Baru lela nɛ Jɔn kute na 19:24 - EBƆRƐ BE KAWƆL

²⁴ Esoja na ka ta kumo nɛ b kaŋɛ abar le: “Men sa maŋ shin nɛ an kpɛa kumo to. Men shin nɛ an to beri ŋ keni emo nɛ e beeŋ nya kumo.” B daŋ wora loŋ nna nɛ kusɔ nɛ abɔrɛsibɛ na bee kaŋɛ fanɛ: “B daŋ barga ma asɔbuuso to nna n sa abar nseŋ to beri a fin ma piŋi” na e bɔla. Amoso, kusɔ nɛ esoji na daŋ wora nna na.

Baru lela nɛ Jɔn kute na 19:24 ပူးပေါင်းရင်းမြစ်များ

2 Bewura 15:12

Kusɔ nɛ Enyɛnpe nase kɔnɔ n sa Jehu na bɔlɔ so. E yɛ: “Yili fo kenana m ya fo fo kenana gbiramuli be jemanɛ so fo basa e naaŋ baa ji Israɛl be efuli so be kuwura.”

Nshɛ 22:18

B to beri nna m barga ma asɔbuuso to n sa abar.

Ɛksodɔs 28:32

nɛ k baa kɔ kubɔ. Men ta kechɛbi lueso m muya kubɔ na ŋ kulti nɛ k baa kɔ eleŋ ga.

Aizaaya 10:7

Ama Asiriya be ewurgboŋ na malɛ daa kɔ mo gbagba be nfɛragboŋ mbe kumu to nna. E daa sha kemur efuli damtaana nna.

Matiu 27:35

B ka gbir mo m mata kedibi largato na so n loge nɛ b ta mbe asɔbuuso n nase nsaa to beri a fin bumo nɛ baaŋ nya amo.

Maak 15:24

Nɛ b gbir mo m mata kedibi largato na so nseŋ barga mbe asɔbuuso to n nase a to beri a fin kumo nɛ ekama beeŋ nya.

Luuk 23:34

Nɛ Yesu kaŋɛ le: “Etuto, ta m paŋ bumo, ŋkpal manɛ so, b maŋ nyi kusɔ nɛ baa wora.” Nɛ b to beri a fin bumo nɛ baaŋ nya mbe asɔbuuso.

Baru lela nɛ Jɔn kute na 10:35

To, an nyi abɔrɛsibɛ na ka maa chɛrga kikɛ. Amoso, a ka kaŋɛ fanɛ Ebɔrɛ tre basa mo nɛ mbe kamalga ba bumo to ebɔrɛana ere,

Baru lela nɛ Jɔn kute na 13:18

E yɛ: “Mannɛ menyi kikɛ nɛ n de. N nyi bumo nɛ n lara. Ama ade kikɛ wora nna nɛ kananɛ abɔrɛsibɛ na kaŋɛ le na e bɔla ekpa, a kaŋɛ: ‘Esa nɛ e ji ma ajibi gbagba kilgi nna n tu ma.’

Baru lela nɛ Jɔn kute na 19:28

Asheŋ ere kikɛ ka wora n choŋ nɛ Yesu pin loŋ nsaa sha fanɛ abɔrɛsibɛ na e bɔlɔ so nɛ e kaŋɛ le: “Achukoŋ kɔ ma.”

Ashuŋ Shunso 13:27

Ŋkpal manɛ so, basa nɛ bumo nɛ bumo be benimu wɔ Jerusalɛm to ere daa maŋ nyi fanɛ mo e la emɔlgapo na, bumo alɛ daa maŋ pin anebiana be mmalga nɛ b sibɛ n nase nɛ b baa kraŋ amo kewushiachɛ kama na gba to. Ama bumo alɛ daŋ shin nɛ b mɔ Yesu n shin nɛ anebiana be mmalga na bɔla ekpa.