Baru lela nɛ Jɔn kute na 17:17 - EBƆRƐ BE KAWƆL

¹⁷ Bɔla fo kashenteŋ be mmalga na so n lara bumo durnya be basa to nɛ b baa la fo basa. Fo kamalga na e la kashenteŋ na.

Baru lela nɛ Jɔn kute na 17:17 ပူးပေါင်းရင်းမြစ်များ

2 Samuɛl 7:28

Enyɛnpetale Ebɔrɛ, ŋkpal fo nnɔ naseso ka bee bɔlɔ so saŋkama so so nɛ fo nase le be kɔnɔ gboŋgboŋi ere n sa ma na.

Nshɛ 119:104

Fo mbraana so nɛ mee bɔla a pin asheŋ to, amoso nɛ ŋ kishi efɛsheŋ kikɛ na.

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 119:144

Fo mbraana niŋi nna jemanɛ kikɛ, amoso chɛ ma to nɛ m pin amo to nsaa wɔ ŋkpa to.

Nshɛ 119:160

Fo mmalga kikɛ la kashenteŋ nna, nɛ fo mbraana nɛ a niŋi na wɔtɔ mbaanaayɔ.

Nshɛ 119:9

Kebaawora fo kamalga kasonu e naaŋ shin nɛ mbifɔlbi be kebaawɔtɔ e baa walɛ nseŋ niŋi.

Nshɛ 12:6

Enyɛnpe be nnɔ naseso la kashenteŋ nna. A du fanɛ gbiti nɛ b ta n wɔtɔ edɛ to ale shunu n lara amo to be eyurpi kikɛ na nna.

Luuk 8:11

Ade be kaman nɛ Yesu naŋ kaŋɛ: “Kusɔ nɛ keŋasa na bee ŋini nde: Asɔ duuso na e la Ebɔrɛ be kamalga na.

Luuk 8:15

Asɔ duuso nɛ a tɔr eshishɛr lela to na du fanɛ basa nɛ baa nu kamalga na nsaa bugi kagbene to a sɔ kumo a bɛ kumo so nɛnɛ a kɔ kumo to kpakpa kanyitiso hale n ya bar tɔnɔ fanɛ kananɛ asɔ duuso bee wora bibi na nna.”

Baru lela nɛ Jɔn kute na 15:3

Men teŋ nyalɛ so ŋkpal kamalga nɛ m malga n sa menyi na so.

Baru lela nɛ Jɔn kute na 17:19

Bumo alɛ so mee lara ma kumu nna a yili a sa fo, saŋɛ na so bumo alɛ gba beeŋ lara bumo be amu n yili n sa fo kashenteŋto.

Baru lela nɛ Jɔn kute na 8:32

Saŋɛ na so, menyeeŋ pin kashenteŋ na nɛ kashenteŋ na e shin nɛ men lar kenyaya to.”

Baru lela nɛ Jɔn kute na 8:40

Ama kumo nɛ menyee sha kemɔ ma na ŋkpal ŋ ka kaŋɛ menyi kashenteŋ nɛ n nu ashi Ebɔrɛ kutɔ so. Le be asheŋ nɛ Eebraham daŋ wora a?

Ashuŋ Shunso 15:9

E maŋ ŋini fanɛ an kɔr bumo to. Bumo be yirda so nɛ e ta bumo be alubi m paŋ bumo.

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.

Ɛfesesebi 4:21

M baa nyi men ka daŋ nu mbe asheŋ nɛ b naŋ ŋini menyi kashenteŋ nɛ k wɔ mo koŋwule Kristo to na.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

2 Tɛsalɔnikaebi 2:13

Bekurgepoana, a daga an ka chɔrɔ Ebɔrɛ saŋkama ŋkpal menyi nɛ Enyɛnpe bee sha na so. Ŋkpal manɛ so, Ebɔrɛ fara nna n lara menyi nɛ men nya kumɔlga ashi Kiyoyu Cheeŋ na to nseŋ ki Ebɔrɛ be basa cheembi a wɔ keyirda kashenteŋ na to.

Jeems 1:21

Amoso, men lara kulubi be yiri kikɛ menyi to nsaa gelge asheŋ lubi nɛ a kulti menyi na kikɛ. Men sɔ Ebɔrɛ be kamalga nɛ e ta n wɔtɔ men be ŋgbene to na a du boeŋ, ŋkpal manɛ so, kamalga na e naa tiŋ a mɔlga men be ayoyu ashi luwu to.