Baru lela nɛ Jɔn kute na 2:18 - EBƆRƐ BE KAWƆL

¹⁸ Asheŋ ere be kaman nɛ Juwebi be benimuana na ba bishi mo le be kesheŋ bishiso ere, b yɛ: “Manɛ be mamachi be kesheŋ nɛ fo kɔ nɛ fo wora ŋ ŋini anyi nɛ an pin ekpa nɛ fo kɔ a tiŋ a wora le be asheŋ ere kikɛ?”

Baru lela nɛ Jɔn kute na 2:18 ပူးပေါင်းရင်းမြစ်များ

1 Bewura 13:3

Kusɔ nɛ feeŋ ta m pin fanɛ Enyɛnpe Ebɔrɛ na e bɔla ma to a malga e la fanɛ: “bɔrɛsure ere beeŋ tɔr m bureto nɛ kumo be nsunɔ e franyaŋ to.”

Ɛksodɔs 7:9

“Nɛ ewura Fɛɛro ka baŋ kaŋɛ menyi le: ‘Men wora kemamachisheŋ ko nɛ k ŋini fanɛ kusɔ nɛ men kaŋɛ ere la kashenteŋ nna.’ Fo kaŋɛ Ɛɛrɔn le: ‘Ta fo kekpabi na n lɛ Fɛɛro be anishito, k beeŋ kilgi kuwɔ.’ ”

Matiu 21:23

Yesu ka ya luri bɔrɛlambu na to a ŋini basa, nɛ bɔrɛmatapowuraana na nɛ basa na be benimuana na ba mo kutɔ m ba bishi mo: “Manɛ be eleŋ nɛ fo kɔ a wɔtɔ a wora asheŋ ere, nɛ wanɛ e sa fo loŋ be eleŋ na?”

Maak 8:11

Kachako Efarisiana na be beko ba m ba fara a ji Yesu emɔrɔ. B daa sha kewora mo ŋ keni nna nseŋ kule mo fanɛ e wora mamachi be kesheŋ ko nɛ k shi ebɔrɛso.

Luuk 11:29

Basa na ka mel ŋ kulti Yesu loŋ nɛ e naŋ fara a kaŋɛ: “Mbreebi be alubi shi bumo to bre. B kaŋɛ fanɛ n wora mamachi be kesheŋ ko ŋ ŋini fanɛ Ebɔrɛ wɔ ma kaman, ama b maaŋ nya shɛŋ n wu she anebi Jona be mamachi be kesheŋ na.

Baru lela nɛ Jɔn kute na 1:19

Kachako Jerusalɛm to be Juwebi be benimuana shuŋi bɔrɛmatapoana nɛ Livaiebi ko Jɔn kutɔ fanɛ b ba bishi mo le: “Nuso be esa e la fo?”

Baru lela nɛ Jɔn kute na 1:25

“Fo yɛ fo maŋ la Mesaya na ŋko anebi Elaija ŋko anebi nɛ e bee ba na. To, nɛ manɛ e ba nɛ fee bɛr basa kabɔrɛbɛr?”

Baru lela nɛ Jɔn kute na 6:30

Ndoŋ nna nɛ b bishi mo: “To, nɛ nuso be mamachi be kesheŋ nɛ feeŋ wora n sa anyi nɛ an wu nseŋ yirda fo? Manɛ nɛ feeŋ wora?

Ashuŋ Shunso 4:7

Ndoŋ nna nɛ b bar beshuŋipo na m ba shin nɛ b yili bumo be anishito nɛ b bishi bumo: “Nuso nɛ men wora n chɛ bobinyɛn na? Eleŋ mo nɛ men kɔ ŋko wanɛ be ketre nɛ men ta n wora kumo?”

Ashuŋ Shunso 5:28

“An fiɛ menyi so fanɛ men sa maŋ kaŋ ta kanyɛn na be ketre ŋ ŋini esa kusɔ kama, ama men keni kusɔ nɛ men wora. Menyi shin nɛ menyi be keŋini ere sɔ Jerusalɛm ere to kikɛ a sha keta kanyɛn na be luwu na be turju n deŋi anyi.”