Baru lela nɛ Jɔn kute na 20:22 - EBƆRƐ BE KAWƆL

²² Kede be kaman nɛ e gberge afu n wɔtɔ bumo so nseŋ kaŋɛ le: “Men sɔ Kiyoyu Cheeŋ na.”

Baru lela nɛ Jɔn kute na 20:22 ပူးပေါင်းရင်းမြစ်များ

Jɛnesis 2:7

Enyɛnpe Ebɔrɛ ka daa shin nɛ e to dimɛdi na, e daŋ ta shishɛr nna ashi kasawule so m pɔr enyɛn nseŋ fute ŋkpa be efute n wɔtɔ mbe kamuna to nɛ enyɛn na ki kusɔ futeso.

Job be kawɔl 33:4

Enyɛnpetale Ebɔrɛ na be Kiyoyu e to ma, nseŋ sa ma efute nɛ ŋkpa.

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Ezikɛl 37:9

Ndoŋ nna nɛ Ebɔrɛ naŋ kaŋɛ ma: “Dimɛdi pibi, malga n sa afu. Kaŋɛ afu na fanɛ Enyɛnpetale Ebɔrɛ na yɛ k shi kaba kama so m ba luri eyurana nɛ a la bubuni a dese ere to nɛ e nya ŋkpa.”

Baru lela nɛ Jɔn kute na 14:16

Meeŋ kule Etuto na nɛ e naaŋ sa menyi Echɛtopo ko,

Baru lela nɛ Jɔn kute na 15:26

Ama Echɛtopo nɛ meeŋ shin nɛ e shi Etuto na kutɔ m ba menyi kutɔ na, mo e la kashenteŋ be Kiyoyu nseŋ shi Etuto na kutɔ na kaŋ ba, e beeŋ ji ma shɛda.

Baru lela nɛ Jɔn kute na 16:7

Kashenteŋ malɛ nɛ mee kaŋɛ menyi na fanɛ menyi be kechɛto so nɛ mee yɔ na, ŋkpal manɛ so, nɛ m baa maŋ yɔ, Echɛtopo na maaŋ ba menyi kutɔ. Ama nɛ m baŋ yɔ bre, meeŋ shuŋi mo nɛ e ba menyi kutɔ.

Baru lela nɛ Jɔn kute na 20:21

Nɛ Yesu naŋ kaŋɛ bumo: “Kagbenewushi e baa wɔ menyi to. Kananɛ Etuto na shuŋi ma na nɛ ma alɛ gba bee shuŋi menyi na.”

Baru lela nɛ Jɔn kute na 20:23

Kede be kaman nɛ e naŋ kaŋɛ bumo le: “Bekama nɛ men ta bumo be alubi m paŋ beeŋ nya amo be ketampaŋ nɛ bekama malɛ nɛ men maŋ ta m paŋ, maaŋ nya ketampaŋ.”

Baru lela nɛ Jɔn kute na 7:39

Yesu daŋ malga le nna a ŋini Kiyoyu nɛ bumo nɛ baaŋ yirda mo na beeŋ ba nya kachako na be asheŋ. Amo be saŋɛ na so malɛ kikɛ nɛ b maŋ naŋ shin nɛ Kiyoyu na ba, ŋkpal manɛ so, saŋɛ na so b maŋ naŋ maŋ Yesu so n sa mo kemaŋkura.

Ashuŋ Shunso 10:47

Nɛ Pita kaŋɛ: “Basa ere gba nya Kiyoyu Cheeŋ na fanɛ anyi. Amoso, esa mo e naaŋ tiŋ ŋ kuŋ bumo ekpa fanɛ b sa maŋ ta nchu m bɛr bumo kabɔrɛbɛr na?”

Ashuŋ Shunso 19:2

Ndoŋ nɛ e ya tu beyirdapo ko m bishi bumo: “Men ka ki beyirdapo, Kiyoyu Cheeŋ na gbelge menyi so a?” Nɛ b kaŋɛ: “Anyi ere maŋ nu fanɛ Kiyoyu Cheeŋ ko malɛ wɔtɔ gba.”

Ashuŋ Shunso 2:38

Nɛ Pita kaŋɛ bumo: “Men be ekama e lar mbe alubi to, kumo be kaman nɛ e shin nɛ b bɛr mo kabɔrɛbɛr Yesu Kristo be ketre to nɛ Ebɔrɛ e ta mbe alubi m paŋ mo nseŋ sa mo Kiyoyu Cheeŋ na.

Ashuŋ Shunso 2:4

Nɛ Kiyoyu Cheeŋ na ba bɔlɔ bumo kikɛ to nɛ b fara a gbar ŋgbar nɛ bumo gbagba maa nu kanaŋkamaso nɛ Kiyoyu na daŋ shin nɛ b malga.

Ashuŋ Shunso 4:8

Nɛ Kiyoyu Cheeŋ na luri m bɔlɔ Pita to nɛ e kaŋɛ: “Israɛlebi be bejuŋkparpoana nɛ benimuana,

Ashuŋ Shunso 8:15

B ka yɔ nɛ b ya kule Ebɔrɛ n sa ndoŋ be beyirdapoana na fanɛ b nya Kiyoyu Cheeŋ na,

Galeeshaebi 3:2

Kusɔ koŋwule nɛ m baa sha kebishi menyi nde: Men ka daŋ nya Ebɔrɛ be Kiyoyu na, mbra na so nɛ men daŋ bɛ so n nya Kiyoyu na ŋko baru lela na nɛ men daŋ nu nseŋ yirda pɔɛŋ n nya Kiyoyu na a?