Baru lela nɛ Jɔn kute na 20:9 - EBƆRƐ BE KAWƆL

⁹ B daa maŋ pin ashi abɔrɛsibɛ na to fanɛ Yesu beeŋ tiŋi luwu to.

Baru lela nɛ Jɔn kute na 20:9 ပူးပေါင်းရင်းမြစ်များ

Nshɛ 16:10

Ŋkpal manɛ so, fee kuŋ ma ashi luwu to. Fo maaŋ shin nɛ fo kenya e luri nchaŋ to; ŋko n shin nɛ fo esa cheembi e wu m bɛ.

Nshɛ 22:15

Ma eleŋ kikɛ loge fanɛ kusɔ nuunchu ka baŋɛ to na; nɛ ma kudonduloŋ wɔl m mata ma anyifar to. Fo Enyɛnpe Ebɔrɛ na yige ma nna nɛ n wu n tɔr shishɛr to a?

Aizaaya 25:8

Enyɛnpetale Ebɔrɛ na beeŋ mur luwu mbaanaayɔ! E beeŋ kpra anishichubi ashi ekama be anishito nseŋ lara ŋaba nɛ mbe basa ji ashi durnya kikɛ to na ashi bumo so. Enyɛnpe Ebɔrɛ na gbagba e kaŋɛ.

Aizaaya 26:19

Anyi be basa nɛ b wu na beeŋ naŋ ba ŋkpa to! Bumo be eyurana beeŋ naŋ bɛta m ba ŋkpa to. Bekama nɛ baa di bumo be nchaŋana to na beeŋ naŋ koso m boŋ nshɛ kagbenefuliso Kananɛ kachipurso be bunyaŋ bee shin nɛ nsawule bee wushi na, loŋ nɛ Enyɛnpe Ebɔrɛ na beeŋ naŋ tiŋi basa nɛ b wu dra dra na.

Hoziya 13:14

M maaŋ lara bumo ashi bubuni to ŋko m mɔlga bumo ashi luwu to. Luwu nɛ nchaŋ kikɛ bee ŋmɛa bumo be kabuna. M maaŋ naŋ wu bumo kuwɔr kikɛ.

Matiu 22:29

Nɛ Yesu kaŋɛ bumo: “Men maŋ kɔ kashenteŋ, ŋkpal manɛ so, men maŋ nyi abɔrɛsibɛ na ŋko Ebɔrɛ be eleŋ.

Luuk 24:26

Men maŋ nyi fanɛ asheŋ nɛ a wora ere kikɛ daga kewora Kristo na nna pɔɛŋ nɛ e luri mbe kemaŋkura na to a?”

Luuk 9:45

Ama bebɛsopo na daa maŋ pin mbe kamalga na to, ŋkpal manɛ so, Ebɔrɛ daa maŋ bugi kumo to n sa bumo, ŋkeshin nɛ bumo alɛ daa maŋ bishi mo kumo be kifito ŋkpal kufu so.

Baru lela nɛ Jɔn kute na 2:22

Ebɔrɛ daŋ tiŋi Yesu ashi luwu to nna pɔɛŋ nɛ bebɛsopo na nyiŋi kusɔ nɛ e daŋ kaŋɛ na. Ndoŋ nna nɛ b wora abɔrɛsibɛ na nɛ mmalga nɛ Yesu daŋ malga na yirda.

Ashuŋ Shunso 17:3

a ta amo a bugi asheŋ to a ŋini bumo kananɛ a daga Kristo na ka beeŋ luri etɔrɔ to nɛ Ebɔrɛ e naŋ tiŋi mo luwu to ŋ kaŋɛ bumo: “Yesu nɛ mee malga mbe asheŋ ere e la Kristo na.”

Ashuŋ Shunso 2:24

Ama Ebɔrɛ naŋ shin nɛ e tiŋi luwu na to n sɔ mo luwu be ebesa to n yige, ŋkpal manɛ so, luwu daa maŋ tiŋ n shin nɛ e ka kumo be enɔ to kikɛ.

1 Kɔrintebi 15:4

b daŋ puli mo, ama e tiŋi ashi luwu na to kumo be kachɛ sasopo to fanɛ kananɛ abɔrɛsibɛ na bee kaŋɛ na.