Baru lela nɛ Jɔn kute na 17:11 - EBƆRƐ BE KAWƆL

¹¹ To, naniere mee ba fo kutɔ nna na, a ka gbrɛbi nɛ n lar durnya to, ama bumo ere kraa wɔ durnya to nna. Etuto cheembi, ta fo ketre be eleŋ na a keni bumo so, ketre mo nɛ fo sa ma na nɛ n de na, saŋɛ na so baaŋ baa la kukoŋwule fanɛ kananɛ ma nɛ fo la kukoŋwule na.

Baru lela nɛ Jɔn kute na 17:11 ပူးပေါင်းရင်းမြစ်များ

Nshɛ 79:9

O Ebɔrɛ nɛ fo la anyi be emɔlgapo, chɛ anyi to! Ŋkpal fo ketre be kemaŋkura so, mɔlga anyi nseŋ ta anyi be alubi m paŋ anyi.

Aŋasa 18:10

Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.

Aizaaya 27:3

“Mee keni kudɔ na so nna nsaa wurge kumo so nchu jemanɛ kikɛ. Ma alɛ naa kuŋ kumo kapa nɛ kanyɛ nna nɛ esa kikɛ e sa maŋ tiŋ n tɔrɔ kumo.

Aizaaya 64:2

A beeŋ baa chicha fanɛ nchu ka bɛ edɛ so a falte na. Lara fo eleŋgboŋ ŋ ŋini fo doŋana n shin nɛ kufu e pɛ efuli pɔtɛana na nɛ bumo alɛ gba e baa chicha fo anishito!

Jɛremaya 14:21

Nyiŋi fo nnɔ naseso nsaa maŋ kini anyi n lɛ. Sa maŋ shin nɛ nyɔmɔ e ba Jerusalɛm nɛ k la kakpa nɛ fo kemaŋkura be kuwurputi wɔ na so. Sa maŋ lar anyi nɛ fo be kɔnɔkoŋwule be ŋkre na kaman.

Jɛremaya 14:7

Ma basa bee shu a tre ma a kaŋɛ le nna: ‘Kashenteŋto, anyi be alubi bee ji a bri anyi, amoso chɛ anyi to, Enyɛnpe Ebɔrɛ, fanɛ kananɛ fo nase kɔnɔ fanɛ feeŋ chɛ anyi to na. Ale damta nɛ an shile n lar fo kaman. An wora alubi ŋ gbiti fo kashenteŋto

Ezikɛl 20:22

Ama n daa maŋ wora loŋ, ŋkpal ŋ ka daa maa sha fanɛ ma ketre e jija ashi efuliana nɛ b wu kananɛ n juŋkpar bumo n lar Ijipt be efuli so na be anishito so.

Ezikɛl 20:44

Jemanɛ nɛ meeŋ wora menyi, Israɛlebi, asheŋ nɛ a beeŋ bar ma ketre kemaŋkura nɛ mannɛ men be asheŋ lubi nɛ aworbi jiga so na nɛ menyeeŋ pin fanɛ ma e la Enyɛnpetale Ebɔrɛ na.”

Ezikɛl 20:9

Ama n daa maŋ wora loŋ, ŋkpal ŋ ka daa maa sha fanɛ ma ketre e jija efuliana nɛ baaŋ wu kananɛ meeŋ lara ma kumu ŋ ŋini Israɛl be basa nseŋ juŋkpar bumo n lar Ijipt be efuli so na be anishito so.

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Matiu 6:9

Men baa kule mo le: ‘An Tuto nɛ fo wɔ ebɔrɛso, shin nɛ fo ketre cheembi na e baa nya bunyaŋ,

Baru lela nɛ Jɔn kute na 13:1

K ka ba ka kachɛ koŋwule nɛ Kebansonchoŋ be kejigboŋ na e fo nɛ Yesu pin fanɛ mbe kelar durnya ere to n yɔ Etuto na kutɔ na be jemanɛ fo, e daŋ sha mbe basa ashi durnya to, n sha bumo loŋ n ya fo ekar.

Baru lela nɛ Jɔn kute na 13:3

Yesu daa nyi Etuto na ka daŋ ta eleŋ kikɛ m bɔɔ mo ere Yesu na enɔ nseŋ naa nyi e ka shi Ebɔrɛ kutɔ m ba nseŋ naa bɛta a yɔ mo kutɔ.

Baru lela nɛ Jɔn kute na 14:20

Kachɛ na kaŋ fo, menyeeŋ pin ŋ ka wɔ n Tuto na to nɛ menyi alɛ wɔ ma to nɛ ma alɛ gba wɔ menyi to.

Baru lela nɛ Jɔn kute na 16:28

N Tuto na kutɔ nɛ n shi m ba durnya ere to, ma alɛ nseŋ naa lar durnya ere to a yɔ Etuto na kutɔ.”

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Baru lela nɛ Jɔn kute na 17:23

Nɛ m baa wɔ bumo to nɛ fo alɛ baa wɔ ma to, saŋɛ na so, baaŋ baa la kukoŋwule chap, nɛ durnya ere e pin fanɛ fo e shuŋi ma nseŋ naŋ pin fanɛ kananɛ fee sha ma na nɛ fee sha loŋ be basa na gba.

Baru lela nɛ Jɔn kute na 17:25

Etuto nɛ e la Elelapo, kashenteŋ nna fanɛ durnya ere to ebi maŋ nyi fo, ama ma ere nyi fo nɛ bede malɛ gba nyi fanɛ fo e shuŋi ma.

Baru lela nɛ Jɔn kute na 17:6

N ta fo asheŋ ŋ ŋini basa nɛ fo lara durnya ere to m bɔɔ ma enɔ na. B daa la feya nna nɛ fo ta bumo m bɔɔ ma enɔ nɛ b ta fo kamalga na n wɔtɔ bumo be ŋgbene to.

Baru lela nɛ Jɔn kute na 7:33

Nɛ Yesu kaŋɛ le: “Ma nɛ menyi maaŋ naa wɔtɔ n chɛr. Meeŋ yɔ esa nɛ e shuŋi ma na kutɔ.

Ashuŋ Shunso 3:21

Ama e beeŋ baa wɔ ebɔrɛso hale nɛ saŋɛ nɛ Ebɔrɛ beeŋ shin nɛ asɔ kikɛ e ki apopɔr fanɛ kananɛ e shin nɛ mbe dra na be anebi cheembiana na kikɛ wu mbe asheŋ ŋ kaŋɛ fanɛ loŋ beeŋ wora na be jemanɛ e fo.

Romebi 12:5

To, loŋ koŋwule na nɛ anyi nɛ Yesu be kefɛato du. An shi, ama an la eyur koŋwule nna ashi mo to nɛ ekama malɛ wɔ mo barkasa to.

Romebi 9:17

Ŋkpal manɛ so, le nɛ abɔrɛsibɛ na bee kaŋɛ fanɛ Ebɔrɛ kaŋɛ ewura Fɛɛro: “M maŋ fo so nna ŋkpal le so nɛ m bɔla fo so ŋ ŋini ma eleŋ nseŋ shin nɛ durnya kikɛ e pin ma asheŋ.”

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Ɛfesesebi 4:4

Eyur koŋwule nɛ Kiyoyu koŋwule e wɔtɔ fanɛ kananɛ tama koŋwule nɛ Ebɔrɛ tre menyi m ba wɔtɔ kumo to na gba wɔtɔ na.

Filipaiebi 2:9

Ŋkpal loŋ so Ebɔrɛ maŋ mo so nna ga n yɔ kakpa nɛ k chɔ kusɔ kikɛ nseŋ sa mo ketre mo nɛ k chɔ ketre kikɛ nyam.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Hibruwebi 9:24

Ŋkpal manɛ so, mannɛ lambu cheembi nɛ dimɛdi gbagba daŋ wora nɛ k daŋ duli lambu cheembi gbagba na to nɛ Kristo daŋ luri. Ebɔrɛso gbagba nɛ e daŋ luri n ya kaa yil naniere anyi be katelamu to a shuŋ Ebɔrɛ be anishito.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

1 Jɔn 3:12

A maŋ daga fanɛ an baa du fanɛ Keen nɛ e daa la alubipo na peya nseŋ bri mo sipo m mɔ na. Nɛ manɛ e daŋ ba nɛ e daŋ bri mo m mɔ? Kusɔ nɛ k daŋ ba e la fanɛ mbe asheŋ woraso daa maa niŋi nna nɛ mo sipo bre peya daa niŋi.

1 Jɔn 5:19

Anyi alɛ naa nyi fanɛ an ka la Ebɔrɛ peya, ama durnya ere bre kikɛ wɔ alubipo na be enɔ to nna.

Juud 1:1

Kawɔl ere shi ma Juud, Jeems mo sipo nɛ n la Yesu Kristo be kenya na kutɔ nna a yɔ bumo nɛ Ebɔrɛ Etuto na bee sha nseŋ tre bumo m ba kaa keni bumo so ŋkpal Yesu Kristo so na kutɔ.

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”

Kelaraŋŋini 19:12

Mbe anishi daa du fanɛ edɛ nɛ a bee suse nna wuloŋwuloŋ nɛ nwurwuro damta malɛ wɔ mbe kumu so. B daŋ sibɛ ketre ko nna n deŋi mo so nɛ mo nawule kpeŋ nyi kumo.

Kelaraŋŋini 4:8

Asɔbɔya keniso ana na be kekama daa kɔ atɛ ashe nna nɛ anishi malɛ sɔ bumo be eyurana kikɛ so hale bumo be atɛana to kikɛ. Kapa nɛ kanyɛ b daa maa lo to kikɛ, b daŋ baa boŋ le nna: “Enyɛnpetale Ebɔrɛ e la cheembi cheembi cheembi. Mo e daa wɔtɔ nseŋ kraa wɔtɔ ŋkeŋ naa ba na.”