Baru lela nɛ Jɔn kute na 20:17 - EBƆRƐ BE KAWƆL

¹⁷ Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”

Baru lela nɛ Jɔn kute na 20:17 ပူးပေါင်းရင်းမြစ်များ

2 Bewura 4:29

Nɛ Elaisha kaŋɛ Gehazi le: “Wora shiriya n ta ma kekpabi n yɔ kache ere be laŋ to n ya deŋi kebia na be anishi so. Fo kaŋ ya tu esa kama ekpa to, fo sa maŋ malga mo kutɔ, hale esa na malga fo kutɔ gba, fo sa maŋ tuge mo.”

2 Bewura 7:9

Kumo be kaman nɛ b kaŋɛ abar le: “K daa maŋ daga an ka wora le! An kɔ baru lela ko nɛ k maŋ daga k shir an nawule kutɔ. An baŋ yige nɛ kare e chɛ anyi pɔɛŋ nɛ an bɔ baru ere, baaŋ gberge anyi kusoe, amoso men shin nɛ an yɔ manaŋ n ya kaŋɛ ewura na be benapo be benimu na kesheŋ ere!”

Nshɛ 22:22

Meeŋ kaŋɛ ma basa kusɔ nɛ fo wora; nseŋ yili fo basa nɛ b shɛr to n fur fo.

Nshɛ 43:4

Saŋɛ na so meeŋ ya bunyaŋ fo ashi fo bɔrɛsure na ase, ŋkpal fo ka sa ma kagbenefuli gboŋgboŋi so so. Meeŋ ta ma jaŋjilaŋ n laŋ m maŋkura fo, ma Ebɔrɛ na.

Nshɛ 48:14

“Ebɔrɛ ere e la anyi be Ebɔrɛ mbaanaayɔ. Mo alɛ beeŋ baa juŋkpar anyi saŋkama.”

Nshɛ 68:18

Fo keta basa nɛ b ti ebu nna n dii n yɔ kebeegboŋ na be esoso. Ndoŋ nɛ basa ya kɛ fo asɔ. Fo doŋana nɛ b daa maa sha fanɛ fo baa wɔ ndoŋ gba sa fo ŋkɛ.

Nshɛ 89:26

Ndoŋ nna nɛ e kaŋɛ ma le: ‘Fo e la n tuto nɛ ma Ebɔrɛ; Fo e la ma ekumpo nɛ ma emɔlgapo.’

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Jɛremaya 32:38

Saŋɛ na so baaŋ baa kraa la ma basa nɛ ma alɛ e baa kraa la bumo be Ebɔrɛ.

Ezikɛl 36:28

Saŋɛ na so nɛ men chena kasawule nɛ n ta n sa men nananyɛnana na so nsaa la ma basa nɛ ma alɛ e baa la menyi be Ebɔrɛ.

Ezikɛl 37:27

Ma nɛ bumo e naa baa wɔ ndoŋ, nɛ m baa la bumo be Ebɔrɛ nɛ bumo alɛ e baa la ma basa.

Matiu 12:50

Ŋkpal manɛ so, ekama nɛ e bee wora n Tuto nɛ e wɔ ebɔrɛso na be aparsheŋ e la n sipo nɛ n sipoche nɛ n nio.”

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Matiu 28:7

Kumo be kaman nɛ men nya manaŋ n ya kaŋɛ mbe bebɛsopo le: ‘E tiŋi luwu to n juŋkpar menyi n choŋ Galili. Menyeeŋ ya wu mo ndoŋ.’ To, ŋ kaŋɛ menyi nna na.”

Maak 12:26

To, basa be ketiŋi luwu to na malɛ be asheŋ, men maŋ naŋ kraŋ kupumbi be kechɔɔ na be asheŋ ashi anebi Mosis be kawɔl na to a? Le nɛ Ebɔrɛ daŋ kaŋɛ Mosis ndoŋ: ‘Ma e la Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ.’

Maak 16:19

Enyɛnpe Yesu ka malga bumo kutɔ n loge nɛ e yɔ ebɔrɛso n ya chena Ebɔrɛ be jisoso, ebunyampo be kakpa.

Luuk 10:4

Men sa maŋ ta amansherbi ŋko ekɔlgu ŋko asɛbta nyɔsopoana n ti menyi be amu so n yɔ. Men sa maŋ ya yili ekpa to a wɔtɔ a chɔrɔ esa kikɛ.

Baru lela nɛ Jɔn kute na 13:1

K ka ba ka kachɛ koŋwule nɛ Kebansonchoŋ be kejigboŋ na e fo nɛ Yesu pin fanɛ mbe kelar durnya ere to n yɔ Etuto na kutɔ na be jemanɛ fo, e daŋ sha mbe basa ashi durnya to, n sha bumo loŋ n ya fo ekar.

Baru lela nɛ Jɔn kute na 13:3

Yesu daa nyi Etuto na ka daŋ ta eleŋ kikɛ m bɔɔ mo ere Yesu na enɔ nseŋ naa nyi e ka shi Ebɔrɛ kutɔ m ba nseŋ naa bɛta a yɔ mo kutɔ.

Baru lela nɛ Jɔn kute na 14:2

Ebu damtaana wɔ n Tuto na pe, nɛ mannɛ aloŋ e daa la, n daŋ kaŋɛ menyi. Ma alɛ bee yɔ ndoŋ nna na nɛ n ya kaa lɔŋɛ kaboŋ a yili menyi.

Baru lela nɛ Jɔn kute na 14:28

Men teŋ nu ŋ ka kaŋɛ menyi fanɛ: ‘Mee yɔ nna nɛ n naŋ bɛta m ba menyi kutɔ’. Nɛ men daa sha ma nna, k daa beeŋ wora menyi ebel ŋkpal ŋ ka bee yɔ n Tuto na kutɔ so, ŋkpal manɛ so, Etuto na e chɔ ma.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Baru lela nɛ Jɔn kute na 16:28

N Tuto na kutɔ nɛ n shi m ba durnya ere to, ma alɛ nseŋ naa lar durnya ere to a yɔ Etuto na kutɔ.”

Baru lela nɛ Jɔn kute na 17:11

To, naniere mee ba fo kutɔ nna na, a ka gbrɛbi nɛ n lar durnya to, ama bumo ere kraa wɔ durnya to nna. Etuto cheembi, ta fo ketre be eleŋ na a keni bumo so, ketre mo nɛ fo sa ma na nɛ n de na, saŋɛ na so baaŋ baa la kukoŋwule fanɛ kananɛ ma nɛ fo la kukoŋwule na.

Baru lela nɛ Jɔn kute na 17:25

Etuto nɛ e la Elelapo, kashenteŋ nna fanɛ durnya ere to ebi maŋ nyi fo, ama ma ere nyi fo nɛ bede malɛ gba nyi fanɛ fo e shuŋi ma.

Baru lela nɛ Jɔn kute na 17:5

To, naniere, n Tuto, ta kemaŋkura nɛ n daa kɔ fo kutɔ pɔɛŋ nɛ durnya jɔŋɛ na m maŋkura ma fo anishito naniere.”

Baru lela nɛ Jɔn kute na 20:27

Kumo be kaman nɛ e kaŋɛ Tɔmas le: “Tɔmas, ta fo keshilbi n wɔtɔ ma nfe, keni ma enɔana so. Teŋi fo enɔ to n ta n wɔtɔ ma kekel to ŋ keni. Yirda nsaa maa wora shikashika.”

Baru lela nɛ Jɔn kute na 7:33

Nɛ Yesu kaŋɛ le: “Ma nɛ menyi maaŋ naa wɔtɔ n chɛr. Meeŋ yɔ esa nɛ e shuŋi ma na kutɔ.

Romebi 8:29

Bumo nɛ e chɛr a nyi koŋwule na nɛ e lara n yili fanɛ b baa du fanɛ mo Pibinyɛn na, saŋɛ na so, Ebinyɛn na beeŋ baa la bekurgepo damtaana na to be ejuŋkparso.

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Galeeshaebi 3:26

Yirda so nɛ men kikɛ la Ebɔrɛ be mbia ashi Kristo Yesu to.

Hibruwebi 11:16

Ama kashenteŋto, efuli mo nɛ k bɔ ade kikɛ ere nɛ b daa fin. Kumo e la fanɛ ebɔrɛso be efuli na. Amoso nɛ ketre Ebɔrɛ bumo be Ebɔrɛ na maa keta Ebɔrɛ anishinyɔr na, ŋkpal manɛ so, mo e pɔr kadegboŋ na n yili bumo.

Hibruwebi 8:10

Ma, Enyɛnpe na naŋ kaŋɛ: Amo be saŋɛ na be kaman le be kɔnɔ naseso ere nɛ meeŋ nase n sa Israɛlebi fanɛ: Meeŋ ta ma mbraana n wɔtɔ bumo be nfɛraana to nseŋ sibɛ amo n deŋi bumo be ŋgbeneana so. Meeŋ baa la bumo be Ebɔrɛ nɛ bumo alɛ e baa la ma basa.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.

Kelaraŋŋini 21:7

Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.