Baru lela nɛ Jɔn kute na 18:8 - EBƆRƐ BE KAWƆL

⁸ Nɛ Yesu kaŋɛ bumo: “N teŋ kaŋɛ menyi fanɛ ma nna na, ama nɛ ma nɛ men baa fin bre, men shin nɛ bede bre e baa yɔ.”

Baru lela nɛ Jɔn kute na 18:8 ပူးပေါင်းရင်းမြစ်များ

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Matiu 26:56

Ama asheŋ ere kikɛ wora nna nɛ kusɔ nɛ anebiana na sibɛ na e bɔlɔ so.” Ndoŋ nna nɛ bebɛsopo na kikɛ shile ŋ ka mo.

Baru lela nɛ Jɔn kute na 10:28

Mee sa bumo ŋkpa nɛ k maŋ kɔ ekar na nɛ b sa maŋ wu kikɛ. Esa kama malɛ maaŋ tiŋ n suge bumo ashi ma enɔ to.

Baru lela nɛ Jɔn kute na 13:1

K ka ba ka kachɛ koŋwule nɛ Kebansonchoŋ be kejigboŋ na e fo nɛ Yesu pin fanɛ mbe kelar durnya ere to n yɔ Etuto na kutɔ na be jemanɛ fo, e daŋ sha mbe basa ashi durnya to, n sha bumo loŋ n ya fo ekar.

Baru lela nɛ Jɔn kute na 13:36

Ndoŋ nna nɛ Saimɔn Pita bishi mo: “Enyɛnpe, nnɛ nɛ fee yɔ?” Nɛ Yesu kaŋɛ mo: “Fo maaŋ tiŋ m bɛ ma so naniere n yɔ kakpa nɛ mee yɔ ere, ama kachako feeŋ bɛ ma so n yɔ.”

Baru lela nɛ Jɔn kute na 16:32

Ama men baa nyiŋi fanɛ saŋko beeŋ ba fo, k teŋ fo gba nɛ menyi kikɛ e pesaŋ to nɛ ekama e yɔ mo gbagba pe. Menyeeŋ yige n nawule n to, ama mannɛ n nawule e wɔtɔ, ŋkpal manɛ so, n Tuto wɔ ŋ kutɔ nna.

Baru lela nɛ Jɔn kute na 18:7

Ndoŋ nna nɛ e naŋ laŋɛ m bishi bumo: “Wanɛ nɛ menyee fin?” Nɛ b yɛ: “Nazarɛt be Yesu na.”

Baru lela nɛ Jɔn kute na 18:9

E daŋ kaŋɛ loŋ nna nɛ mmalga nɛ e daŋ malga saŋko fanɛ: “Etuto, bumo nɛ fo ta m bɔɔ ma enɔ na be ekama maŋ foe ma enɔ to” na e bɔla.

1 Kɔrintebi 10:13

Kechɔŋkeni kama nɛ k ba menyi so la kusɔ nɛ k bee kaa ba esa kama so nna. Ama Ebɔrɛ la esa nɛ e maaŋ yige anyi n to nna, e maaŋ shin nɛ men luri kechɔŋkeni mo nɛ k chɔ menyi be eleŋ so to. Nɛ men baŋ luri kechɔŋkeni to, mo alɛ beeŋ bugi ekpa n sa menyi nɛ men tiŋ n nya n yili to kpakpa.

2 Kɔrintebi 12:9

Ama e maŋ lara kumo nseŋ kaŋɛ ma le: “Ma kuwɔr be kakɛ kukwe fo, ŋkpal manɛ so, fo kapɔshi to nɛ ma eleŋ bee dii efuli nɛnɛ.” Amoso, meeŋ baa kɔ ma kapɔshi ere a ji njɔŋ kagbenefuliso a ti so, saŋɛ na so, Kristo be eleŋ beeŋ baa wɔ ma so.

Ɛfesesebi 5:25

Benyɛn, men baa sha men be becheana fanɛ kananɛ Kristo sha asɔri na nseŋ ta mbe kumu n sa kumo na.

1 Pita 5:7

Men ta men be asheŋ tirso kikɛ a lɛ mo so, ŋkpal manɛ so, men be asheŋ wɔ mbe kagbene to ga.