Baru lela nɛ Jɔn kute na 19:6 - EBƆRƐ BE KAWƆL

⁶ Bɔrɛmatapowuraana na nɛ bumo be bekumpo na ka baŋ wu mo nɛ b ponte ŋ kaŋɛ: “Gbir mo m mata kedibi largato so, gbir mo m mata kedibi largato so!” Ndoŋ nna nɛ Pailat kaŋɛ bumo: “Men gbagba e keta mo n ya gbir m mata kedibi largato so, ŋkpal manɛ so, ma ere maŋ wu kulubi mo so nɛ esa beeŋ kpal kumo so ŋ gberge mo kusoe.”

Baru lela nɛ Jɔn kute na 19:6 ပူးပေါင်းရင်းမြစ်များ

Matiu 26:58

Ama saŋɛ na so nɛ Pita malɛ bɛ mo so a wɔ kaman kufɔ hale n ya fo bɔrɛmatapo nimuso na be laŋ to nseŋ luri n ya tu nyɛrbi na n chena a keni kusɔ nɛ k beeŋ wora.

Matiu 27:22

Ndoŋ nna nɛ Pailat bishi bumo le: “To, nɛ nuso nɛ meeŋ wora Yesu nɛ baa tre Kristo na?” Nɛ bumo kikɛ kaŋɛ: “Gbir mo m mata kedibi largato so.”

Matiu 27:24

Pailat ka wu fanɛ e maaŋ naŋ tiŋ n wora shɛŋ she kebagato e naa shin nɛ k koso basa na to nɛ e ta nchu n fɔr mbe enɔana nseŋ kaŋɛ le: “Ma enɔ maŋ wɔ kanyɛn ere be luwu to, menyi be asheŋ nna.”

Luuk 23:4

Ndoŋ nna nɛ Pailat kaŋɛ bɔrɛmatapowuraana na nɛ jimaŋ na le: “Ma ere maŋ wu kulubi kikɛ kanyɛn ere so.”

Baru lela nɛ Jɔn kute na 18:3

Amoso, ndoŋ nɛ Judas daŋ keta esoji be katuŋ ko nɛ bɔrɛlambu to be bekumpo ko mo nɛ bɔrɛmatapowuraana na nɛ Efarisiana na daŋ shuŋi na n yɔ. B daa kɔ akɔsɔ nɛ mbulpi nɛ efitila to nna.

Baru lela nɛ Jɔn kute na 18:31

Nɛ Pailat kaŋɛ bumo le: “Men gbagba e ta mo a yɔ n ya bɔla men gbagba be mbra so n ji mo demu n wɔtɔ luwu be kasogberge to.” Nɛ Juwebi na kaŋɛ mo: “An gbagba maŋ kɔ ekpa nɛ an tiŋ m mɔ esa ai.”

Baru lela nɛ Jɔn kute na 18:38

Nɛ Pailat bishi mo: “Manɛ e la kashenteŋ?” Pailat ka bishi Yesu loŋ nɛ e naŋ lar n yɔ Juwebi na kutɔ n ya kaŋɛ bumo le: “Ma ere maŋ wu shɛŋ mo so nɛ k daga b ka gberge mo kusoe.

Baru lela nɛ Jɔn kute na 19:15

Ndoŋ nna nɛ b ponte ŋ kaŋɛ: “Men mɔ mo, men mɔ mo. Men gbir mo m mata kedibi largato so!” Nɛ Pailat bishi bumo: “Ŋ gbir menyi be ewura m mata kedibi largato so a?” Nɛ bɔrɛmatapowuraana na kaŋɛ mo le: “Anyi maŋ kɔ ewura kama n naŋ ti Siza so.”

Baru lela nɛ Jɔn kute na 19:4

Ade kikɛ be kaman nɛ Pailat naŋ lar ŋ kaŋɛ Juwebi na le: “Men keni, meeŋ ta mo m bar menyi nɛ men pin fanɛ ma ere maŋ wu kusɔ lubi kikɛ mo so nɛ k daga mbe kasogberge.”

Ashuŋ Shunso 2:23

Ebɔrɛ gbagba be kasha nɛ kashennyi so nɛ e daŋ yili kumo saŋɛ na kikɛ fanɛ baaŋ ta Yesu m bɔɔ menyi enɔ. Menyi shin nɛ basa lubi gbir mo m mata kedibi largato so m mɔ.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.