Baru lela nɛ Jɔn kute na 18:12 - EBƆRƐ BE KAWƆL

¹² Kede be kaman nɛ esoji na nɛ bumo be enimu nɛ Juwebi be bekumpo na pɛ Yesu ŋ kre mo nseŋ ta mo n yɔ Anas kutɔ pɔɛŋ.

Baru lela nɛ Jɔn kute na 18:12 ပူးပေါင်းရင်းမြစ်များ

Jɛnesis 22:9

B ka ya fo kakpa nɛ Ebɔrɛ ŋini Eebraham fanɛ e lara sarga na nɛ Eebraham yuu bɔrɛsure ndoŋ nseŋ bela ndibi na n deŋi bɔrɛsure na so. Kumo be kaman nɛ e pɛ mbe kebia na ŋ kre mo n ya deŋi bɔrɛsure na nɛ ndibi na so,

Jɛnesis 40:3

Amoso e daŋ shin nɛ b ti bumo ebu ashi kakpa nɛ Josɛf gba daa wɔ kabuti to na nna.

Nshɛ 118:27

Enyɛnpe Ebɔrɛ na e la Ebɔrɛ, mo e shin nɛ mbe kefulto nyaŋɛ n yuu anyi so! Men shin nɛ an ta abii be ayabi ŋ keta enɔ to nseŋ bɛ abar so a ji eyur a kulti bɔrɛsure na.

Matiu 26:57

Basa nɛ b daŋ pɛ Yesu na daŋ ta mo nna n yɔ bɔrɛmatapo nimuso Kayafas pe. Ndoŋ nɛ mbraŋinipoana na nɛ benimuana na daŋ ya shɛr.

Matiu 27:2

Ndoŋ nna nɛ b ta ŋgbɛlɛbi ŋ kre mo nseŋ ta mo n ya bɔɔ Pailat nɛ e daa la Romebi be gomena na enɔ.

Matiu 27:27

Ndoŋ nna nɛ gomena na be benapo keta Yesu n luri gomena be lambu na to ŋ gama benapo na kikɛ m ba kulti mo.

Maak 14:53

Nɛ basa na keta Yesu n yɔ bɔrɛmatapo nimuso na pe. Ndoŋ nɛ bɔrɛmatapowuraana na nɛ benimuana na nɛ mbraŋinipoana na daŋ ya shɛr.

Maak 15:1

Kare ka baŋ chɛ, nɛ bɔrɛmatapowuraana nɛ benimuana na nɛ mbraŋinipoana na nɛ Sanhedrinebi na kikɛ ya kre bumo be nia nseŋ ta ŋgbɛlɛbi ŋ kre Yesu n ta mo n lar n ya bɔɔ Gomena Pailat enɔ.

Luuk 22:54

Ndoŋ nna nɛ b nyaŋ Yesu m pɛ mo n yɔ bɔrɛmatapo nimuso na pe. Saŋɛ na so nɛ Pita bɛ kufɔ a wɔ kaman.

Baru lela nɛ Jɔn kute na 18:3

Amoso, ndoŋ nɛ Judas daŋ keta esoji be katuŋ ko nɛ bɔrɛlambu to be bekumpo ko mo nɛ bɔrɛmatapowuraana na nɛ Efarisiana na daŋ shuŋi na n yɔ. B daa kɔ akɔsɔ nɛ mbulpi nɛ efitila to nna.

Ashuŋ Shunso 10:1

Kanyɛn ko daa wɔ Sizariya nɛ baa tre mo Kɔɔnilias. E daa la Romebi be benapo kalfa be enimu nna ashi benapo be katuŋgboŋ nɛ baa tre Itali be Katuŋ na to. E daa la abɔrɛshenshapo nna, mo nɛ mbe kowu to ebi kikɛ daa bunyaŋ Ebɔrɛ nna.

Ashuŋ Shunso 21:31

Jimaŋ yenso na daa sha kemɔ Pɔɔl nna nɛ esa ko ya kaŋɛ Romebi be benapo be enimu na fanɛ Jerusalɛmebi nyaŋɛ to.

Ashuŋ Shunso 21:37

B ka daa shin nɛ b ta Pɔɔl n luri kesɔnyige be ebu lempo na to nɛ e malga benapo be enimu na kutɔ ŋ kaŋɛ: “Jande, shin nɛ ŋ kaŋɛ fo kusɔ ko.” Nɛ benapo be enimu na bishi mo: “Fee nu Griik to a?

Ashuŋ Shunso 23:10

Bumo be kolu na daŋ nyaŋɛ to ga hale basa na be kegberge Pɔɔl n tuge to be asheŋ pɛ benapo be enimu na kufu ga. Nɛ e shin nɛ mbe benapo luri basa na to ŋ keta Pɔɔl n lar bumo to n yɔ kesɔnyige be ebu lempo na to.

Demujipoana 16:21

Ndoŋ nna nɛ Filisti be basa na ba pɛ mo nseŋ lute mbe anishi. Kumo be kaman nɛ b ta mo n yɔ Gaaza nseŋ ya ta danyaŋ be ŋgbɛlɛbi ŋ kre mo nseŋ shin nɛ e bee ŋin kuboo jembu a kɔr asɔ ashi kabuti to.