Baru lela nɛ Jɔn kute na 2:11 - EBƆRƐ BE KAWƆL

¹¹ Le be mamachi be kesheŋ ere e daa la emamachisheŋ ana nɛ Yesu daŋ wora n wora ana na to be kejuŋkparso ashi Keena, Galili be efuli so. E daŋ wora loŋ nna ŋ ŋini kananɛ mbe kemaŋkura du nɛ mbe bebɛsopo wora mo yirda.

Baru lela nɛ Jɔn kute na 2:11 ပူးပေါင်းရင်းမြစ်များ

1 Bewura 17:24

Nɛ kache na kaŋɛ le: “Naniere nɛ m pin fanɛ Enyɛnpe Ebɔrɛ be esa e la fo kashenteŋto nɛ e bee bɔla fo so a malga!”

Nshɛ 72:19

Anyeeŋ baa kpaŋ fo ketre nɛ k kɔ kemaŋkura na jemanɛ kikɛ. Shin nɛ fo kemaŋkuragboŋ na e dii efuli durnya ere be kaplɛkama. Amɛn! Amɛn!

Nshɛ 96:3

Men baa malga mbe kemaŋkura nɛ asheŋgboŋ be asheŋ a sa basa nɛ b wɔ efuliana kikɛ so.

Ɛksodɔs 14:31

Israɛlebi na ka wu eleŋgboŋ nɛ Enyɛnpe Ebɔrɛ ŋini ŋ kɔ m pɔɔ Ijiptebi na so na nɛ b bunyaŋ Enyɛnpe Ebɔrɛ na nseŋ yirda mo nɛ mbe kayɛrbi Mosis.

Ɛksodɔs 4:9

Nɛ k ba fanɛ b maŋ yirda amo anyɔ na kikɛ ŋko nɛ b kini kenu n sa fo kamalga na fo jɔ lɔr nɛ baa tre Nail na be nchu n wurge kasawule. Loŋ be nchu na beeŋ kilgi ŋklaŋ kasawule na so.”

Kaŋinichiŋgeliŋ 9:7

Baa ji a nuu kagbenefuliso! Kusɔ nɛ Ebɔrɛ yili dra kikɛ fanɛ fo baa wora nna na.

Aizaaya 40:5

Saŋɛ na so, Enyɛnpe Ebɔrɛ na be keshi nɛ kemaŋkura beeŋ lar efuli nɛ basa kikɛ e wu kumo. Enyɛnpe Ebɔrɛ na gbagba e nase kumo be kɔnɔ!”

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Baru lela nɛ Jɔn kute na 1:43

Kesheŋ ere ka wora ŋklade nɛ Yesu yili kumo fanɛ e bee yɔ Galili be kasawule so. Kumo be kamɔnchɛ na nɛ e tu Filip nseŋ kaŋɛ mo: “Bɛ ma so.”

Baru lela nɛ Jɔn kute na 1:50

Nɛ Yesu kaŋɛ mo: “Ŋ ka kaŋɛ fo fanɛ n wu fo figi be kedibi na be kifi to na so so nɛ fo yirda ere a? Fo kraa beeŋ wu asheŋ nɛ a chɔ kede ere gba.”

Baru lela nɛ Jɔn kute na 10:41

Nɛ basa damta daa ba mo kutɔ m ba kaa kaŋɛ: “Kashenteŋ nna fanɛ Jɔn kabɔrɛbɛrpo daa maŋ wora mamachi be kesheŋ kama, ama asheŋ nɛ e ji shɛda ŋ kaŋɛ kanyɛn ere be asheŋ na kikɛ la kashenteŋ nna chap.”

Baru lela nɛ Jɔn kute na 11:15

Ama ŋkpal menyi so, k par ma ga fanɛ ŋ ka maŋ wɔ ndoŋ nɛ e wu, ŋkpal manɛ so, loŋ e naaŋ shin nɛ men yirda ma asheŋ. Ama naniere, men shin nɛ an yɔ mo kutɔ.”

Baru lela nɛ Jɔn kute na 11:47

Ndoŋ nna nɛ Efarisiana na nɛ bɔrɛmatapowuraana na shɛr kɔɔtiebi nɛ b daa tre Sanhedrinebi na ŋ kaŋɛ: “Men keni emamachisheŋ damta nɛ kanyɛn ere bee wora ere, nuso nɛ anyeeŋ wora?

Baru lela nɛ Jɔn kute na 12:18

Basa damta na daŋ lar n yɔ mo kutɔ nna ŋkpal mamachi be kesheŋ nɛ b daŋ nu e ka daŋ wora na so.

Baru lela nɛ Jɔn kute na 12:37

Yesu daŋ wora emamachisheŋ damta ere kikɛ bumo be anishito, ama bumo alɛ daa maŋ yirda mo.

Baru lela nɛ Jɔn kute na 12:41

Anebi Aizaaya daŋ kaŋɛ le nna ŋkpal e ka daŋ wu Yesu be kemaŋkura nseŋ malga mbe asheŋ na so.

Baru lela nɛ Jɔn kute na 14:13

Kusɔ kama malɛ nɛ men ta ma ketre na ŋ kule, meeŋ wora kumo, saŋɛ na so ma, Ebinyɛn na beeŋ bar Etuto na kemaŋkura.

Baru lela nɛ Jɔn kute na 16:27

Ŋkpal manɛ so, Etuto na gbagba bee sha menyi ŋkpal men ka bee sha ma nseŋ yirda fanɛ n shi Ebɔrɛ na kutɔ na so.

Baru lela nɛ Jɔn kute na 16:30

Naniere nɛ an pin fanɛ fo nyi kusɔ kikɛ. Amoso, nɛ esa maŋ bishi fo asheŋ nɛ a wɔ mbe kagbene to gba, fo nyi amo. Loŋ malɛ e shin nɛ an yirda fanɛ Ebɔrɛ na kutɔ nɛ fo shi.”

Baru lela nɛ Jɔn kute na 2:1

Filip nɛ Nataniɛl ka ba Yesu kutɔ be nchɛnnyɔ be kaman nɛ esa ko bee kre kejafɔ ashi Keena be kade to ashi Galili, nɛ Yesu mo nio gba yɔ ndoŋ.

Baru lela nɛ Jɔn kute na 2:23

Yesu ka daa wɔ Jerusalɛm, Kebansonchoŋ be kejigboŋ be saŋɛ na, basa damta daŋ yirda mo nna ŋkpal emamachi be ashuŋ nɛ b daŋ wu e ka wora so.

Baru lela nɛ Jɔn kute na 3:2

Kachako kiidiso nɛ e yɔ Yesu kutɔ n ya kaŋɛ mo le: “Rabai, mamachi be asheŋ nɛ fee wora ere e shin nɛ an pin fanɛ fo ka la eŋinipo nɛ e shi Ebɔrɛ kutɔ m ba, ŋkpal manɛ so, nɛ Ebɔrɛ maŋ wɔ esa to, e maaŋ tiŋ n wora asɔ nɛ fee wora ere.”

Baru lela nɛ Jɔn kute na 4:3

Enyɛnpe ka nu fanɛ Efarisiana na nu kesheŋ na nɛ e lar Judiya be efuli na so nɛ e naŋ bɛta n yɔ Galili be kasawule so.

Baru lela nɛ Jɔn kute na 4:46

Ndoŋ nna nɛ Yesu yaŋ yɔ Keena ashi Galili, kakpa nɛ e daŋ keta nchu ŋ ki yabra belbelso na. E ka yɔ nɛ abane be krachi nimuso ko pibinyɛnsobi ko dese Kapɛɛniam a lɔ.

Baru lela nɛ Jɔn kute na 4:54

Kesheŋ ere e daa la mamachi be tɔɔnɛsheŋ nyɔsopo nɛ Yesu daŋ shi Judiya m ba Galili m ba wora.

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

Baru lela nɛ Jɔn kute na 6:14

Basa na ka wu mamachi be kesheŋ nɛ e daŋ wora na nɛ b fara a kaŋɛ: “Kashenteŋto, Anebi mo nɛ e beeŋ ba durnya ere to na nna na.”

Baru lela nɛ Jɔn kute na 6:2

Ndoŋ nna nɛ jimaŋ damta ko muu m bɛ mo so ŋkpal kechɛ basa be alɔ be emamachisheŋ damta nɛ b daŋ wu e ka daa wora na so so.

Baru lela nɛ Jɔn kute na 6:26

Nɛ Yesu kaŋɛ bumo le: “Ma e kaŋɛ menyi kashenteŋto na fanɛ, mannɛ emamachisheŋ nɛ men wu na so nɛ menyee fin ma, ama men ka we ebodobodo na ŋ kukwe kananɛ menyee sha na so e shin nɛ menyee fin ma na.

Baru lela nɛ Jɔn kute na 6:30

Ndoŋ nna nɛ b bishi mo: “To, nɛ nuso be mamachi be kesheŋ nɛ feeŋ wora n sa anyi nɛ an wu nseŋ yirda fo? Manɛ nɛ feeŋ wora?

Baru lela nɛ Jɔn kute na 7:31

Le be nfɛra e daa wɔ basa na to, ama jimaŋ na to be bedamta malɛ daŋ yirda mo nseŋ bishi abar le: “Menyee tama fanɛ Mesaya na kaŋ ba, e beeŋ ba wora emamachisheŋ damta mo nɛ a chɔ amo nɛ kanyɛn ere bee wora ere a?”

Baru lela nɛ Jɔn kute na 9:16

Ndoŋ nna nɛ Efarisiana na be beko kaŋɛ: “Kanyɛn na maŋ shi Ebɔrɛ kutɔ kashenteŋto, ŋkpal manɛ so, e maa bɛ kewushiachɛ be mbra na so.” Ndoŋ nna nɛ beko malɛ kaŋɛ: “Nuso nɛ alubipo bee wora a wora le be emamachi be asheŋ ere?” Ŋkpal le so kebarga to daŋ ba bumo to nna.

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.

2 Kɔrintebi 4:17

Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Ditɛronɔmi 5:24

m ba kaŋɛ: “Enyɛnpe, anyi be Ebɔrɛ na lara mbe keshi nɛ kemaŋkura ŋ ŋini kabre. E bɔla edɛ na to m malga nɛ an pin fanɛ Ebɔrɛ beeŋ tiŋ m malga basa kutɔ nɛ b nu nseŋ kraa wɔ ŋkpa to.

1 Jɔn 5:13

Menyi bumo nɛ men yirda Ebɔrɛ Pibinyɛn be ketre na nɛ mee sibɛ asɔ ere a sa na nɛ men baa nyi fanɛ men kɔ ŋkpa nɛ k maŋ kɔ ekar na.