Baru lela nɛ Jɔn kute na 16:20 - EBƆRƐ BE KAWƆL

²⁰ Ma e kaŋɛ menyi kashenteŋto na fanɛ menyi ere beeŋ boŋ to nseŋ shu anishichubi, ama durnya ere to ebi bre be ŋgbene beeŋ fuli bumo. Kashenteŋ nna fanɛ menyi be ŋgbene bee jija menyi, ama menyi be kagbenejija na beeŋ ba ki kagbenefuli.

Baru lela nɛ Jɔn kute na 16:20 ပူးပေါင်းရင်းမြစ်များ

Job be kawɔl 20:5

basa lubi be kagbenefuli maa chɛr.

Nshɛ 30:11

Fo e chɛrga ma kushu ŋ ki kayurji; nɛ m maŋ naŋ buu kagbenejijaso be asɔbuuso.

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 97:11

Kefulto bee nyaŋɛ a yuu basa niŋiso so nna, nɛ ŋgbenefufulwuraana malɛ bee nya kagbenefuli.

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Jɛremaya 31:25

Meeŋ sa basa nɛ b gbeŋ a chul to na eleŋ popɔr nseŋ sa bumo nɛ akoŋ bɛlɛ na ajibi nɛ b ji m moɛ.

Matiu 21:38

Ama paawuraana na ka ya wu kebia na nɛ b kaŋɛ abar le: ‘Men keni, kudɔ ere wura be kapetɛjipo nde, men ba nɛ an mɔ mo nseŋ ta asɔ na nɛ a ki anyeya.’

Matiu 5:4

Kagbenefuli la bekama nɛ baa shu nli na peya nna, ŋkpal manɛ so, baaŋ ba nya kagbenewushi.

Maak 14:72

Epul na to nɛ koshinyɛn boŋ kela nyɔsopo. Ndoŋ nna nɛ Pita nyiŋi kusɔ nɛ Yesu kaŋɛ fanɛ: “Pɔɛŋ nɛ koshinyɛn e boŋ ale anyɔ, feeŋ chɛ ale asa ŋ kaŋɛ fanɛ fo maŋ nyi ma na.” Nɛ e fara a shu.

Maak 16:10

Nɛ e yɔ n ya kaŋɛ bumo nɛ bumo nɛ Yesu daa wɔtɔ na. Saŋɛ na so nɛ b tase a shu ŋkpal bumo be ŋgbene ka daŋ jija bumo na so.

Luuk 22:45

E ka yige kabɔrɛkule na nɛ e niŋi to m ba mbe bebɛsopo na kutɔ nɛ baa di ŋkpal kagbenejijaso.

Luuk 22:62

Ndoŋ nna nɛ e lar kowu n ya shu ga.

Luuk 23:27

Nɛ jimaŋ na be basa damta bɛ Yesu so nɛ beche damta ko ta enɔana n deŋi amu so a shu ŋkpal mo so.

Luuk 24:17

Nɛ e bishi bumo le: “Nuso be bare nɛ men kɔ a na a ber le ere?” Nɛ b kilgi a yil a keni asheŋ kagbenejijaso.

Luuk 24:21

Anyi alɛ daa tama fanɛ mo nɛ Ebɔrɛ daŋ lara fanɛ e sɔ Israɛlebi n yige. Kumo be buushi kesheŋ na ka wora kumo be nchɛ asa nde kabre.

Luuk 6:21

Kagbenefuli la menyi nɛ akoŋ kɔ naniere peya nna, ŋkpal manɛ so, menyeeŋ ba moɛ. Kagbenefuli la menyi nɛ menyee shu naniere peya nna, ŋkpal manɛ so, menyeeŋ ba mushe.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Baru lela nɛ Jɔn kute na 16:6

Ama ŋkpal ŋ ka kaŋɛ menyi kesheŋ ere so so, kagbenejija luri nna m bɔlɔ menyi to.

Baru lela nɛ Jɔn kute na 20:20

E ka malga loŋ n loge nɛ e ta mbe enɔana nɛ mbe kekel ŋ ŋini bumo amo be amaŋana na. Bebɛsopo na ka wu Enyɛnpe na nɛ bumo be ŋgbene fuli bumo ga.

Ashuŋ Shunso 5:41

Nɛ beshuŋipo na lar nshɛrwuraana na kutɔ nɛ kagbenefuli ŋkpal Ebɔrɛ ka shin nɛ bumo alɛ tiŋ n ji awurfoŋ ŋkpal Yesu be ketre na so so.

Romebi 5:11

Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

2 Kɔrintebi 6:10

An wɔ kagbenejija to, ama an be ŋgbene malɛ baa fuli anyi nna saŋkikɛ. Betirpo e la anyi, ama saŋkikɛ anyi alɛ bee wɔtɔ basa dama to nna. Anyi maŋ kɔ shɛŋ, anyi alɛ nsaa kɔ asɔ kikɛ.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

1 Tɛsalɔnikaebi 1:6

Men kute anyi nɛ Enyɛnpe na to, ŋkpal manɛ so, men sɔ kubɔya na awurfoŋ damta to nɛ kagbenefuli nɛ k shi Kiyoyu Cheeŋ na kutɔ.

Jeems 1:2

Ŋ kurgepoana, saŋkama nɛ men baŋ luri kechɔŋkeni be yiri kikɛ to, men shin nɛ men be ŋgbene e baa fuli menyi.

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso

Kelaraŋŋini 11:10

Kasawule so be basa be ŋgbene beeŋ fuli bumo ŋkpal basa anyɔ na be luwu so. Baaŋ ji bumo be amuana nseŋ kɛ ŋ kɛ abar asɔ ŋkpal kananɛ anebi anyɔ na daŋ bar kasawule ere so ebi tɔrɔ nsaa maŋ naa wɔtɔ na so.

Kelaraŋŋini 18:7

Men sa mo tɔrɔ nɛ kagbenejija ga nɛ a fo fanɛ kananɛ e daŋ sa mbe kumu kemaŋkura nɛ dama na, ŋkpal manɛ so, le nɛ e wɔtɔ a kaŋɛ mbe kumu: ‘Ewurche e la ma nɛ n tase. M maŋ la ekulpoche, kagbenejija maaŋ tu ma kikɛ.’