Baru lela nɛ Jɔn kute na 16:21 - EBƆRƐ BE KAWƆL

²¹ K du fanɛ eche ka bee sha kekurge nna. Mbe saŋɛ baŋ fo nɛ e luri kakurge be ebesa to, mbe kagbene bee jija mo nna, ama nɛ e baŋ kurge ebi na e bee teŋ mbe ebesa na so nna, ŋkpal manɛ so, mbe kagbene bee fuli mo nna ŋkpal e ka kurge ebi n wɔtɔ durnya ere to so.

Baru lela nɛ Jɔn kute na 16:21 ပူးပေါင်းရင်းမြစ်များ

Jɛnesis 3:16

Kede be kaman nɛ e kilgi ŋ kaŋɛ eche na le: “Ŋkpal kusɔ nɛ fo wora ere so, fo kasogberge nde: Fo baŋ di kedampo, fo nɛ awurfoŋ e naaŋ baa la; nɛ fo alɛ baa shin nɛ fo kurge, ebesa beeŋ baa shi fo so ga. Fo kagbene kikɛ beeŋ baa wɔ fo kul so ga, ama mo alɛ e naaŋ baa ji fo so eleŋ.”

Job be kawɔl 11:16

Kumo be kaman nɛ fo etɔrɔbi ere kikɛ be asheŋ e lar fo nfɛra to fanɛ nchu ka bɔla kuturko to n choŋ na.

Nshɛ 113:9

Eche kilpo baa maa kɔ mbia, Ebɔrɛ e naa nɛfa mo nɛ e bee nya mbia nɛ mbe kagbene e fuli. Men kpaŋ Enyɛnpe Ebɔrɛ na!

Aizaaya 21:3

Kusɔ nɛ n daŋ wu nseŋ nu bɔrɛdare na to na shin nna nɛ kufugboŋ ko nɛ ebesa fanɛ kakurge be ebesa luri ma to.

Aizaaya 66:7

Men daŋ nu fanɛ eche bee kurge nna pɔɛŋ nsaa nu kakurge be ebesa a?

Maika 4:10

Men baa shu nsaa kii nnɔ to fanɛ eche nɛ kakurge ta na, ŋkpal manɛ so, k maaŋ chɛr nɛ men lar kadegboŋ na to n yaa kaa wɔ kupuŋ to. Baaŋ pɛ menyi n yɔ kufɔ kufɔ Babilɔn be efuli so, ama ma, Enyɛnpe Ebɔrɛ na, beeŋ mɔlga menyi ashi men doŋana be enɔ to ndoŋ.

Maika 4:9

Jerusalɛmebi, manɛ so nɛ menyee shu awɔrso ŋko a ji awurfoŋ fanɛ eche nɛ kakurge ta mo? Menyi ka maŋ kɔ ewura ŋko menyi be asoetojipoana ka wu so nɛ menyee shu a?

Galeeshaebi 4:27

Ŋkpal manɛ so, le nɛ abɔrɛsibɛ na bee kaŋɛ: “Fo egbentepo nɛ fo maŋ naŋ kurge ŋ ku so, fo alɛ ŋkaa maŋ naŋ nya kakurge be ebesa ere, baa kɔ kagbenefuli nseŋ bugi kɔnɔ n wora kagbenefuliso be awɔr. Ŋkpal manɛ so, eche nɛ b kini na beeŋ nya bibi a chɔ emo nɛ e kɔ ekul a wɔtɔ na.”

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.