Baru lela nɛ Jɔn kute na 19:35 - EBƆRƐ BE KAWƆL

³⁵ Esa nɛ e daŋ wu kesheŋ na e malga kumo be asheŋ, saŋɛ na so menyi alɛ gba beeŋ yirda. Kusɔ nɛ e malga na la kashenteŋ nna. Nɛ mo alɛ gba nyi e ka bee ji kashenteŋ.

Baru lela nɛ Jɔn kute na 19:35 ပူးပေါင်းရင်းမြစ်များ

Baru lela nɛ Jɔn kute na 11:15

Ama ŋkpal menyi so, k par ma ga fanɛ ŋ ka maŋ wɔ ndoŋ nɛ e wu, ŋkpal manɛ so, loŋ e naaŋ shin nɛ men yirda ma asheŋ. Ama naniere, men shin nɛ an yɔ mo kutɔ.”

Baru lela nɛ Jɔn kute na 11:42

N nyi fo ka bee nu ma kekule saŋkikɛ, ama ŋ kaŋɛ loŋ nna ŋkpal basa nɛ b yil nfe ere so nɛ b yirda fanɛ fo e shuŋi ma.”

Baru lela nɛ Jɔn kute na 14:29

Ŋ kaŋɛ menyi kesheŋ ere naniere nna na pɔɛŋ nɛ loŋ e ba wora, saŋɛ na so, nɛ k ba wora, menyeeŋ yirda.

Baru lela nɛ Jɔn kute na 15:27

Ama a daga fanɛ menyi alɛ gba ka ji shɛda na, ŋkpal manɛ so, ma nɛ menyi e baa la sososo na kikɛ.”

Baru lela nɛ Jɔn kute na 19:26

Yesu ka wu mo nio ndoŋ nseŋ naŋ wu ebɛsopo nɛ e daa sha ga na gba ka yil n taga to ndoŋ nɛ e kaŋɛ mo nio le: “Kache manɛ, keni fo pibi nde.”

Baru lela nɛ Jɔn kute na 20:31

Ama b sibɛ ade ere nna nɛ men yirda fanɛ Yesu e la Mesaya na, Ebɔrɛ Pibinyɛn na, nɛ menyi alɛ yirda loŋ, men beeŋ nya ŋkpa ashi mbe ketre na to.

Baru lela nɛ Jɔn kute na 21:24

Amo be ebɛsopo na e malga asheŋ ere, mo alɛ nseŋ naŋ sibɛ amo n nase na. Anyi alɛ nyi mbe shɛda na ka la kashenteŋ.

Ashuŋ Shunso 10:39

An la asheŋ nɛ a wora ashi Jerusalɛm to nɛ Juwebi be efuli so nɛ k ka na kikɛ be eshɛdajipoana nna. B daŋ gbir mo m mata kedibi largato so nna m mɔ mo.

Romebi 15:4

Abɔrɛsibɛ kama malɛ nɛ b daŋ sibɛ dra dra kikɛ n nase na, b daŋ sibɛ amo nna nɛ a baa ŋini anyi asheŋ, saŋɛ na so, anyeeŋ bɔla kanyiti nɛ kananɛ abɔrɛsibɛ na bee leŋ anyi to na to a kɔ tama.

1 Pita 5:1

To, naniere a ka menyi to be bejuŋkparpo nɛ b du fanɛ kananɛ ma alɛ gba la men barkasa ejuŋkparpo ere nsaa la esa nɛ n la Kristo be tɔrɔ be shɛdajipo nseŋ naa la esa nɛ meeŋ tu bumo nɛ baaŋ nya kemaŋkura na saŋɛ nɛ k lar efuli na.

1 Jɔn 5:13

Menyi bumo nɛ men yirda Ebɔrɛ Pibinyɛn be ketre na nɛ mee sibɛ asɔ ere a sa na nɛ men baa nyi fanɛ men kɔ ŋkpa nɛ k maŋ kɔ ekar na.

3 Jɔn 1:12

Demitrias bre, ekama bee malga mbe kebaawɔtɔ lela be asheŋ nɛ loŋ be kebaawɔtɔ na malɛ nɛ kashenteŋ be keŋini na maa lar abar kaman. Anyi alɛ gba bee ji mbe kebaawɔtɔ lela be shɛda nɛ fo alɛ nyi anyi be shɛda ka la kashenteŋ.