Baru lela nɛ Jɔn kute na 21:16 - EBƆRƐ BE KAWƆL

¹⁶ Nɛ Yesu naŋ bishi mo kela nyɔsopo: “Saimɔn, Jɔn pibinyɛn, fee sha ma kashenteŋto a?” Nɛ Pita naŋ shuli ŋ kaŋɛ: “Mm Enyɛnpe, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Baru lela nɛ Jɔn kute na 21:16 ပူးပေါင်းရင်းမြစ်များ

Nshɛ 100:3

Men baa nyi fanɛ Enyɛnpe na e la Ebɔrɛ! Mo e to anyi nɛ an la mbe basa; an du fanɛ mbe mbolpɔ nna nɛ e bee keni so.

Nshɛ 95:7

Mo e la anyi be Ebɔrɛ, nɛ anyi alɛ la mbe basa. An du fanɛ mbe mbolpɔ nɛ e bee keni so nna. Men baŋ nu mbe ebɔl kabre,

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Matiu 2:6

‘Fo Bɛtlɛhɛm nɛ fo wɔ Judiya so na, fo maŋ la Juda be kasawule so be bewuraana be ebibiso kuraa, ŋkpal manɛ so, fo to nɛ ejuŋkparpo beeŋ lar n juŋkpar ma basa Israɛlebi.’ ”

Matiu 25:32

Baaŋ shɛr efuliana kikɛ nyam ma anishito nɛ m barga basa ko ashi beko to fanɛ kananɛ mbolpɔkpapo bee barga mbolpɔ ashi mboe to na.

Matiu 26:72

Nɛ e bɔ n naŋ chɛ kumo alɛ gba ŋ kaŋɛ le: “M maŋ nyi amo be kanyɛn.”

Luuk 19:10

Ma alɛ Nyiŋgbasa Pibinyɛn ba na nɛ m ba fin basa nseŋ mɔlga bumo ashi bumo be alubi to.”

Baru lela nɛ Jɔn kute na 18:17

Pita ka daa yil ndoŋ na nɛ kebichebi na bishi mo le: “Kanyɛn na be bebɛsopo na be eko e la fo alɛ gba ŋko?” Nɛ Pita kaŋɛ mo le: “M-m, m maŋ la mbe ebɛsopo.”

Baru lela nɛ Jɔn kute na 18:25

Jemanɛ ere kikɛ so nɛ Saimɔn Pita yil a wɔl edɛ na nɛ basa bishi mo le: “Kanyɛn na be ebɛsopo na be eko e la fo alɛ gba ŋko?” Ndoŋ nna nɛ e chɛ ŋ kaŋɛ: “M-m, m maŋ la mbe ebɛsopo.”

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

1 Pita 2:25

Ŋkpal manɛ so, men daa du fanɛ mbolpɔ ka yeŋ to nna, ama naniere bre, men bɛta m ba men be ayoyu be Ekpapo nɛ Ekenipo kutɔ.

1 Pita 5:2

Mee kule menyi nna fanɛ men baa keni Ebɔrɛ be basa nɛ b wɔ men be enɔ to a du fanɛ mbolpɔ na so. Men sa maŋ ta bumo be kekeniso na fanɛ katiŋ be kusɔ. Men baa bugi ŋgbene a keni bumo so fanɛ kananɛ Ebɔrɛ bee sha fanɛ men baa du na. Men sa maŋ baa wɔtɔ a kɔ kajɛso a fin kakɔka, men baa bugi kagbene a sha kebaashuŋ basa.

Kelaraŋŋini 7:17

Ŋkpal manɛ so, Kpakpafɔlbi nɛ e wɔ kuwurputi na be nferinto na e naaŋ ki bumo be ekpapo n yɛr bumo mboŋ nɛ ŋkpa be nchuana bee bul nɛ Ebɔrɛ malɛ e kpra anishichubi kikɛ ashi bumo be anishiana to.”