Baru lela nɛ Jɔn kute na 2:19 - EBƆRƐ BE KAWƆL

¹⁹ Nɛ Yesu kaŋɛ bumo le: “Men jija bɔrɛlambu ere ŋ keni nɛ n naŋ pɔr kumo nchɛ nsa to.”

Baru lela nɛ Jɔn kute na 2:19 ပူးပေါင်းရင်းမြစ်များ

Matiu 12:40

Kananɛ Jona daŋ baŋ ji nchɛ asa nɛ nnyɛ asa kɔrɔtɔgboŋ na be epun to na, loŋ gbagba na nɛ ma, Nyiŋgbasa Pibinyɛn na beeŋ ji nchɛ asa nɛ nnyɛ asa kasawule to.

Matiu 16:21

Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.”

Matiu 27:40

“Fo yɛ feeŋ bure bɔrɛlambu na nseŋ pɔr kumo nchɛ asa be kefɛato. To, mɔlga fo kumu ai! Nɛ fo la Ebɔrɛ Pibinyɛn nna, fo shi kedibi largato ere so ŋ gbelge.”

Matiu 27:63

“Ebunyampo, an nyiŋi saŋɛ nɛ efɛpo na daa wɔ ŋkpa to ka kaŋɛ le: ‘Ŋ kaŋ wu, meeŋ tiŋi luwu na to kumo be kachɛ sasopo to.’

Maak 14:58

“An nu e ka kaŋɛ fanɛ: ‘Meeŋ bure bɔrɛlambu nɛ nyiŋgbasa pɔr ere n lɛ nɛ kumo be nchɛ asa to nɛ m pɔr kumo nɛ enyiŋgbasa kikɛ maaŋ tiŋ m pɔr.’ ”

Maak 15:29

Basa nɛ b daa choŋ gba daa maŋ bumo be amu so nna a tege Yesu a kaŋɛ: “Aha, fo yɛ feeŋ bure bɔrɛlambu na nseŋ pɔr kumo nchɛ asa be kefɛato.

Maak 8:31

Nɛ Yesu naŋ fara a ŋini mbe bebɛsopo na a kaŋɛ: “A daga fanɛ ma, Nyiŋgbasa Pibinyɛn e ji awurfoŋ ga nɛ benimu nɛ bɔrɛmatapowuraana nɛ mbraŋinipoana e kini ma nseŋ mɔ ma nɛ n tiŋi luwu na to kumo be kachɛ sasopo.”

Baru lela nɛ Jɔn kute na 11:25

Nɛ Yesu kaŋɛ mo: “Ma e la esa nɛ e bee tiŋi basa ashi luwu to a sa bumo ŋkpa na, nɛ esa kama nɛ e yirda ma beeŋ nya ŋkpa hale nɛ e wu gba.

Baru lela nɛ Jɔn kute na 5:19

Ndoŋ nna nɛ Yesu kaŋɛ bumo le: “Kashenteŋ nɛ mee ji menyi na fanɛ ma, Ebɔrɛ Pibinyɛn na maa tiŋ a wora shɛŋ ŋ gbagba be kumu so kikɛ. Kusɔ nɛ mee wu n Tuto na ka bee wora nawule nɛ ma alɛ gba bee wora. Kusɔ nɛ Etuto na bee wora, kumo nɛ ma, Ebinyɛn na gba bee wora.

Ashuŋ Shunso 2:24

Ama Ebɔrɛ naŋ shin nɛ e tiŋi luwu na to n sɔ mo luwu be ebesa to n yige, ŋkpal manɛ so, luwu daa maŋ tiŋ n shin nɛ e ka kumo be enɔ to kikɛ.

Ashuŋ Shunso 2:32

Ebɔrɛ shin nɛ Yesu koŋwule ere tiŋi luwu to nɛ anyi wu kumo be loŋ be kashenteŋ.

Ashuŋ Shunso 3:15

Amoso, men mɔ esa nɛ e bee sa basa Ebɔrɛ be ŋkpa. Ama Ebɔrɛ shin nɛ e tiŋi luwu na to nɛ anyi gbagba ji kumo be loŋ be shɛda.

Ashuŋ Shunso 3:26

Amoso nɛ Ebɔrɛ lara mbe kenya Yesu n shin nɛ e ba menyi kutɔ pɔɛŋ m ba nɛfa menyi a shin nɛ menyi kikɛ bee lar menyi be alubi to na.”

Ashuŋ Shunso 6:14

An nu e ka bee kaŋɛ fanɛ Nazarɛt be Yesu na beeŋ bure bɔrɛlambu na nseŋ chɛrga edaŋkaresheŋ nɛ Mosis sa anyi na kikɛ.”

Romebi 4:24

Anyi nɛ an yirda mo Ebɔrɛ nɛ e tiŋi Yesu an Nyɛnpe ashi luwu to ŋkaa beeŋ nase kumo fanɛ an la belelapo na gba ti so.

Romebi 6:4

Anyi nɛ mo alɛ nɛ b puli saŋɛ nɛ b bɛr anyi kabɔrɛbɛr a ŋini fanɛ anyi nɛ mo koŋwule na e luri mbe luwu na to na, saŋɛ na so, kananɛ Etuto na baŋ ta mbe eleŋgboŋ n shin nɛ Kristo na tiŋi luwu to na, anyi alɛ gba beeŋ nya kebaawɔtɔ popɔr a wɔtɔ.

Romebi 8:11

Nɛ Ebɔrɛ nɛ e tiŋi Yesu ashi luwu to na be Kiyoyu baa wɔ menyi to bre, kumo ere mo koŋwule nɛ e tiŋi Kristo ashi luwu to na gbagba beeŋ naŋ bɔla mbe Kiyoyu nɛ e wɔ menyi to na so n sa menyi be eyurana nɛ a beeŋ kaŋ wu kachako ere ŋkpa.

1 Kɔrintebi 15:12

Ama nɛ fanɛ baa bɔ Kristo be baru na a kaŋɛ fanɛ e tiŋi luwu to, nuso nɛ men be beko bee wora a kaŋɛ fanɛ ketiŋi luwu to maŋ wɔtɔ?

Kɔlɔsiebi 2:12

B ka daŋ bɛr menyi kabɔrɛbɛr na, k du fanɛ b ka puli menyi nɛ Yesu Kristo nna. Menyi nɛ mo malɛ e naŋ tiŋi nɛ menyi nɛ mo naŋ tiŋ n nya Ebɔrɛ be ŋkpa ŋkpal men ka yirda Ebɔrɛ nɛ e tiŋi Yesu Kristo luwu to na be eleŋ to so.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.