Baru lela nɛ Jɔn kute na 17:24 - EBƆRƐ BE KAWƆL

²⁴ “Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

Baru lela nɛ Jɔn kute na 17:24 ပူးပေါင်းရင်းမြစ်များ

Jɛnesis 45:13

Men kaŋɛ n tuto bunyaŋ nɛ b kɔ a sa ma Ijipt nfe nseŋ kaŋɛ mo kusɔ kama nyam nɛ men wu nfe ere be asheŋ nseŋ bar n tuto nfe manaŋ.”

Matiu 25:21

Nɛ mo nyɛnpe kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, naniere meeŋ ta asɔ damta m bɔɔ fo enɔ. Ba tu ma, fo nyɛnpe a nu ma kuwura to be ebel.’

Matiu 25:23

Nɛ mo nyɛnpe na kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, meeŋ ta asɔ damta m bɔɔ fo enɔ. Ba tu ma, fo nyɛnpe n nu ma kuwura to be ebel.’

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Matiu 26:29

Ma e kaŋɛ menyi na fanɛ m maaŋ naŋ nuu le be waindibi be yabra ere kikɛ hale n ya fo kachɛ nɛ ma nɛ menyi beeŋ nuu yabra popɔr ashi n Tuto Ebɔrɛ be kuwura na to na.”

Luuk 12:37

Bumo nɛ bumo nyɛnpe na beeŋ ba tu nɛ b bela ase a jo mo nsaa keni na beeŋ nu ebel ga. Enyɛnpe na gbagba beeŋ shin nɛ b chena nɛ e kre so n wora ajibi n sa bumo.

Luuk 23:43

Ndoŋ nna nɛ Yesu kaŋɛ mo le: “Kashenteŋ nɛ mee kaŋɛ fo na fanɛ kabre ma nɛ fo beeŋ ya kaa wɔ paradisi.”

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 14:3

Ma alɛ kaŋ yɔ n ya lɔŋɛ kaboŋ na n yili menyi n loge, meeŋ naŋ bɛta m ba keta menyi n yɔ ŋ kutɔ, saŋɛ na so kakpa nɛ n wɔ, menyi alɛ gba beeŋ ya kaa wɔ ndoŋ.

Baru lela nɛ Jɔn kute na 15:9

Kananɛ Etuto na sha ma na gbagba nɛ ma alɛ gba sha menyi. Men baa wɔ ma kasha na to.

Baru lela nɛ Jɔn kute na 17:2

Ŋkpal manɛ so, fo e daŋ sa ma eleŋ dimɛdi kikɛ so fanɛ n sa bekama nɛ fo ta m bɔɔ ma enɔ na kikɛ ŋkpa nɛ k maŋ kɔ ekar na.

Baru lela nɛ Jɔn kute na 17:22

N sa bumo kemaŋkura nna fanɛ kananɛ fo sa ma kemaŋkura na nɛ b baa la kukoŋwule fanɛ kananɛ ma nɛ fo la kukoŋwule na.

Baru lela nɛ Jɔn kute na 17:5

To, naniere, n Tuto, ta kemaŋkura nɛ n daa kɔ fo kutɔ pɔɛŋ nɛ durnya jɔŋɛ na m maŋkura ma fo anishito naniere.”

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Baru lela nɛ Jɔn kute na 6:39

Esa nɛ e shuŋi ma na malɛ be aparsheŋ nde fanɛ n sa maŋ kaŋ paŋ basa nɛ e ta m bɔɔ ma enɔ na kikɛ be ekama, ama e yili kumo nna fanɛ n tiŋi bumo ashi luwu to lalaloge be kachɛ na.

Baru lela nɛ Jɔn kute na 8:58

Nɛ Yesu kaŋɛ bumo: “Ma e kaŋɛ menyi kashenteŋto na fanɛ pɔɛŋ nɛ b kurge Eebraham nɛ n wɔtɔ.”

1 Kɔrintebi 13:12

Naniere bre anyee wu asɔ nna lii fanɛ an ka bee keni digi to na. Ama saŋko anyeeŋ wu kusɔ kama kenishiso nɛnɛ. Naniere n nyi asheŋ to gbrɛbi nna, ama saŋko meeŋ pin kusɔ kama to nɛnɛ n loge fanɛ kananɛ Ebɔrɛ nyi ma to na.

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

2 Kɔrintebi 5:8

Anyi maa pɔ aba kikɛ nsaa sha ga fanɛ nɛ an daŋ nya nna an daa beeŋ lar anyi be eyur ere nɛ k la anyi pe ere to nseŋ daŋ ya kaa wɔ epe ashi an Nyɛnpe na kutɔ.

Filipaiebi 1:23

M baŋ ki nna cham a wɔ asɔ anyɔ na to be nferinto, ŋkpal manɛ so, kusɔ nɛ mee sha e la kelar durnya ere to n ya kaa wɔ Kristo kutɔ, kusɔ nɛ k baa bɔ malɛ nna na.

1 Tɛsalɔnikaebi 4:17

Kumo be kaman, baaŋ chala anyi nɛ an yirda nseŋ kraa wɔ ŋkpa to na n ti bumo nɛ b yirda pɔɛŋ nseŋ wu na so nɛ an kikɛ e ya tu Enyɛnpe na awɔlpa to, nɛ anyi nɛ Enyɛnpe na e baa wɔtɔ saŋkama mbaanaayɔ.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.

Kelaraŋŋini 21:22

N daa maŋ wu bɔrɛlambu kama kadegboŋ na to, ŋkpal manɛ so, Enyɛnpetale Enyɛnpe Ebɔrɛ nɛ Kpakpafɔlbi na e la ndoŋ be bɔrɛlambu.

Kelaraŋŋini 3:21

Esa kama nɛ e kɔ m pɔɔ so, meeŋ sa mo ekpa nɛ e tu ma n chena ma kuwurputi so fanɛ kananɛ ŋ kɔ m pɔɔ so nseŋ chena n Tuto kutɔ ashi mbe kuwurputi so na.