Baru lela nɛ Jɔn kute na 18:20 - EBƆRƐ BE KAWƆL

²⁰ Nɛ Yesu kaŋɛ mo: “N daa bugi to a malga nna a sa ekama. Nshɛrbuana na to ŋko bɔrɛlambu na to, kakpa nɛ Juwebi kikɛ bee kaa shɛr na nɛ n daa malga saŋkikɛ, n daa maa malga shɛŋ wulo to kikɛ.

Baru lela nɛ Jɔn kute na 18:20 ပူးပေါင်းရင်းမြစ်များ

Nshɛ 22:22

Meeŋ kaŋɛ ma basa kusɔ nɛ fo wora; nseŋ yili fo basa nɛ b shɛr to n fur fo.

Nshɛ 40:9

Meeŋ kaŋɛ kananɛ fee mɔlga anyi saŋkama ashi fo basa be nshɛrgboŋ to. Enyɛnpe, fo nyi ŋ ka maaŋ lo ma kɔnɔ to kikɛ.

Aizaaya 45:19

Mannɛ ashiri to nɛ m malga ŋko n ta ma ŋkre ŋ ŋana. M maŋ kaŋɛ Israɛl be basa fanɛ, nɛ b fin ma b maaŋ wu ma a. Ma e la Enyɛnpe Ebɔrɛ nɛ e bee ji kashenteŋ na. Kusɔ nɛ k bɔla ekpa nɛ mee kaŋɛ.”

Aizaaya 48:16

Men firgi n taga ma to naniere nseŋ nu nfe! Sososo na kikɛ nɛ m bugi to ŋ kaŋɛ kusɔ kama nseŋ shin nɛ ma mmalga kikɛ bɔlɔ so kashenteŋto.” Enyɛnpetale Ebɔrɛ na e bɔla mbe Kiyoyu be eleŋgboŋ so n shuŋi ma.

Matiu 24:26

Amoso, nɛ esa kama baŋ kaŋɛ menyi le: ‘Men keni, Kristo na e wɔ kiyi to na,’ men sa maŋ kaŋ yɔ ndoŋ ŋko nɛ b kaŋɛ menyi le: ‘Men keni Kristo na e wɔ ebu ere to na,’ men sa maŋ kaŋ yirda kumo.

Matiu 26:55

Jemanɛ na so nɛ Yesu bishi jimaŋ na le: “Men ta etokobi nɛ mprɛ nna m ba nɛ men ba pɛ ma fanɛ eyu a? Ma nɛ menyi e daa la bɔrɛlambu na to kachɛ kama nɛ mee ŋini abɔrɛsheŋ na, ama men maŋ pɛ ma.

Matiu 26:65

Nɛ bɔrɛmatapo nimuso na kpɛa mbe asɔbuuso to nseŋ kaŋɛ le: “E malga ŋ gbiti Ebɔrɛ! Men nu kananɛ e malga ŋ gbiti Ebɔrɛ nna na. An naa sha eshɛda ko nna n ti so a?

Matiu 4:23

Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Matiu 9:35

Kumo be kaman nɛ Yesu yɔ ndegboŋana nɛ ndewurbiana na kikɛ to n ya kaa ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ naa chɛ basa be alɔ nɛ ebesa be yiri kikɛ.

Maak 8:32

E bugi le be demu to nɛnɛ ŋ kaŋɛ bumo. Nɛ Pita keta mo n lar ekarso n ya fara nɛ e fiɛ mo so.

Luuk 21:37

Karechɛ kama e daa wɔ bɔrɛlambu na to nna a ŋini basa abɔrɛsheŋ nɛ kanyɛso nɛ e yɔ kebee nɛ baa tre Ɔlifs be kebee na so n ya kaa wɔtɔ.

Luuk 4:15

E ka ŋini abɔrɛsheŋ bumo be nshɛrbuana na to nɛ ekama chɔrɔ mo ga.

Baru lela nɛ Jɔn kute na 18:21

Nɛ manɛ e ba nɛ fo naa bishi ma le be asheŋ ere? Bishi bumo nɛ b daŋ nu ma mmalga na nɛ b kaŋɛ fo, ŋkpal manɛ so, m baa nyi fanɛ b nyi asheŋ nɛ n daa malga na.”

Baru lela nɛ Jɔn kute na 6:59

Yesu daa wɔ Kapɛɛniam be nshɛrbu to nna a ŋini basa abɔrɛsheŋ nseŋ malga kesheŋ ere.

Baru lela nɛ Jɔn kute na 7:14

Kejigboŋ na to be asheŋ woraso na daŋ kraa wɔ nferinto nna a yɔ nɛ Yesu koso n yɔ bɔrɛlambu na to n ya fara a ŋini basa abɔrɛsheŋ.

Baru lela nɛ Jɔn kute na 7:26

To, mo e yil a malga basa kikɛ to na nɛ esa kama malɛ maa tuge shɛŋ. Ŋko Juwebi be benimuana na wu kumo naniere nna fanɛ mo e la Kristo na a?

Baru lela nɛ Jɔn kute na 7:28

Saŋɛ na nɛ Yesu kraa ŋini abɔrɛsheŋ ashi bɔrɛlambu na to nseŋ ba kaŋɛ awɔrso le: “Kashenteŋ nna nɛ men nyi ma nsaa nyi kakpa nɛ n shi. Ama mannɛ ŋ gbagba be kumu so so nɛ n wɔ nfe, esa nɛ e shuŋi ma na la Kashenteŋwura nna. Men maŋ nyi mo.

Baru lela nɛ Jɔn kute na 7:4

B yɛ: ‘Esa kama nɛ e bee sha nɛ basa e baa nyi mbe asheŋ maa ŋana a wora asheŋ.’ Amoso, fo ka baa wora asheŋ ere, shin nɛ durnya e wu fo.”

Baru lela nɛ Jɔn kute na 8:2

Kare ka bee chɛ nɛ e naŋ ba bɔrɛlambu na to nɛ basa na kikɛ shɛr ŋ kulti mo nɛ e kilgi n chena a ŋini bumo abɔrɛsheŋ.

Baru lela nɛ Jɔn kute na 8:26

Asɔ damta wɔtɔ nɛ n yili amo so m malga menyi be asheŋ nseŋ ji menyi demu, ama esa nɛ e shuŋi ma na la Kashenteŋjipo nna. Ma alɛ, kusɔ nɛ mee nu ashi mo kutɔ nɛ mee ta a kaŋɛ durnya.”

Ashuŋ Shunso 26:26

Ewura Agripa, n tiŋ n ta kenyɛn m malga fo kutɔ nna ŋkpal fo ka nyi asheŋ ere kikɛ so. Ma alɛ bee tama fanɛ fo ta asheŋ na be kekama n wɔtɔ fo kagbene to, ŋkpal manɛ so, asheŋ na daa maŋ wora ŋ ŋana.