Baru lela nɛ Jɔn kute na 18:11 - EBƆRƐ BE KAWƆL

¹¹ Ndoŋ nna nɛ Yesu kaŋɛ Pita: “Bɛta fo tokobi na n wɔtɔ kumo be efar to. Fee tama fanɛ m maa sha keji tɔrɔ nɛ n Tuto yili fanɛ n ji na ŋko nuso?”

Baru lela nɛ Jɔn kute na 18:11 ပူးပေါင်းရင်းမြစ်များ

2 Samuɛl 16:10

Nɛ ewura na kaŋɛ Abishai nɛ mo da Jɔab: “Nnɛ nɛ k nya menyi! Nɛ fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, wanɛ malɛ e wɔtɔ nɛ e tiŋ m bishi kusɔ nɛ k ba nɛ e wora loŋ?”

Nshɛ 75:8

K du fanɛ Enyɛnpe Ebɔrɛ na ka kɔ kawiebi mbe enɔ to nna, nɛ mbe agbo du fanɛ yabra kpakpaso a wɔ kawiebi na to. E bee duga mbe agbo na nna a sa durnya to be amukpakpasowuraana, nɛ baa chise amo kikɛ nyam a nuu.

Ezikɛl 23:31

Fo daŋ bɔla ekpa nɛ fo da, Ohola nɛ e yili n sa kade nɛ baa tre Samɛria na, bɔla so na nna, amoso kasogberge nɛ e nya na nɛ fo alɛ gba beeŋ nya.

Matiu 20:22

Nɛ Yesu kaŋɛ bumo: “Men maŋ nyi kusɔ nɛ menyee kule ere. Menyeeŋ tiŋ n ji awurfoŋ nɛ meeŋ ji a?” Nɛ mbia na kaŋɛ: “Mm, anyeeŋ tiŋ.”

Matiu 26:39

Ndoŋ nna nɛ e yɔ anishito gbrɛbi n ya gbir n kur kumu n yuu nseŋ kule Ebɔrɛ ŋ kaŋɛ le: “N Tuto, nɛ ekpa wɔtɔ, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Matiu 26:42

E ka malga n loge nɛ e naŋ bɛta kela nyɔsopo n ya kule Ebɔrɛ le: “N Tuto, nɛ ekpa maŋ wɔtɔ fanɛ n lar le be awurfoŋ ere to ama m baŋ luri kumo to nna, fo shin nɛ fo aparsheŋ e wora.”

Luuk 12:30

Loŋ be asɔ nɛ durnya ere to be basa nɛ b maŋ nyi Ebɔrɛ bee yela kenishi to a fin. Ama men Tuto Ebɔrɛ na nyi a ka daga fanɛ men nya loŋ be asɔ na.

Luuk 22:42

“Etuto, nɛ k par fo, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Baru lela nɛ Jɔn kute na 15:10

Nɛ men baa bɛ ma mmalga naseso so, menyeeŋ baa wɔ ma kasha to fanɛ kananɛ mee bɛ Etuto na be mmalga naseso so nsaa wɔ mbe kasha to na.

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

Baru lela nɛ Jɔn kute na 18:36

Nɛ Yesu kaŋɛ mo le: “Ma kuwurji maŋ la durnya ere to peya. Nɛ k daa la durnya ere to peya nna, ma anya daa beeŋ kɔ n sɔ ma ashi Juwebi ere be enɔ to, ama ma kuwura na malɛ shi kaboŋ pɔtɛ nna.”

Baru lela nɛ Jɔn kute na 20:17

Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”

2 Kɔrintebi 10:4

Asɔ nɛ an kɔ a kɔ na maŋ la durnya ere to be akɔsɔ. A la Ebɔrɛ be akɔsɔ lempoana nɛ b kɔ a jija asɔ lempoana na nna.

2 Kɔrintebi 6:7

Amo alɛ nseŋ naŋ shi kashenteŋ be kamalga nɛ Ebɔrɛ be eleŋ to. An kɔ Ebɔrɛ be anishito be alelasheŋ nna fanɛ akɔsɔ a ta bena nɛ jiso a kɔ.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.