Baru lela nɛ Jɔn kute na 3:11 - EBƆRƐ BE KAWƆL

¹¹ Kashenteŋ nɛ mee kaŋɛ fo na fanɛ kusɔ nɛ an nyi be asheŋ nɛ anyee malga nsaa ji kusɔ nɛ an wu na malɛ be shɛda, ama men kraa maŋ yirda shɛda nɛ anyee ji a sa menyi.

Baru lela nɛ Jɔn kute na 3:11 ပူးပေါင်းရင်းမြစ်များ

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Aizaaya 53:1

Ndoŋ nna nɛ basa na malɛ bishi le: “Wanɛ e naaŋ yirda kubɔya nɛ anyee nu ere? Wanɛ e daŋ wu Enyɛnpe Ebɔrɛ be eleŋgboŋ ka shuŋ le?

Aizaaya 55:4

Ma e daŋ shin nɛ e ki efuliana na be ejuŋkparpo nɛ ewura, nseŋ bɔla mo so ŋ ŋini bumo ma eleŋgboŋ.

Aizaaya 65:2

Jemanɛ kikɛ ma ere wora shiriya nɛ n sɔ ma basa kpeŋso nɛ b sɔ bumo gbagba be ekpa a wɔtɔ a wora asheŋ lubi na nna.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Luuk 10:22

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.”

Baru lela nɛ Jɔn kute na 1:11

E daŋ ba mo gbagba be efuli so nna, ama mbe basa gbagba daa maŋ sɔ mo.

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Baru lela nɛ Jɔn kute na 12:49

Ŋkpal manɛ so, mannɛ ŋ gbagba be eleŋ to so nɛ m malga, Etuto nɛ e shuŋi ma na e nase kusɔ nɛ meeŋ kaŋɛ nɛ kananɛ meeŋ kaŋɛ kumo n sa ma.

Baru lela nɛ Jɔn kute na 14:24

Esa kama nɛ e maa sha ma, maa ta ma mmalga a wɔtɔ mbe kagbene to. Mmalga nɛ menyee nu ere malɛ maŋ la meya nna, n Tuto nɛ e shuŋi ma na peya nna.

Baru lela nɛ Jɔn kute na 3:12

Keni, durnya ere to be asheŋ nɛ m malga n sa menyi nɛ menyi maŋ yirda amo na. To, nɛ ŋ kaŋ malga ebɔrɛso be asheŋ n sa menyi, nuso nɛ menyeeŋ wora n yirda amo?

Baru lela nɛ Jɔn kute na 3:13

Esa kama maŋ naŋ yɔ ebɔrɛso she emo nɛ e shi ndoŋ m ba na nawule, mo e la ma, Nyiŋgbasa Pibinyɛn na.

Baru lela nɛ Jɔn kute na 3:3

Ndoŋ nna nɛ Yesu kaŋɛ mo le: “Kashenteŋ nɛ mee kaŋɛ fo na fanɛ, nɛ esa baa maŋ nya kakurge nyɔsopo na, e maaŋ wu Ebɔrɛ be kuwura na kikɛ.”

Baru lela nɛ Jɔn kute na 3:5

Nɛ Yesu kaŋɛ mo: “Kashenteŋ nɛ mee kaŋɛ fo na fanɛ nɛ b baa maŋ bɔla nchu nɛ Kiyoyu na so ŋ kurge esa, e maaŋ tiŋ n luri Ebɔrɛ be kuwura na to.

Baru lela nɛ Jɔn kute na 5:43

N Tuto be ketre nɛ n ta m ba nɛ men kini ma na, ama nɛ esa pɔtɛ ko baŋ ta mo gbagba be eleŋ m ba, menyeeŋ sɔ amodoŋwura na.

Baru lela nɛ Jɔn kute na 7:16

Nɛ Yesu kaŋɛ bumo: “Ma keŋini maŋ la meya nna. K shi esa nɛ e shuŋi ma na kutɔ nna.

Baru lela nɛ Jɔn kute na 8:14

Nɛ Yesu kaŋɛ bumo: “Hale nɛ n ji ma kumu so be shɛda gba, asɔ nɛ mee malga ere kɔ kashenteŋ, ŋkpal manɛ so, n nyi kakpa nɛ n shi m ba nseŋ naa nyi kakpa nɛ mee yɔ, ama menyi ere maŋ nyi kakpa nɛ n shi m ba nɛ kakpa nɛ mee yɔ.

Baru lela nɛ Jɔn kute na 8:26

Asɔ damta wɔtɔ nɛ n yili amo so m malga menyi be asheŋ nseŋ ji menyi demu, ama esa nɛ e shuŋi ma na la Kashenteŋjipo nna. Ma alɛ, kusɔ nɛ mee nu ashi mo kutɔ nɛ mee ta a kaŋɛ durnya.”

Baru lela nɛ Jɔn kute na 8:38

Asɔ nɛ n wu n Tuto na kutɔ be asheŋ nɛ mee malga nɛ menyi alɛ bee wora asɔ nɛ men nu ashi men tuto kutɔ.”

Ashuŋ Shunso 22:18

‘Nya manaŋ n lar Jerusalɛm, ŋkpal manɛ so, nfe be basa ere maaŋ yirda ma shɛda nɛ fee sha keji n sa bumo ere.’

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.