Baru lela nɛ Jɔn kute na 20:31 - EBƆRƐ BE KAWƆL

³¹ Ama b sibɛ ade ere nna nɛ men yirda fanɛ Yesu e la Mesaya na, Ebɔrɛ Pibinyɛn na, nɛ menyi alɛ yirda loŋ, men beeŋ nya ŋkpa ashi mbe ketre na to.

Baru lela nɛ Jɔn kute na 20:31 ပူးပေါင်းရင်းမြစ်များ

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 2:7

Nɛ ewura na kaŋɛ le: “Meeŋ bɔ kɔnɔ nɛ Enyɛnpe Ebɔrɛ na nase n sa ma na be kubɔya.” E yɛ: “Fo e la m pibinyɛn na; kabre, ŋ ki fo tuto.

Matiu 16:16

Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.”

Matiu 27:54

Benapo be enimu nɛ basa nɛ b daa yil ndoŋ a de Yesu so na ka wu kananɛ kasawule na gbuŋgbuŋ to nɛ asɔ nɛ a daŋ wora na kikɛ nɛ kufu pɛ bumo nɛ b kaŋɛ le: “Kashenteŋto, kanyɛn ere daa la Ebɔrɛ Pibinyɛn nna!”

Matiu 4:3

Ndoŋ nna nɛ echɔŋkenipo na ba mo kutɔ m ba kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ ajembu ere e ki ebodobodo.”

Maak 16:16

Ekama nɛ e yirda, nɛ b bɛr mo kabɔrɛbɛr, e beeŋ nya kumɔlga, ama ekama nɛ e maŋ yirda, e beeŋ nya kasogberge.

Luuk 1:35

Nɛ malaika na shuli so ŋ kaŋɛ: “Kiyoyu Cheeŋ na e naaŋ gbelge fo so nɛ Ebɔrɛ be eleŋ e ba buu fo so. Amoso, baaŋ tre kebia cheembi nɛ feeŋ kurge na Ebɔrɛ Pibinyɛn.

Luuk 1:4

nseŋ wu fanɛ a daga fanɛ n sibɛ amo kikɛ kebɛso so n sa fo nɛ fo tiŋ m pin asɔ nɛ b ŋini fo na kikɛ be kashenteŋ chap.

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

Baru lela nɛ Jɔn kute na 10:10

Eyu bre bee kaa ba nna m ba kaa yuri ŋko a mɔ ŋko a jija nawule, ama ma ere ba nna nɛ basa e nya ŋkpa nseŋ nya kumo nɛnɛ ga.

Baru lela nɛ Jɔn kute na 19:35

Esa nɛ e daŋ wu kesheŋ na e malga kumo be asheŋ, saŋɛ na so menyi alɛ gba beeŋ yirda. Kusɔ nɛ e malga na la kashenteŋ nna. Nɛ mo alɛ gba nyi e ka bee ji kashenteŋ.

Baru lela nɛ Jɔn kute na 20:28

Ndoŋ nna nɛ Tɔmas kaŋɛ Yesu le: “N Nyɛnpe nɛ ma Ebɔrɛ!”

Baru lela nɛ Jɔn kute na 3:18

Esa kama malɛ nɛ e yirda mo, Ebɔrɛ maaŋ ji mo demu, ama emo nɛ e maŋ yirda mo bre, Ebɔrɛ teŋ ji mo demu, ŋkpal e ka maŋ yirda Ebɔrɛ Pibinyɛn koŋwule na so.

Baru lela nɛ Jɔn kute na 3:36

Esa kama nɛ e yirda Ebinyɛn na kɔ ŋkpa nɛ k maŋ kɔ ekar na, ama esa kama nɛ e kini Ebinyɛn na, maaŋ wu ŋkpa na, ama Ebɔrɛ be agbo e naaŋ baa wɔ mo so.

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

Baru lela nɛ Jɔn kute na 6:40

Ŋkpal manɛ so, n Tuto be aparsheŋ e la fanɛ esa kama nɛ e wu ma, Nyiŋgbasa Pibinyɛn na nseŋ yirda, amodoŋwura beeŋ nya ŋkpa nɛ k maŋ kɔ ekar na nɛ n tiŋi mo ashi luwu to lalaloge be kachɛ na.”

Ashuŋ Shunso 10:43

Anebiana kikɛ daŋ malga mbe asheŋ ŋ kaŋɛ fanɛ ekama nɛ e yirda mo, e beeŋ nya mbe alubi be ketampaŋ ashi mbe ketre na be eleŋ to.”

Ashuŋ Shunso 3:16

Mo, Yesu koŋwule na be eleŋ e chɛ bobinyɛn ere na. Kusɔ nɛ men wu nseŋ nu ere tiŋ n wora nna ŋkpal keyirda mbe ketre na so so. Keyirda Yesu na e tiŋ n chɛ mo menyi kikɛ be anishito le ere na.

Ashuŋ Shunso 8:36

B ka wɔ ekpa na to a yɔ na nɛ b ya wu kabombi ko nɛ krachigboŋ na kaŋɛ: “Keni, nchu nde nɛ manɛ e naa wɔtɔ a kuŋ fo kebɛr ma kabɔrɛbɛr?”

Ashuŋ Shunso 8:37

[Nɛ Filip kaŋɛ mo: “Fo baŋ yirda nɛ fo kagbene kikɛ, meeŋ bɛr fo kabɔrɛbɛr na.” Nɛ e shuli so ŋ kaŋɛ: “N yirda fanɛ Yesu Kristo e la Ebɔrɛ Pibinyɛn na.”]

Ashuŋ Shunso 9:20

nseŋ yɔ nshɛrbuana to epul na to n ya fara a bɔ kubɔya na a kaŋɛ Yesu be asheŋ a kaŋɛ: “Mo e la Ebɔrɛ Pibinyɛn na.”

1 Pita 1:9

Ŋkpal manɛ so, men be ayoyu be kumɔlga nɛ k la men be yirda ere be tɔnɔ na nɛ menyee nya.

1 Jɔn 4:15

Ekama nɛ e bee bugi to a kaŋɛ basa fanɛ Yesu e la Ebɔrɛ Pibinyɛn na, Ebɔrɛ e wɔ amodoŋwura to nɛ mo alɛ gba wɔ Ebɔrɛ to.

1 Jɔn 5:1

Esa kama nɛ e yirda fanɛ Yesu e la Kristo na la Ebɔrɛ pibi nna nɛ ekama malɛ nɛ e bee sha esa nɛ e kurge ebi na beeŋ baa sha ebi na gba.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

2 Jɔn 1:9

Esa kama nɛ e maa shir a wɔ Kristo be keŋini na to nsaa ta asheŋ a ti amo so, maŋ kɔ Ebɔrɛ mo to. Ama ekama nɛ e shir a wɔ Kristo be keŋini na to, kɔ Etuto na nɛ Ebinyɛn na kikɛ mo to.

Kelaraŋŋini 2:18

Nɛ e naŋ kaŋɛ: “Sibɛ kawɔl ere n sa Tayataira be kade to be asɔri be malaika na ŋ kaŋɛ mo le: ‘Mmalga ere shi Ebɔrɛ Pibinyɛn mo nɛ mbe anishi du fanɛ edɛ be adondulombi nɛ mbe ayadra malɛ bee kpa edɛ fanɛ katishaŋ peper na kutɔ nna.