Baru lela nɛ Jɔn kute na 19:31 - EBƆRƐ BE KAWƆL

³¹ Kumo be kachɛ na daa la Kebelaseachɛ nna nɛ kumo be ŋklade malɛ daa la Kewushiachɛgboŋ ko. Ŋkpal Juwebi na malɛ ka daa maa sha basa nɛ b daŋ gbir m mata ndibi na so be eyurana na ka shir a wɔ ndibi largatoana na so ŋkpal kewushiachɛ na so, b daŋ ya kaŋɛ Pailat nna fanɛ e shin nɛ b buri m buri basa na be aya nseŋ lara n lara bumo be eyurana na ndibi largatoana na so.

Baru lela nɛ Jɔn kute na 19:31 ပူးပေါင်းရင်းမြစ်များ

Ɛksodɔs 12:16

Men ta kachɛ sososo na nɛ kachɛ shunusopo na n shɛr n shuŋ Ebɔrɛ. Loŋ be nchɛ na, ekama e sa maŋ kaŋ shuŋ kushuŋ kikɛ, ama menyeeŋ tiŋ n daŋɛ ajibi bre kanaŋkamaso nɛ ekama beeŋ tiŋ n ji.

Aŋasa 12:10

Basa lela bee keni bumo be asɔbɔya gba so nɛnɛ nna, ama basa lubi bre be shɛŋ maŋ wɔ bumo be asɔbɔya to.

Maika 3:3

K du fanɛ menyee luu ma basa be nwɔl nna, nsaa kpele bumo be eblaŋ nɛ awibi to a wɔtɔ mpuliya to a daŋɛ a we.

Matiu 27:62

Kachɛ nɛ k bɛ so nɛ baa tre Kebelase be kachɛ na ka ji ŋ klade na nɛ bɔrɛmatapowuraana na nɛ Efarisiana na yɔ Pailat kutɔ n ya kaŋɛ mo le:

Maak 15:42

Kaase ka fo, nɛ Arimatiya be Josɛf ba. E daa la Juwebi be nshɛrwuraana na to be ebunyampo nna nɛ mo alɛ daa jo Ebɔrɛ be kuwura na be keba.

Baru lela nɛ Jɔn kute na 19:1

Ndoŋ nna nɛ Pailat ta Yesu n shin nɛ b kuya mo so.

Baru lela nɛ Jɔn kute na 19:14

Kebansonchoŋ be Kebelaseachɛ e daa la nɛ kumo be saŋɛ malɛ daa la kapiidi. Amo be saŋɛ na nɛ Pailat kaŋɛ Juwebi na: “Menyi be ewura nde.”

Baru lela nɛ Jɔn kute na 19:42

Amoso, ŋkpal kumo be kachɛ na ka daa la Juwebi be Kebelaseachɛ nɛ ŋkpal nchaŋ na ka taga to na so, b daŋ ta Yesu nna n nase kumo to.

Joshuwa 8:29

E daŋ chɛ Ai be ewura na efɔl nna n shiga kedibi so nseŋ yige mbe kebuni n ya fo kaaseso. Epeŋi ka tɔr nɛ Joshuwa kaŋɛ fanɛ b ya shiga kebuni na kedibi na so n ya lɛ kade na be kabunagboŋ na ase. Kumo be kaman nɛ b bela ajembu gboŋgboŋi damta n deŋi ewura na be kebuni na so. Loŋ be kakpa na kra dese hale kabre.