Baru lela nɛ Jɔn kute na 17:2 - EBƆRƐ BE KAWƆL

² Ŋkpal manɛ so, fo e daŋ sa ma eleŋ dimɛdi kikɛ so fanɛ n sa bekama nɛ fo ta m bɔɔ ma enɔ na kikɛ ŋkpa nɛ k maŋ kɔ ekar na.

Baru lela nɛ Jɔn kute na 17:2 ပူးပေါင်းရင်းမြစ်များ

Nshɛ 110:1

Nɛ Enyɛnpe Ebɔrɛ na kaŋɛ n nyɛnpe, ewura na le: “Chena ma jisa so hale nɛ n ya shin nɛ fo ji eleŋ fo doŋana so.”

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

Baru lela nɛ Jɔn kute na 17:6

N ta fo asheŋ ŋ ŋini basa nɛ fo lara durnya ere to m bɔɔ ma enɔ na. B daa la feya nna nɛ fo ta bumo m bɔɔ ma enɔ nɛ b ta fo kamalga na n wɔtɔ bumo be ŋgbene to.

Baru lela nɛ Jɔn kute na 17:9

Bumo nɛ mee kule a sa na, m maa kule a sa durnya ere to ebi, bumo nɛ fo ta m bɔɔ ma enɔ na nɛ mee kule a sa, ŋkpal manɛ so, b la feya nna.

Baru lela nɛ Jɔn kute na 3:35

Amodoŋwura e la Ebinyɛn na nɛ Etuto na malɛ bee sha mo, amoso, e ta kusɔ kama nna m bɔɔ mo enɔ.

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Baru lela nɛ Jɔn kute na 6:27

Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Baru lela nɛ Jɔn kute na 6:39

Esa nɛ e shuŋi ma na malɛ be aparsheŋ nde fanɛ n sa maŋ kaŋ paŋ basa nɛ e ta m bɔɔ ma enɔ na kikɛ be ekama, ama e yili kumo nna fanɛ n tiŋi bumo ashi luwu to lalaloge be kachɛ na.

Romebi 6:23

Ŋkpal manɛ so, asheŋ lubi be kakɔka e la luwu, ama Ebɔrɛ be kagbene koŋwuleso be kakɛ e la ŋkpa nɛ k maŋ kɔ ekar na ashi an Nyɛnpe Yesu Kristo to.

1 Kɔrintebi 15:25

Ŋkpal manɛ so, a daga fanɛ e baa ji kuwura loŋ n ya fo saŋɛ nɛ Ebɔrɛ beeŋ ta mo doŋana kikɛ n wɔtɔ mbe enɔ to na.

Ɛfesesebi 1:20

Le be eleŋ ere nɛ eleŋ damta nɛ e ta n tiŋi Kristo ashi luwu to nseŋ ta mo n chena mbe jisoso, ebunyampo be kakpa ashi ebɔrɛso na.

Filipaiebi 2:10

Nseŋ yili kumo fanɛ kumuli kikɛ nɛ k wɔ ebɔrɛso nɛ kasawule so nɛ durnya nɛ k wɔ kaseto beeŋ gbir m bunyaŋ Yesu be ketre na.

1 Timoti 1:16

Ama Ebɔrɛ wu ma, alubiworapoana be ejuŋkparpo na kuwɔr nɛ e ŋini durnyaebi kananɛ Kristo Yesu be kanyiti ka shi nɛ b yirda mo nseŋ nya ŋkpa nɛ k maŋ kɔ ekar na.

Hibruwebi 1:2

Ama naniere, lalaloge be nchɛ ere bre to mo Pibinyɛn so nɛ e bɔla m malga n sa anyi. Mo Pibinyɛn na so nɛ e to esoso nɛ kasawule kikɛ. Ebi na malɛ nɛ e lara fanɛ mo e naaŋ ba kaa wɔ kusɔ kikɛ.

1 Pita 3:22

Mo, Yesu Kristo koŋwule na e yɔ ebɔrɛso n ya kaa tase Ebɔrɛ be jisoso, kakpa nɛ ebunyampo bee chena, a ji emalaika kikɛ nɛ bejuŋkparpoana kikɛ nɛ eleŋana kikɛ so kuwura na.

1 Jɔn 1:2

Le be ŋkpa ere ka ba lar efuli nɛ an wu kumo, amoso nɛ anyee ji kumo be shɛda a sa menyi a kaŋɛ menyi ŋkpa nɛ k maŋ kɔ ekar ere be asheŋ na. K daa wɔ Ebɔrɛ na kutɔ nna pɔɛŋ nɛ b lara kumo efuli n sa anyi.

1 Jɔn 2:25

Kusɔ nɛ mo alɛ nase kɔnɔ fanɛ e beeŋ sa anyi e la ŋkpa nɛ k maŋ kɔ ekar na.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

Juud 1:21

Men baa kɔ men be amu a wɔ Ebɔrɛ be kasha to a jo saŋɛ nɛ an Nyɛnpe Yesu Kristo beeŋ wu anyi kuwɔr n shin nɛ anyi nɛ mo e baa wɔtɔ mbaanaayɔ na.