Baru lela nɛ Jɔn kute na 20:16 - EBƆRƐ BE KAWƆL

¹⁶ Ndoŋ nna nɛ Yesu tre mo: “Mɛɛri.” Nɛ Mɛɛri kilgi a yɔ Yesu be kaba so nseŋ boŋ to Juwebi be ŋgbar to ŋ kaŋɛ: “Rabonai!” Kumo be kifito e la eŋinipo.

Baru lela nɛ Jɔn kute na 20:16 ပူးပေါင်းရင်းမြစ်များ

Jɛnesis 22:1

Eebraham wɔtɔ loŋ nɛ kachako Ebɔrɛ ba nɛ e ba wora mo ŋ keni, nseŋ tre mo: “Eebraham!” Nɛ Eebraham shuli ŋ kaŋɛ: “Ma nde.”

Jɛnesis 22:11

Ndoŋ nna nɛ Enyɛnpe be malaika shi ebɔrɛso m ponte n tre: “Eebraham, Eebraham!” Nɛ Eebraham shuli so: “Ma nde.”

Jɛnesis 45:12

Kubɔya na be kaman nɛ e kilgi ŋ kaŋɛ mo daana na nɛ Bɛnjamin: “Men gbagba wu nna na fanɛ ma Josɛf gbagba e naa malga men kutɔ na.

Ɛksodɔs 3:4

Enyɛnpe Ebɔrɛ ka wu fanɛ Mosis firgi n taga to nɛ e keni na nɛ e tre mo ashi kupumbi na to ŋ kaŋɛ: “Mosis, Mosis!” Nɛ Mosis shuli ŋ kaŋɛ le: “Ma nde.”

Ɛksodɔs 33:17

Ndoŋ nna nɛ Enyɛnpe Ebɔrɛ kaŋɛ Mosis: “Ŋkpal ŋ ka nyi fo nɛnɛ nɛ fo asheŋ malɛ bee par ma so, meeŋ wora kusɔ nɛ fo kaŋɛ na gbagba chap.”

Sɔlɔmɔn 3:4

Ma nɛ bumo ka baŋ barga abar gbrɛ nɛ n wu ŋ jipo. Nɛ n far n chɛ mo kiŋkiŋ; M maŋ naŋ yige mo to. Kumo be kaman nɛ ŋ keta mo n yɔ n nio be ebu to; ebu nɛ b kurge ma kumo to na gbagba to.

Sɔlɔmɔn 5:2

Mee di nɛ ma kagbene maa di. Ŋ ku edare fanɛ n jipo ka ba ŋmɛa ma kukuloŋ. N jipo nɛ ma eshapo, nɛ fo du fanɛ lepɔ, bugi ma nɛ n luri; ŋkpal manɛ so bunyaŋ tɔr ma so nna; nɛ ma kumu nɛ ma emin kikɛ pɔ.

Aizaaya 43:1

Israɛl be basa, Enyɛnpe Ebɔrɛ nɛ e to menyi na yɛ: “Men sa maa lɔ kufu, meeŋ mɔlga menyi. Ma e ti menyi be atre n tre menyi. Men la ma basa nna.

Matiu 14:27

Epul na to nɛ Yesu malga bumo kutɔ ŋ kaŋɛ: “Men keta kagbene, ma nna. Men sa maa lɔ kufu.”

Maak 10:51

Nɛ Yesu bishi mo: “Manɛ nɛ fee sha fanɛ n wora n sa fo?” Nɛ tanpo na kaŋɛ: “Enyɛnpe, mee sha ŋ ka naŋ nya ma anishi nna a wu.”

Luuk 10:41

Ndoŋ nna nɛ Enyɛnpe na kaŋɛ Maata: “Maata Maata, sa maŋ shin nɛ asheŋ damta e tir fo a jija fo kagbene.

Baru lela nɛ Jɔn kute na 1:38

Ndoŋ nna nɛ Yesu gbɛ ŋ keni nɛ b bɛ mo so nɛ e bishi bumo: “Manɛ nɛ menyee fin?” Nɛ b bishi mo: “Rabai, nnɛ nɛ fo wɔ?” Rabai be kifito e la eŋinipo.

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

Baru lela nɛ Jɔn kute na 10:3

E baa ba, kabunakenipo na bee bugi kabuna na nna a sa mo nɛ e bee luri to a tre a tre mo gbagba be mbolpɔ na be atreana nɛ bumo alɛ bee pin mbe ebɔl nsaa bɛ mo so nɛ e bee keta bumo a lar kuluu na to.

Baru lela nɛ Jɔn kute na 11:28

Maata ka malga loŋ n loge nɛ e bɛta n yɔ epe n ya tre mo sipo Mɛɛri n lar ekarso ŋ kaŋɛ mo: “Eŋinipo na ba nsaa fin fo.”

Baru lela nɛ Jɔn kute na 13:13

Menyee kaa tre ma Eŋinipo nɛ Enyɛnpe, kashenteŋ nɛ menyi alɛ bee ji, ŋkpal manɛ so, n la Eŋinipo nɛ Enyɛnpe nna.

Baru lela nɛ Jɔn kute na 20:28

Ndoŋ nna nɛ Tɔmas kaŋɛ Yesu le: “N Nyɛnpe nɛ ma Ebɔrɛ!”

Baru lela nɛ Jɔn kute na 3:2

Kachako kiidiso nɛ e yɔ Yesu kutɔ n ya kaŋɛ mo le: “Rabai, mamachi be asheŋ nɛ fee wora ere e shin nɛ an pin fanɛ fo ka la eŋinipo nɛ e shi Ebɔrɛ kutɔ m ba, ŋkpal manɛ so, nɛ Ebɔrɛ maŋ wɔ esa to, e maaŋ tiŋ n wora asɔ nɛ fee wora ere.”

Baru lela nɛ Jɔn kute na 5:2

Kepa ko malɛ kɔ adɛdɛ anu a wɔ Jerusalɛm a mata kakpa nɛ baa tre Mbolpɔ be Kabuna na. Hibruwebi be ŋgbar to kepa na nɛ baa tre Betɛsda.

Baru lela nɛ Jɔn kute na 6:25

B ka ya wu mo kepagboŋ na be kaba ere so ndoŋ nɛ b bishi mo: “Eŋinipo, saŋɛ mo nɛ fo fo nfe?”

Ashuŋ Shunso 10:3

Kachako kapaso, fanɛ kerfi asa be jemanɛ nɛ e ku bɔrɛdare ko n wu Ebɔrɛ be malaika geeŋ ka ba kaŋɛ mo: “Kɔɔnilias.”

Ashuŋ Shunso 9:4

Nɛ e tɔr kasawule nseŋ nu ebɔl ka bee bishi mo: “Sɔɔl, Sɔɔl, manɛ e ba nɛ fee tɔrɔ ma?”

1 Samuɛl 3:10

Ndoŋ nna nɛ Enyɛnpe Ebɔrɛ ba yili Samuɛl kutɔ n tre mo kananɛ e daŋ tre mo na: “Samuɛl! Samuɛl!” Ndoŋ nna nɛ Samuɛl shuli so ŋ kaŋɛ le: “Baa malga, fo kayɛrbi bee nu.”

1 Samuɛl 3:6

Ndoŋ Enyɛnpe Ebɔrɛ na tre Samuɛl kela nyɔsopo, nɛ Samuɛl koso n yɔ Eli kutɔ n ya kaŋɛ mo le: “Fo ka tre ma na, ma nde.” Nɛ Eli ka mo le: “M pibi maŋ tre fo, bɛta n ya dese.”