Baru lela nɛ Jɔn kute na 21:25 - EBƆRƐ BE KAWƆL

²⁵ Yesu daŋ wora asheŋ damta ko gba n ti so, nɛ b daŋ sibɛ amo be kekama nna n nase, mee tama fanɛ durnya kikɛ gba daa maaŋ tiŋ n nya kakpa n sɔ loŋ be nwɔl na.

Baru lela nɛ Jɔn kute na 21:25 ပူးပေါင်းရင်းမြစ်များ

Job be kawɔl 26:14

Ade bre la Ebɔrɛ be eleŋgboŋ na be ashuŋ wurbi nna na. To, wanɛ e naŋ tiŋ m pin kananɛ Ebɔrɛ be keshi gbagba du?”

Nshɛ 40:5

Enyɛnpe Ebɔrɛ, fo wora emamachisheŋ damta. Ŋkre nɛ fo kɔ n sa anyi shi m pɔɔ anyi be nfɛra so. Esa kama maŋ du fanɛ fo. M maaŋ tiŋ ŋ kute fo asheŋ woraso kikɛ.

Nshɛ 71:15

Karechɛ kikɛ meeŋ baa malga fo alelasheŋ nɛ fo kumɔlga be asheŋ; ŋkpal manɛ so, fo wora asheŋgboŋ nɛ a baŋ ma kepinto so.

Kaŋinichiŋgeliŋ 12:12

M pibi, baa da so nɛ fo maaŋ naŋ ta shɛŋ n ti mmalga ere so. Nwɔl be kasibɛ maaŋ kɔ ekar kikɛ, nɛ kekoya be alegai malɛ bee shin nɛ esa bee gben a bɛlɛ.

Eemɔs 7:10

Le be kubɔya nɛ Amaziya nɛ e la Bɛtɛl be bɔrɛmatapo na daŋ ta n sa Jeroboam nɛ e la Israɛl be ewura na. E yɛ: “Eemɔs bee kre menyi ŋkre lubi nna ashi Israɛlebi be kasawule so. Mbe mmalga gba nawule beeŋ tiŋ m mur efuli na kikɛ.”

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Matiu 19:24

Ŋ kraa kaŋɛ menyi nna na fanɛ damawura be keluri ebɔrɛso be kuwura na to du kpakpa a chɔ b ka beeŋ ta kemamprɔŋ n wɔtɔ kebasibi be kemaŋ to.”

Maak 5:16

Bumo nɛ b daa wɔtɔ n wu kusɔ nɛ k wora na kaŋɛ kusɔ nɛ k wora mbuibilubiwura na nɛ epreku na.

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 20:35

M bɔla kusɔ kama to ŋ ŋini menyi fanɛ kebaashuŋ le ere nɛ anyee chɛ bepɔshipo to nsaa nyiŋi Enyɛnpe Yesu gbagba be mmalga nɛ e kaŋɛ na: ‘Kakɛ kɔ kagbenefuli a chɔ kesɔ.’ ”

Hibruwebi 11:32

To, ade kikɛ be kaman, a naŋ daga ŋ ka naŋ malga beyirdapo ko malɛ be asheŋ n ti so a? Saŋɛ maŋ wɔtɔ nɛ n naŋ malga Gidiɔn nɛ Barak nɛ Samsen nɛ Jɛfta nɛ Deevid nɛ Samuɛl nɛ anebiana na be asheŋ.