Baru lela nɛ Jɔn kute na 21:15 - EBƆRƐ BE KAWƆL

¹⁵ B ka ji n loge nɛ Yesu bishi Saimɔn Pita le: “Saimɔn, Jɔn pibinyɛn, fee sha ma kashenteŋto a chɔ bede ere a?” Nɛ Pita kaŋɛ mo: “Mm Enyɛnpe, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔbi so.”

Baru lela nɛ Jɔn kute na 21:15 ပူးပေါင်းရင်းမြစ်များ

Jɛnesis 33:13

Nɛ Jeekɔb kaŋɛ mo: “N nyɛnpe, fo nyi mbia ka maŋ kɔ eleŋ nɛ kumo alɛ naŋ daga fanɛ ŋ keni mbolpɔ cheso nɛ ana nɛ b kɔ bibi na so. B kpa bumo eleŋso kachɛ koŋwule n yɔ, asɔbɔya na kikɛ beeŋ wu.

2 Samuɛl 7:20

Manɛ bre nɛ n naa kɔ nɛ ŋ kaŋɛ fo! Fo nyi fo kayɛrbi be nfɛra.

2 Bewura 20:3

“Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Jɛremaya 23:4

Ma alɛ beeŋ lara bejuŋkparpo nɛ baŋ keni bumo so kananɛ k daga nɛ kufu maaŋ naa kɔ bumo nɛ b baa chicha kufuso. M maaŋ naŋ gberge bumo kusoe kikɛ. Bumo be ekoŋwule gba maaŋ foe bumo to. Ma, Enyɛnpe Ebɔrɛ e kaŋɛ na.”

Jɛremaya 3:15

Meeŋ shin nɛ basa nɛ b nyi asheŋ nsaa nu a sa ma e ji menyi so kuwura nsaa keni menyi so fanɛ mbolpɔkpapo.

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Ezikɛl 46:24

Ndoŋ nna nɛ kanyɛn na naŋ kaŋɛ ma le: “Edaŋɛkpaana nɛ bɔrɛlambu na to be beshumpo bee daŋɛ esarga nɛ basa na bee lara na nna na.”

Matiu 10:37

Esa kama malɛ nɛ e bee sha mo tuto nɛ mo nio a chɔ ma maŋ daga e ka la meya. Ekama malɛ nɛ e bee sha mo pibinyɛnso ŋko mo pibicheso a chɔ ma maŋ daga e ka la meya.

Matiu 16:17

Nɛ Yesu kaŋɛ mo: “Mbo, Jɔn pibinyɛn Saimɔn, ŋkpal manɛ so, le be kashenteŋ be kamalga ere maŋ shi nyiŋgbasa ko kutɔ nna m ba fo to. N Tuto nɛ e wɔ ebɔrɛso na gbagba kutɔ nɛ k shi.

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Matiu 26:33

Ndoŋ nna nɛ Pita kaŋɛ mo le: “Nɛ ekama shile ŋ ŋana ŋkpal fo so gba, ma ere maaŋ shile fo kikɛ.”

Matiu 26:35

Ndoŋ nna nɛ Pita naŋ kaŋɛ mo le: “Hale nɛ ma nɛ fo beeŋ wu gba, m maa ba nɛ m ba kaŋɛ fanɛ m maŋ nyi fo.” Loŋ koŋwule na nɛ bebɛsopo na kikɛ malɛ gba daŋ kaŋɛ.

Maak 14:29

Ndoŋ nna nɛ Pita kaŋɛ mo le: “Nɛ ekama shile ŋ ŋana ŋ ka fo gba, ma ere maaŋ shile fo kikɛ.”

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Luuk 22:32

ama ŋ kule Ebɔrɛ n sa fo fanɛ fo yirda e tiŋ a kɔ fo to kpakpa a yil. Nɛ fo alɛ ka baŋ lar loŋ be kebaawɔtɔ na to, fo leŋ fo kurgepoana na to.”

Baru lela nɛ Jɔn kute na 1:42

Kumo be kaman nɛ e bar Saimɔn Yesu kutɔ nɛ mo alɛ keni Saimɔn nseŋ kaŋɛ le: “Fo e la Saimɔn nɛ fo tuto bee ji Jɔn na ŋko? Naniere baaŋ baa tre fo Sifas.” Kumo be kifito e la kefalta nɛ kumo koŋwule na la Pita.

Baru lela nɛ Jɔn kute na 13:37

Ndoŋ nna nɛ Pita naŋ bishi mo: “Enyɛnpe, manɛ e ba nɛ m maaŋ tiŋ m bɛ fo so naniere n yɔ? Meeŋ tiŋ ŋkpal fo so gba n wu.”

Baru lela nɛ Jɔn kute na 16:27

Ŋkpal manɛ so, Etuto na gbagba bee sha menyi ŋkpal men ka bee sha ma nseŋ yirda fanɛ n shi Ebɔrɛ na kutɔ na so.

Baru lela nɛ Jɔn kute na 21:12

Nɛ Yesu kaŋɛ bumo: “Men ba ber kɔnɔ.” Saŋɛ ere so kikɛ nɛ bebɛsopo na be ekama maŋ tiŋ n nya kagbene m bishi mo: “Wanɛ e la fo?” Ŋkpal manɛ so, b daa nyi Enyɛnpe ka la.

Baru lela nɛ Jɔn kute na 21:7

Ndoŋ nna nɛ ebɛsopo nɛ Yesu daa sha na kaŋɛ Pita: “Enyɛnpe nna.” Saimɔn Pita ka baŋ nu fanɛ Enyɛnpe nna nɛ e ta mbe kusɔbuuso m mea to, ŋkpal manɛ so, e daŋ lara kumo nna n nase nseŋ tɛ n luri nchu na to.

Baru lela nɛ Jɔn kute na 8:42

Nɛ Yesu kaŋɛ bumo: “Nɛ Ebɔrɛ daa la men tuto nna, men daa beeŋ baa sha ma asheŋ, ŋkpal manɛ so, Ebɔrɛ kutɔ nɛ n shi m ba kaa wɔ nfe naniere na, m maŋ ba ŋ gbagba be kumu so. Mo e shuŋi ma.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Ashuŋ Shunso 20:29

Ŋkpal manɛ so, n nyi fanɛ ŋ kaŋ yɔ, befɛpo damta beeŋ ba menyi to m ba fin kemur asɔriebi na fanɛ kananɛ kuntuŋ bee luri mbolpɔ to a mur amo na.

Romebi 14:1

Men baa sɔ ekama nɛ e maŋ kɔ eleŋ ashi yirda na to na a wɔtɔ menyi to, ama menyi nɛ mo e sa maa ji emɔrɔ a yɔ mbe asheŋ fɛso be kaplɛa so.

Romebi 15:1

A daga fanɛ anyi, bumo nɛ an kɔ eleŋ yirda na to na e baa chɛ bepɔshipo na to a keni bumo be asheŋ nɛ a bee pɔɔ bumo so to. An sa maa wɔtɔ a de anyi gbagba be aparsheŋ so.

1 Kɔrintebi 8:11

Saŋɛ na so, fo kanyiasheŋ na beeŋ shin nɛ epɔsopo na, fo niopibi mo nɛ Kristo wu n sa na e mur mbe alubi to nna na.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

Ɛfesesebi 6:24

Ebɔrɛ be kuwɔr be kakɛ e baa wɔ bekama nyam nɛ b kɔ kasha nɛ k maa loge a sha an Nyɛnpe Yesu Kristo na so.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

1 Pita 2:2

Men baa sha kashenteŋ be abɔrɛsheŋ na ga fanɛ kananɛ mbi popɔrbi bee sha kenyipo na, saŋɛ na so menyeeŋ bɔla amo so n yɔ anishito ashi men be kumɔlga ere to.

1 Pita 2:25

Ŋkpal manɛ so, men daa du fanɛ mbolpɔ ka yeŋ to nna, ama naniere bre, men bɛta m ba men be ayoyu be Ekpapo nɛ Ekenipo kutɔ.

1 Jɔn 4:19

Ebɔrɛ e daŋ kesha anyi so shin nɛ anyi alɛ kɔ kasha na.

1 Jɔn 5:1

Esa kama nɛ e yirda fanɛ Yesu e la Kristo na la Ebɔrɛ pibi nna nɛ ekama malɛ nɛ e bee sha esa nɛ e kurge ebi na beeŋ baa sha ebi na gba.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.