Wanɛ e dii n yɔ Ebɔrɛ so m bɛta m ba? Wanɛ e tiŋ m pɛ afu n wɔtɔ enɔ to? Ŋko ŋ gbargbar nchu n wɔtɔ mbe kusɔbuuso to? Wanɛ e ta kasawule n yili kumo be eyilikpa? Loŋ be esa be ketre ŋko mo pibi be ketre e la nuso? Nɛ fo nyi, fo kaŋɛ ma.
Keni, durnya ere to be asheŋ nɛ m malga n sa menyi nɛ menyi maŋ yirda amo na. To, nɛ ŋ kaŋ malga ebɔrɛso be asheŋ n sa menyi, nuso nɛ menyeeŋ wora n yirda amo?
Esa nɛ e shi ebɔrɛso na e chɔ ekama. Emo nɛ e shi kasawule so nfe la kasawule ere so be esa nna nɛ e bee malga kasawule ere so be asheŋ. Ama emo nɛ e shi ebɔrɛso na bre e chɔ ekama nyam.
Ma e la bodobodo nɛ k bee sa ŋkpa n shi ebɔrɛso na. Esa kama nɛ e we le be bodobodo ere beeŋ baa wɔtɔ mbaanaayɔ. Bodobodo mo nɛ meeŋ ta n sa basa na e la ma eyur ere nɛ ŋ kɔ a sa durnya nɛ k nya ŋkpa na.”
Nɛ Yesu kaŋɛ bumo: “Nɛ Ebɔrɛ daa la men tuto nna, men daa beeŋ baa sha ma asheŋ, ŋkpal manɛ so, Ebɔrɛ kutɔ nɛ n shi m ba kaa wɔ nfe naniere na, m maŋ ba ŋ gbagba be kumu so. Mo e shuŋi ma.
Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.
Ama le nɛ abɔrɛsibɛ na bee kaŋɛ kebɔla yirda so a ki elelapo Ebɔrɛ be anishito be asheŋ: “Sa maŋ bishi fo kumu fanɛ: ‘Wanɛ e naaŋ dii n yɔ ebɔrɛso?’ Kumo e la fanɛ n ya bar Kristo.
Enyɛnpe Ebɔrɛ na be mbraana na maŋ wɔ ebɔrɛso nna nɛ men bishi le: “Wanɛ e naaŋ dii n yɔ esoso n ya sɔ amo ŋ gbelge to m ba sa anyi nɛ an nu amo nseŋ wora amo kasonu?”