Baru lela nɛ Jɔn kute na 17:19 - EBƆRƐ BE KAWƆL

¹⁹ Bumo alɛ so mee lara ma kumu nna a yili a sa fo, saŋɛ na so bumo alɛ gba beeŋ lara bumo be amu n yili n sa fo kashenteŋto.

Baru lela nɛ Jɔn kute na 17:19 ပူးပေါင်းရင်းမြစ်များ

Aizaaya 62:1

Meeŋ malga n leŋ Jerusalɛmebi to. M maaŋ lo ma kɔnɔ kikɛ, ama b nya kumɔlga nna nɛ bumo be kekɔmpɔɔso e dii efuli fanɛ kabulpi nɛ k chɔɔ so kanyɛso nɛ ekama wu kumo na nna.

Jɛremaya 1:5

“Jɛremaya, pɔɛŋ nɛ n to fo n wɔtɔ fo nio be epun to nɛ e kurge fo, n lara fo nna n yili fanɛ ma anebi n sa efuliana so be basa.”

Baru lela nɛ Jɔn kute na 10:36

manɛ e ba nɛ menyee kaŋɛ ma, esa nɛ Etuto na gbagba lara n yili a sa mbe kumu nseŋ shuŋi durnya ere to na, fanɛ mee malga nna a gbiti Ebɔrɛ ŋkpal ŋ ka kaŋɛ fanɛ ma e la Ebɔrɛ Pibinyɛn na so?

Baru lela nɛ Jɔn kute na 15:13

Kasha kama maŋ naa chɔ le be kasha ere fanɛ esa ka beeŋ ta mbe ŋkpa n sa mo teriana.

Baru lela nɛ Jɔn kute na 15:3

Men teŋ nyalɛ so ŋkpal kamalga nɛ m malga n sa menyi na so.

Baru lela nɛ Jɔn kute na 17:17

Bɔla fo kashenteŋ be mmalga na so n lara bumo durnya be basa to nɛ b baa la fo basa. Fo kamalga na e la kashenteŋ na.

Baru lela nɛ Jɔn kute na 17:20

Mannɛ bede nawule nɛ mee kule fo a sa. Mee kule fo nna a sa bumo nɛ baaŋ ba nu bede ere be kamalga nseŋ yirda ma na gba nna fanɛ

1 Kɔrintebi 1:2

Bumo e la basa nɛ Ebɔrɛ lara fanɛ b ba kaa la mbe basa a wɔ Kristo Yesu to na. Bumo koŋwule na nɛ basa kama nɛ b wɔ kaplɛkama a ti an Nyɛnpe Yesu Kristo be ketre na, mo e la bumo Nyɛnpe nɛ an Nyɛnpe na nɛ b tre nɛ b ba kaa la basa cheembi a wɔtɔ.

2 Kɔrintebi 4:15

Menyi alɛ be kechɛto so nɛ ade malɛ kikɛ du loŋ na, saŋɛ na so Ebɔrɛ malɛ be kuwɔr be kakɛ beeŋ baa salga to a tu basa damta a ti so nɛ b baa kɔ kechɔrɔ be kabɔrɛkule damta a ti so a sa Ebɔrɛ nɛ e nya kemaŋkura.

2 Kɔrintebi 7:14

N daŋ ji men be njɔŋ n sa mo, kashenteŋto malɛ, men maŋ ta anishinyɔr m mɔ ma. Men nyi fanɛ saŋkikɛ kashenteŋ nɛ anyee malga a sa menyi. Kumo koŋwule na nɛ njɔŋ mo nɛ n ji n sa Taites na bɔla ekpa na.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Kɔlɔsiebi 1:6

Men chɛr n nu amo be asheŋ kashenteŋ be kubɔya na to, kumo e la baru lela nɛ Epafras bɔ n sa menyi na. Baru lela na e naa shin nɛ basa bee wora kelela durnya to kikɛ. Basa nɛ baa yirda baru na gba bee wora keshi nna fanɛ kananɛ k bee wora menyi to yili jemanɛ nɛ men nu baru lela na m pin nɛnɛ kananɛ Ebɔrɛ kɛ basa mbe kuwɔr be kakɛ kashenteŋto nna.

1 Tɛsalɔnikaebi 4:7

Ebɔrɛ maŋ tre anyi nna nɛ an ba kaa wɔ amɔmɔshiasheŋ to, e tre anyi nna nɛ an ba kaa wɔ kebaawɔtɔ cheembi to.

2 Timoti 2:10

Amoso nɛ mee ji awurfoŋ ere be kanyiti ŋkpal Ebɔrɛ be basa laraso na so nɛ bumo alɛ gba e tiŋ m bɔla Kristo Yesu so n nya kumɔlga nɛ kemaŋkura nɛ k maŋ kɔ ekar na.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 10:29

To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

Hibruwebi 2:11

Basa nɛ b lara nɛ b ki Ebɔrɛ be basa na nɛ bumo be elarapo Yesu kikɛ shi kanaŋ koŋwule to nna. Amoso nɛ ketre bumo mo niopibiana maa wora mo anishinyɔr na.

Hibruwebi 9:13

Nɛ kananɛ b daŋ ta mboeana nɛ egboluana be ŋklaŋ nɛ ana fɔlbi be nsunɔ ŋ ŋmenyaŋ n wurge basa nɛ b daa kɔ eyurpi bumo so na so nɛ a lar bumo so nɛ b nyalɛ so ere,

Hibruwebi 9:18

To, amoso nɛ sososo be kɔnɔkoŋwule be ŋkre na gba daa maŋ la shɛŋ ama b daŋ ta ŋklaŋ nna n shuŋ kumo be ashuŋ na.

Hibruwebi 9:26

Nɛ mannɛ aloŋ nna e daa beeŋ yili kasɔto be jemanɛ na kikɛ n ji tɔrɔ ale damta loŋ m ba fo kabre. Ama kumo alɛ, kela koŋwule pati nɛ e lar efuli so saŋɛ nɛ jemanɛ kama to be ekar beeŋ fo na nseŋ ta mo gbagba be kumu n lara sarga nɛ k kpra alubi ashi basa kikɛ so.

1 Jɔn 3:18

Ma mbi shasoana, men sa maŋ shin nɛ an baa kɔ mmalga ŋko nnɔ nawule a sha basa, men shin nɛ an baa kɔ aworbi nɛ kashenteŋ a sha basa.

1 Jɔn 3:3

Esa kama nɛ e kɔ le be tama ere ashi Kristo to bee keni mbe kumu so nna a du cheembi fanɛ kananɛ Kristo du cheembi na.