Baru lela nɛ Jɔn kute na 18:1 - EBƆRƐ BE KAWƆL

¹ Yesu ka kule mbe kabɔrɛkule na n loge nɛ mo nɛ mbe bebɛsopo na lar ndoŋ n yɔ Kidrɔn be ketaŋɛ be kaba ndoŋ. Ketaŋɛ na be kaba ndoŋ malɛ daa kɔ kupo ko nɛ Yesu nɛ mbe bebɛsopo na ya luri kupo na to.

Baru lela nɛ Jɔn kute na 18:1 ပူးပေါင်းရင်းမြစ်များ

Jɛnesis 2:15

To, Enyɛnpe Ebɔrɛ daŋ ta enyɛn na nna n wɔtɔ kudɔbi nɛ baa tre Iden na to fanɛ e baa dɔ ndoŋ nsaa keni kumo so.

Jɛnesis 3:23

Amoso Enyɛnpe Ebɔrɛ daŋ ju mo ashi Iden be kudɔbi na to nna fanɛ e ya kaa shuŋ kasawule mo nɛ b daŋ ta m pɔr na so.

2 Samuɛl 15:23

Deevid nɛ mbe basa ka bee yɔ na nɛ Jerusalɛmebi na shu ga. Ewura na nɛ mbe basa daŋ ya dii ketaŋɛ nɛ baa tre Kidrɔn na nna n sɔ kiyitokpɛato a yɔ.

1 Bewura 15:13

Ewura Asa mo nanache Maaka daŋ yuu kedibi nna a shuŋ kegbirche nɛ baa tre Ashira na nɛ ewura Asa tia kumo ŋ kuya to n chɔɔ ashi Kidrɔn be ketaŋɛ nɛ k mata Jerusalɛm na. Ŋkpal kusɔ nɛ Maaka wora na so nɛ ewura Asa lara mo ashi eyilikpa nɛ e daa kɔ efuli na so fanɛ ewurche na.

1 Bewura 2:37

Fo baŋ wora alefasha n lar kade ere to n dii ketaŋɛ nɛ baa tre Kidrɔn ere gba, feeŋ wu nɛ fo luwu malɛ be turju e baa bɛ fo.”

2 Bewura 23:12

Ewura Josaya daŋ bure ebɔrɛsure nɛ ewura Manase daŋ pɔr n yili bɔrɛlambu be alɔnɛ anyɔ na so nɛ ebɔrɛsure nɛ Juda be efuli so be bewura daŋ pɔr n yili ewura Ahaz be ewurkpa be ebu be esoso na kikɛ nna nseŋ bɛa amo to kpachɛrkpachɛrbi n ta amo n ya lɛ Kidrɔn be ketaŋɛ na to.

2 Bewura 23:4

Ewura Josaya daŋ shin nna nɛ bɔrɛmatapo nimuso Hilkiya nɛ bɔrɛmatapoana nɛ b bɛ mbe kaman na nɛ bekumpo nɛ baa kuŋ bɔrɛlambu na be kabuna na lara asɔ nɛ b kɔ a shuŋ Baal be kegbir na nɛ kegbirche Ashira nɛ achɛkpabi na ashi bɔrɛlambu na to. E daŋ shin nna nɛ b ta asɔ na kikɛ n lar kade na be ekarso a mata Kidrɔn be ketaŋɛ na ase n ya chɔɔ amo nseŋ ta amo be nsunɔ n yɔ Bɛtɛl.

2 Bewura 23:6

E daŋ lara kegbirche Ashira be kapɔrduli na Enyɛnpe Ebɔrɛ be bɔrɛlambu na to nna n ta kumo n lar kade na to yɔ Kidrɔn be ketaŋɛ na to n ya chɔɔ kumo nseŋ bɛa kumo to nɛ k ki fanɛ nyifu nɛ e ta amo n lɛ basa be nchaŋana so.

2 Kronikɛls 15:16

Ewura Asa mo nanache Maaka daŋ yuu kedibi nna a shuŋ kegbirche nɛ baa tre Ashira na nɛ ewura Asa tia kumo ŋ kuya to n chɔɔ ashi Kidrɔn be ketaŋɛ to. Ŋkpal kusɔ nɛ Maaka wora na so nɛ ewura Asa lara mo ashi eyilikpa nɛ e daa kɔ efuli na so to.

2 Kronikɛls 29:16

Bɔrɛmatapoana na ka luri bɔrɛlambu na to nɛ b ya lɔŋɛ kumo to daŋkare be ekpa so na, nɛ b lara kusɔ kama nɛ k maŋ walɛ so na kikɛ m ba kumo be kelɔnɛ so. Nɛ Livaiebi na malɛ ta amo ndoŋ n ya lɛ Kidrɔn be ketaŋɛ na to.

2 Kronikɛls 30:14

B daŋ lara efuli pɔtɛana so be ebɔrɛsure nɛ b daa lara esarga nsaa chɔɔ eduwu amo so na nna n lɛ Kidrɔn be ketaŋɛ na to.

Nehemaya 2:15

Amoso nɛ ŋ kilgi n sɔ ketaŋɛ nɛ baa tre Kidrɔn na be kaba so n ya bɔla ndoŋ a choŋ nsaa maŋ kumu so a keni kadegboŋ na be egbal na. Kumo be kaman nɛ m bɛta m bɔla Ketaŋɛ be kabunagboŋ na to n luri kadegboŋ na to pɔɛŋ nɛ kakpa bugi to.

Jɛremaya 31:40

Ketaŋɛ nɛ baa puli basa nsaa lɛ nsunɔ kumo to na kikɛ nɛ adɔsawule nɛ a dese Kidrɔn be Kabombi ase na m ba choŋ Egbaŋɛ be Kabunagboŋ na kikɛ beeŋ ki cheembi n sa Enyɛnpe Ebɔrɛ na. Jerusalɛm maŋ naa ba nɛ k bure ŋko m mur kikɛ.”

Levitikɔs 2:6

Kumo be kaman nɛ b pupur amo to nseŋ n chulgi ɔlif be ŋku n wurge amo so n ta n lara sarga na.

Matiu 26:30

Kede be kaman nɛ b boŋ kashɛ nseŋ lar n yɔ Ɔlifs be kebee so.

Matiu 26:36

Asheŋ ere be kaman nɛ Yesu nɛ mbe bebɛsopo na yɔ kakpa nɛ baa tre Gɛtsɛmani na nɛ e ya kaŋɛ bumo le: “Men chena nfe nɛ n yɔ anishito ndoŋ ere n ya kule Ebɔrɛ.”

Maak 14:26

Kede be kaman nɛ b boŋ kashɛ n lar n yɔ Ɔlif be kebee so.

Maak 14:32

Asheŋ ere be kaman nɛ Yesu nɛ mbe bebɛsopo na yɔ kakpa nɛ baa tre Gɛtsɛmani na nɛ e ya kaŋɛ bumo le: “Men chena nfe nɛ n ya kule Ebɔrɛ.”

Maak 14:42

Men koso nɛ an yɔ. Men keni emo nɛ e debɔr ma na nde.”

Baru lela nɛ Jɔn kute na 14:31

E maŋ kɔ eleŋ ma so, ama a daga durnya ere ka pin fanɛ mee sha Etuto na, amoso nɛ mee wora kusɔ nɛ e bee kaŋɛ ma kikɛ na. Men niŋi to nɛ an koso nfe n choŋ.”

Baru lela nɛ Jɔn kute na 18:26

Ndoŋ nna nɛ bɔrɛmatapo nimuso na be anya na be eko nɛ e daa la kenya mo nɛ Pita daŋ ŋe mbe kusoe n chuge na be esa na bishi Pita le: “Mannɛ fo nɛ kanyɛn na nɛ n wu kupo na to nna a?”

Ashuŋ Shunso 21:11

E ka ba anyi kutɔ nɛ e ba ta Pɔɔl be kreso ŋ kre mo gbagba be aya nɛ enɔana nseŋ kaŋɛ: “Le nɛ Kiyoyu Cheeŋ na kaŋɛ: ‘Le nɛ Jerusalɛm to be Juwebi na beeŋ kre kreso ere wura nseŋ ta mo m bɔɔ nnyamase enɔ.’ ”