Baru lela nɛ Jɔn kute na 19:34 - EBƆRƐ BE KAWƆL

³⁴ Esoja na be ekoŋwule nawule e daŋ baŋ ta kekpa n da Yesu be kekel so n futi, nɛ ŋklaŋ nɛ nchu kleŋklembi ko lar epul na to.

Baru lela nɛ Jɔn kute na 19:34 ပူးပေါင်းရင်းမြစ်များ

Nshɛ 51:7

Ta hisɔp n fɔr ma so nɛ n nyalɛ so n fuli fanɛ ateebi.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Matiu 27:62

Kachɛ nɛ k bɛ so nɛ baa tre Kebelase be kachɛ na ka ji ŋ klade na nɛ bɔrɛmatapowuraana na nɛ Efarisiana na yɔ Pailat kutɔ n ya kaŋɛ mo le:

Baru lela nɛ Jɔn kute na 19:33

Ama b ka ba Yesu kutɔ nɛ e teŋ wu, amoso, b daa maŋ buri mo ere be aya.

Baru lela nɛ Jɔn kute na 20:20

E ka malga loŋ n loge nɛ e ta mbe enɔana nɛ mbe kekel ŋ ŋini bumo amo be amaŋana na. Bebɛsopo na ka wu Enyɛnpe na nɛ bumo be ŋgbene fuli bumo ga.

Ashuŋ Shunso 22:16

Amoso, sa maŋ naŋ jo, koso n shin nɛ b bɛr fo kabɔrɛbɛr a ti Yesu be ketre na nɛ Ebɔrɛ e fɔr fo alubi n lɛ.’

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 9:13

Nɛ kananɛ b daŋ ta mboeana nɛ egboluana be ŋklaŋ nɛ ana fɔlbi be nsunɔ ŋ ŋmenyaŋ n wurge basa nɛ b daa kɔ eyurpi bumo so na so nɛ a lar bumo so nɛ b nyalɛ so ere,

Hibruwebi 9:22

Kashenteŋto malɛ, mbra na bee ŋini fanɛ ŋklaŋ nɛ baa ta a fɔr asɔ be galeŋga so, nɛ ŋklaŋ malɛ baa maŋ lar, Ebɔrɛ be keta alubi m paŋ basa maŋ wɔtɔ.

1 Pita 3:21

Loŋ be nchu na daa la kabɔrɛbɛr nɛ k bee mɔlga menyi naniere be kaduli nna, ama k maŋ la kusɔ nɛ k bee fɔr eyur to be alubi a lɛ. K la nfɛra niŋiso be kɔnɔ naseso mo nɛ esa bee nase nna a sa Ebɔrɛ. Yesu Kristo be ketiŋi luwu to na to nɛ k bee bɔla a mɔlga menyi.

1 Jɔn 5:6

Yesu ere e la emo nɛ e daŋ yili kabɔrɛbɛr be nchu nɛ mbe luwu be ŋklaŋ so m ba na. Mannɛ nchu na malɛ nawule so nɛ e daŋ yili so m ba, nchu na nɛ ŋklaŋ na kikɛ so nɛ e daŋ yili so m ba.

1 Jɔn 5:8

Eshɛdajipo asa e wɔtɔ. Kiyoyu na wɔtɔ nɛ nchu na wɔtɔ nɛ ŋklaŋ na gba wɔtɔ. Kɔnɔkoŋwule nɛ amo alɛ kikɛ kɔ.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.