Baru lela nɛ Jɔn kute na 19:9 - EBƆRƐ BE KAWƆL

⁹ Nɛ e naŋ bɛta n luri mbe lambu to n ya bishi Yesu: “Nnɛ nɛ fo shi?” Ama Yesu daa maŋ tuge mo.

Baru lela nɛ Jɔn kute na 19:9 ပူးပေါင်းရင်းမြစ်များ

Aizaaya 53:7

Awurfoŋ nɛ ebesa damta daŋ ba mo so, ama e daŋ lo to boeŋ nna, a maŋ fubel. E daŋ lo to fanɛ kpakpafɔlbi nɛ b gberge a yɔ nɛ b ya mɔ nna. Mo alɛ nseŋ daa du fanɛ kubolpɔ nɛ baa kuya kumo be afuibi nɛ k dese boeŋ nna, e maŋ wora shɛŋ.

Matiu 26:63

Ama Yesu daŋ la to nna a yil. Nɛ bɔrɛmatapo nimuso na kaŋɛ mo le: “Ebɔrɛ nɛ e wɔ ŋkpa to ere so, kaŋɛ anyi, fo e la Kristo, Ebɔrɛ Pibinyɛn na a?”

Matiu 27:27

Ndoŋ nna nɛ gomena na be benapo keta Yesu n luri gomena be lambu na to ŋ gama benapo na kikɛ m ba kulti mo.

Luuk 23:9

Amoso, e daŋ bishi mo asheŋ damta, ama mo alɛ daa maŋ kaŋɛ mo shɛŋ.

Baru lela nɛ Jɔn kute na 18:28

Juwebi na ka bar Yesu Kayafas pe nɛ b naŋ keta mo n lar ndoŋ n yɔ Romebi be gomena be lambu to. Saŋɛ na so nɛ kare bee chɛ, amoso, ŋkpal daŋkare be eyurpi be kenya so, Juwebi na daa maŋ luri gomena na be lambu na to, ŋkpal manɛ so, b daa sha ketiŋ n ji Kebansonchoŋ be kejibi na nna.

Baru lela nɛ Jɔn kute na 18:33

Ndoŋ nna nɛ Pailat naŋ bɛta n luri mbe lambu to nseŋ tre Yesu n ya bishi mo le: “Fo e la Juwebi be Ewura na a?”

Baru lela nɛ Jɔn kute na 18:34

Nɛ Yesu bishi mo: “Fo gbagba be nfɛra to nɛ kesheŋ ere shi ŋko basa ko e malga ma asheŋ ŋ ŋini fo?”

Baru lela nɛ Jɔn kute na 18:37

Ndoŋ nna nɛ Pailat bishi mo: “Kumo ere, ewura e la fo nna ŋko?” Nɛ Yesu kaŋɛ mo: “Kumo nɛ fo baa kaŋɛ na. Kesheŋ nɛ mee sha kekaŋɛ ere so nɛ b kurge ma. Kumo koŋwule na malɛ so nɛ m ba durnya ere to fanɛ m ba malga kashenteŋ na be asheŋ. Esa kama malɛ nɛ e wɔ kashenteŋ na to bee nu nna a sa ma.”

Baru lela nɛ Jɔn kute na 19:10

Nɛ Pailat bishi mo: “Fo la ma to nna a? Fo maŋ nyi fanɛ ŋ kɔ eleŋ nɛ n tiŋ n shin nɛ b gbir fo m mata kedibi largato so ŋko?”

Baru lela nɛ Jɔn kute na 19:8

Pailat ka nu loŋ na nɛ kufu naŋ pɛ mo n ti so.

Baru lela nɛ Jɔn kute na 8:14

Nɛ Yesu kaŋɛ bumo: “Hale nɛ n ji ma kumu so be shɛda gba, asɔ nɛ mee malga ere kɔ kashenteŋ, ŋkpal manɛ so, n nyi kakpa nɛ n shi m ba nseŋ naa nyi kakpa nɛ mee yɔ, ama menyi ere maŋ nyi kakpa nɛ n shi m ba nɛ kakpa nɛ mee yɔ.

Filipaiebi 1:28

Menyi alɛ e sa maa ŋana men doŋana. Men baa kɔ kenyɛn ashi kusɔ kama nɛ baa wora menyi to nɛ loŋ e tiŋ ŋ ŋini bumo fanɛ baaŋ shin nɛ menyi ere e ji n lar ŋkpal Ebɔrɛ ka sa menyi kumɔlga so.

Demujipoana 13:6

Ndoŋ nna nɛ kache na yɔ mo kul kutɔ n ya kaŋɛ mo le: “Ebɔrɛ be esa ko ba ma kutɔ nna. E duli Ebɔrɛ be malaika nna nɛ mbe asheŋ bee keta ma kufu. N daa maŋ bishi mo kakpa nɛ e shi, mo alɛ daa maŋ kaŋɛ ma mbe ketre.