

Loŋ be basa e kini kebaawɔtɔ niŋiso nsaa wɔ tentembiri be alubi be kebaawɔtɔ to na.

Jɛremaya 9:6

Ekama baa wɔtɔ nna a puni mo barkasa a ji nna. Ekama malɛ maa shuli so fanɛ ma e la Ebɔrɛ.

Levitikɔs 13:10

nɛ e mige mo to ŋ keni nɛnɛ. Nɛ k la kuchuu n fuli to nɛ kumo to be afuibi fuli nɛ k bee lar nchu nna,

Zakareya 14:19

Kasogberge nɛ k beeŋ ba Ijipt be efuli nɛ efuli pɔtɛana nɛ a kini keji Abuu to be Kachɛgboŋ na so nna na.

Luuk 12:47

Kenya kama nɛ e nyi kusɔ nɛ mo nyɛnpe bee sha fanɛ e wora nseŋ maŋ bela ase ŋ koso n wora kumo, baaŋ kuya mo so ga.

Luuk 16:14

Efarisiana na ka daa sha amansherbi ga so, b ka nu asheŋ na kikɛ nɛ b wora mo eyurto.

Baru lela nɛ Jɔn kute na 1:4

Kamalga na to nɛ ŋkpa kikɛ shi nɛ le be ŋkpa ere malɛ bar kefulto basa to.

Baru lela nɛ Jɔn kute na 1:5

Kefulto na malɛ wɔtɔ nna a nyaŋɛ a fuli tentembiri to, ama tentembiri na malɛ maŋ naŋ pɔɔ kumo so.

Baru lela nɛ Jɔn kute na 12:31

Naniere bre keji durnya ere demu be saŋɛ fo, naniere nɛ kegboŋi durnya ere to be ejuŋkparpo na ashi mbe kejuŋkpar na to na fo.

Baru lela nɛ Jɔn kute na 12:43

Bumo alɛ ka daa sha mbo ashi basa kutɔ a chɔ Ebɔrɛ kutɔ na so e shin nɛ b daa wora loŋ.

Baru lela nɛ Jɔn kute na 12:46

M ba durnya to nna fanɛ kefulto na, saŋɛ na so, ekama nɛ e yirda ma, maaŋ shir a wɔ tentembiri to.

Baru lela nɛ Jɔn kute na 5:44

Menyee sha kebaanya mbo abar kutɔ, ama men maa wora ania a fin mbo ashi Ebɔrɛ koŋwule na kutɔ nɛ nuso nɛ menyeeŋ wora n yirda?

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

Baru lela nɛ Jɔn kute na 9:5

Ŋ ka kraa wɔ durnya to ere bre, ma e la durnya ere be kefulto.”

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

Romebi 2:8

Ama bumo nɛ b wɔ bumo gbagba be aparsheŋ to a kini kashenteŋ na be kebɛso nsaa bɛ alubi so na, Ebɔrɛ be kagbene beeŋ kaa nɛ mbe agbo e ba bumo so.

2 Tɛsalɔnikaebi 2:12

Bekama malɛ nɛ b maŋ yirda kashenteŋ na nseŋ ta alubi ŋ ki bumo be aparsheŋ na kikɛ beeŋ mur.

1 Pita 2:8

Baa fiti a tɔr nna ŋkpal b ka maŋ yirda kamalga na so, kusɔ nɛ Ebɔrɛ malɛ yili bumo nna na.

2 Pita 3:3

Kusɔ nɛ k daga fanɛ men fara m pin e la fanɛ, lalaloge be nchɛ na to befɛpo beeŋ ba kaa wora basa shia nsaa bɛ bumo gbagba be nyɛlga lubiana so.