Baru lela nɛ Jɔn kute na 19:28 - EBƆRƐ BE KAWƆL

²⁸ Asheŋ ere kikɛ ka wora n choŋ nɛ Yesu pin loŋ nsaa sha fanɛ abɔrɛsibɛ na e bɔlɔ so nɛ e kaŋɛ le: “Achukoŋ kɔ ma.”

Baru lela nɛ Jɔn kute na 19:28 ပူးပေါင်းရင်းမြစ်များ

Nshɛ 22:15

Ma eleŋ kikɛ loge fanɛ kusɔ nuunchu ka baŋɛ to na; nɛ ma kudonduloŋ wɔl m mata ma anyifar to. Fo Enyɛnpe Ebɔrɛ na yige ma nna nɛ n wu n tɔr shishɛr to a?

Nshɛ 69:21

Baa ta kɔrtɔ nna a wɔtɔ ma ajibi to nsaa sa ma nsa nyaŋnyaŋso fanɛ nchu nuuso.

Luuk 12:50

A daga fanɛ b wɔtɔ ma tɔrɔ to fanɛ kananɛ baa muni esa nchu to a bɛr mo kabɔrɛbɛr na. Kumo alɛ maŋ loge, ma kagbene maaŋ dese ma kikɛ.

Luuk 18:31

Saŋko Yesu keta mbe bebɛsopo na n lar ekarso ŋ kaŋɛ bumo le: “Men keni, anyee yɔ Jerusalɛm nna nɛ asɔ nɛ anebiana na wu ma, Nyiŋgbasa Pibinyɛn be asheŋ n sibɛ n nase na kikɛ e ya bɔla ekpa.

Luuk 22:37

Ŋkpal manɛ so, ma e kaŋɛ menyi na fanɛ abɔrɛsibɛ nɛ a bee kaŋɛ fanɛ b ta ma n ti alubiworapoana so na daga kebɔla ekpa, ŋkpal manɛ so, asɔ nɛ b sibɛ a malga ma asheŋ na kikɛ bee bɔla ekpa nna na.”

Luuk 9:31

Kemaŋkura e daŋ baa wɔ bumo kikɛ so nɛ mo nɛ bumo daa malga kananɛ e beeŋ wu Jerusalɛm to n shin nɛ k bɔla Ebɔrɛ be ekpa so be asheŋ.

Baru lela nɛ Jɔn kute na 13:1

K ka ba ka kachɛ koŋwule nɛ Kebansonchoŋ be kejigboŋ na e fo nɛ Yesu pin fanɛ mbe kelar durnya ere to n yɔ Etuto na kutɔ na be jemanɛ fo, e daŋ sha mbe basa ashi durnya to, n sha bumo loŋ n ya fo ekar.

Baru lela nɛ Jɔn kute na 17:4

M maŋkura fo kasawule ere to, ŋkpal manɛ so, n wora kushuŋ nɛ fo ta m bɔɔ ma enɔ fanɛ n wora na kikɛ.

Baru lela nɛ Jɔn kute na 18:4

Yesu daa nyi asɔ nɛ a daa beeŋ nya mo kikɛ, amoso, e daŋ lar m ba anishito nna m ba bishi bumo le: “Wanɛ nɛ menyee fin?”

Baru lela nɛ Jɔn kute na 19:24

Esoja na ka ta kumo nɛ b kaŋɛ abar le: “Men sa maŋ shin nɛ an kpɛa kumo to. Men shin nɛ an to beri ŋ keni emo nɛ e beeŋ nya kumo.” B daŋ wora loŋ nna nɛ kusɔ nɛ abɔrɛsibɛ na bee kaŋɛ fanɛ: “B daŋ barga ma asɔbuuso to nna n sa abar nseŋ to beri a fin ma piŋi” na e bɔla. Amoso, kusɔ nɛ esoji na daŋ wora nna na.

Baru lela nɛ Jɔn kute na 19:30

Yesu ka pipe nsa nyannyanso na nɛ e kaŋɛ: “Asheŋ loge.” E ka kaŋɛ le ere n loge nɛ e kur mbe kumu n yuu nseŋ wu.

Baru lela nɛ Jɔn kute na 19:36

B ka daa maŋ buri Yesu be aya na daŋ wora loŋ nna nɛ abɔrɛsibɛ nɛ a bee kaŋɛ fanɛ: “Mbe kuwibi kama maaŋ bu to” na e bɔlɔ so.

Baru lela nɛ Jɔn kute na 4:34

Ndoŋ nna nɛ Yesu kaŋɛ bumo le: “Ma ajibi e la kewora esa nɛ e shuŋi ma na be aparsheŋ nɛ keloge mbe kushuŋ.

Ashuŋ Shunso 13:29

B ka wora asɔ nɛ abɔrɛsibɛ na kaŋɛ fanɛ baaŋ wora mo na n loge, nɛ b lara mo kedibi largato na so n ta mo n wɔtɔ kejembulaŋ kurso ko to.