Baru lela nɛ Jɔn kute na 18:28 - EBƆRƐ BE KAWƆL

²⁸ Juwebi na ka bar Yesu Kayafas pe nɛ b naŋ keta mo n lar ndoŋ n yɔ Romebi be gomena be lambu to. Saŋɛ na so nɛ kare bee chɛ, amoso, ŋkpal daŋkare be eyurpi be kenya so, Juwebi na daa maŋ luri gomena na be lambu na to, ŋkpal manɛ so, b daa sha ketiŋ n ji Kebansonchoŋ be kejibi na nna.

Baru lela nɛ Jɔn kute na 18:28 ပူးပေါင်းရင်းမြစ်များ

Nshɛ 35:16

B wora ma eyurto nna fanɛ kananɛ basa nɛ b maa ŋana Ebɔrɛ bee wora ebobi eyurto na; nsaa keni ma yurkishi so.

Aŋasa 1:16

Ŋkpal manɛ so, saŋkikɛ, baa jujo nna nɛ b wora alubi. Kemɔ esa maŋ la shɛŋ bumo kutɔ.

Aŋasa 4:16

Basa lubi bre baŋ maŋ wora kulubi, b maaŋ tiŋ n di. B maaŋ tiŋ n di nɛ b maŋ wora kulubi ŋ gbiti esa ko.

Ezikɛl 45:21

Kufɔl juŋkparso na be kachɛ kuduanasopo na nɛ menyeeŋ fara Kebansonchoŋ be Kejigboŋ na be kesheŋ wora. Nchɛnshunu nɛ ekama beeŋ ta n ji bodobodo nɛ a maŋ kɔ yisi.

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Matiu 27:27

Ndoŋ nna nɛ gomena na be benapo keta Yesu n luri gomena be lambu na to ŋ gama benapo na kikɛ m ba kulti mo.

Maak 15:16

Ndoŋ nna nɛ benapo na keta Yesu n luri lambu be epunto, kumo e la fanɛ gomena be lambu na n tre benapo na kikɛ m ba shɛr.

Luuk 22:66

Kare ka chɛ nɛ bɔrɛmatapowuraana na nɛ mbraŋinipoana nɛ baa tre Juwebi be benimuana be nshɛrwuraana na kikɛ shɛr. Amo be kaman nɛ b keta mo n yɔ bumo be demujikpa n ya kaŋɛ mo le:

Baru lela nɛ Jɔn kute na 11:55

Saŋɛ na so nɛ Juwebi be Kebansonchoŋ be kejigboŋ be saŋɛ bee fo nɛ basa damta shi ndewurbiana na to n juŋkpar n yɔ nɛ b ya fɔr bumo be amu so pɔɛŋ nɛ Kebansonchoŋ be kachɛ na gbagba e fo.

Baru lela nɛ Jɔn kute na 18:13

Anas daa la Kayafas nɛ e daa la bɔrɛmatapo nimuso amoafɛ na mo sha nna.

Baru lela nɛ Jɔn kute na 18:15

B ka daŋ pɛ Yesu a yɔ na nɛ Saimɔn Pita nɛ ebɛsopo ko bɛ mo so. Ebɛsopo na nɛ bɔrɛmatapo nimuso na daa nyi abar nna nɛnɛ, amoso, mo ere daŋ bɛ Yesu so nna n luri bɔrɛmatapo nimuso na be laŋ na to.

Baru lela nɛ Jɔn kute na 18:33

Ndoŋ nna nɛ Pailat naŋ bɛta n luri mbe lambu to nseŋ tre Yesu n ya bishi mo le: “Fo e la Juwebi be Ewura na a?”

Baru lela nɛ Jɔn kute na 18:39

Ama menyi be daŋkare ko bee ŋini fanɛ a daga fanɛ Kebansonchoŋ be kejigboŋ be jemanɛ kikɛ to n lara menyi be keparso be esa ashi kabuti to n sa menyi. Amoso, menyee sha fanɛ n yige Juwebi be ewura na n sa menyi a?”

Baru lela nɛ Jɔn kute na 19:11

Nɛ Yesu kaŋɛ mo le: “Nɛ Ebɔrɛ daa maŋ sa fo eleŋ ma so nna, fo daa maaŋ baa kɔ eleŋ ma so. Esa nɛ e ta ma m bɔɔ fo enɔ ere malɛ be kulubi e shi a chɔ feya.”

Baru lela nɛ Jɔn kute na 19:14

Kebansonchoŋ be Kebelaseachɛ e daa la nɛ kumo be saŋɛ malɛ daa la kapiidi. Amo be saŋɛ na nɛ Pailat kaŋɛ Juwebi na: “Menyi be ewura nde.”

Baru lela nɛ Jɔn kute na 19:9

Nɛ e naŋ bɛta n luri mbe lambu to n ya bishi Yesu: “Nnɛ nɛ fo shi?” Ama Yesu daa maŋ tuge mo.

Ashuŋ Shunso 10:28

Nɛ e kaŋɛ bumo: “Menyi alɛ gba baa nyi geeŋ fanɛ Juwebi be mbraana na ka bee ŋini fanɛ Juw be esa e sa maŋ kaŋ ya chɔrɔ ŋko n shin nɛ mo nɛ kanyamase e ba abar so kikɛ. Ama Ebɔrɛ ŋini ma fanɛ n sa maa ta dimɛdi pɔtɛ kama fanɛ eyurpiwura fanɛ kananɛ anyi Juwebi bee tre nnyamase na.

Ashuŋ Shunso 10:32

Shuŋi esa Jɔpa nɛ e ya tre kanyɛn ko nɛ baa tre Saimɔn Pita na. E wɔ Saimɔn nwɔlgbitipo nɛ e wɔ a mata teku na pe.’

Ashuŋ Shunso 11:3

a bishi mo kusɔ nɛ k ba nɛ e yɔ asoliwuraana pe hale n ya kaa tu bumo a ji.

Ashuŋ Shunso 3:13

An nananyɛnana Eebraham nɛ Aizek nɛ Jeekɔb nɛ anyi be kanaŋ to ebi kikɛ be Ebɔrɛ na e sa mbe Kenya Yesu kemaŋkura. Mo nɛ men daŋ ta m bɔɔ belempo enɔ nseŋ kini mo Pailat be anishito, saŋɛ nɛ Pailat gbagba daa sha keyige mo na.

Ashuŋ Shunso 4:27

Kumo alɛ kashenteŋ nna, ŋkpal manɛ so, Hɛrɔd nɛ Pɔnshes Pailat nɛ nnyamase nɛ Israɛlebi daŋ shɛr kadegboŋ ere to ŋ kre Yesu nɛ e la fo Ebɔrɛ be Kenya cheembi nseŋ naa la emo nɛ fo lara fanɛ e baa la Kristo na be nia.

Ditɛronɔmi 16:2

Kusɔbɔya nɛ menyeeŋ ta n lara sarga n sa Enyɛnpe menyi be Ebɔrɛ na Kebansonchoŋ be kachɛgboŋachɛ na daga fanɛ k baa la kena ŋko kubolpɔ ŋko kaboe. Menyi alɛ beeŋ ya mɔ kumo ashi kakpa nɛ Enyɛnpe Ebɔrɛ na lara n yili fanɛ men baa shuŋ mo ndoŋ na nna.