Baru lela nɛ Jɔn kute na 16:2 - EBƆRƐ BE KAWƆL

² Basa beeŋ ba kaa ju menyi ashi nshɛrbuana na to be keluri to. Saŋko beeŋ ba fo nɛ esa kama nɛ e mɔ menyi beeŋ baa fɛ fanɛ Ebɔrɛ nɛ e bee shuŋ.

Baru lela nɛ Jɔn kute na 16:2 ပူးပေါင်းရင်းမြစ်များ

Aizaaya 65:5

Ade be kaman nɛ b kaŋɛ basa pɔtɛ le: “Men sa maa mata anyi, an du cheembi ga nɛ men baa bɛta anyi!” Le be basa du fanɛ edishi nna a luri ma kamuna to a kpar ma. Ma agbo a laŋɛ bumo be kaplɛa so, du fanɛ edɛ nɛ k maa duŋ kikɛ na nna.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Danɛl 11:33

Bejuŋkparpo nyiashempoana na beeŋ ŋini basa damta asheŋ, nɛ b mɔ bumo be beko kena to ŋko nɛ b chɔɔ bumo m mɔ, n suge beko malɛ be asɔ nseŋ ti bumo ebu. Ama kumo be loŋ maaŋ chɛr.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Matiu 24:9

Ade malɛ be buushi, basa beeŋ shin nɛ b pɛ menyi n tɔrɔ menyi nseŋ mɔ menyi. Ekama beeŋ kishi menyi ŋkpal ma so.

Luuk 6:22

Nɛ basa kishi menyi a kini menyi nsaa tege menyi a tre menyi basa lubi ŋkpal ma, Nyiŋgbasa Pibinyɛn na so, kagbenefuli beeŋ ba kaa la menyeya.

Baru lela nɛ Jɔn kute na 12:42

Ŋkeshin nɛ benimu na to gba be bedamta daŋ yirda Yesu, ama ŋkpal Efarisiana so, b daa maa sha kebugi to ŋ kaŋɛ fanɛ b yirda mo ŋkpal b ka daa maa sha fanɛ b ju bumo ashi nshɛrbuana na to be keluri to so.

Baru lela nɛ Jɔn kute na 16:25

Kashenteŋto, aŋasa to nɛ m bɔla m malga asheŋ na, ama saŋko bee ba nɛ m maaŋ naŋ ta aŋasa m malga asheŋ n sa menyi, meeŋ bugi asheŋ to filifili ŋ kaŋɛ menyi n Tuto na be asheŋ.

Baru lela nɛ Jɔn kute na 16:32

Ama men baa nyiŋi fanɛ saŋko beeŋ ba fo, k teŋ fo gba nɛ menyi kikɛ e pesaŋ to nɛ ekama e yɔ mo gbagba pe. Menyeeŋ yige n nawule n to, ama mannɛ n nawule e wɔtɔ, ŋkpal manɛ so, n Tuto wɔ ŋ kutɔ nna.

Baru lela nɛ Jɔn kute na 4:21

Nɛ Yesu kaŋɛ mo: “Kache manɛ, yirda ma kamalga ere fanɛ saŋko beeŋ ba fo nɛ basa maaŋ naa bunyaŋ Etuto na kebee ere so, bumo alɛ maaŋ naa bunyaŋ Etuto na Jerusalɛm to gba.

Baru lela nɛ Jɔn kute na 4:23

Ama saŋko beeŋ ba fo, k teŋ fo gba nɛ basa e bɔla Ebɔrɛ be Kiyoyu be eleŋ so a bunyaŋ Etuto na kashenteŋto. Bumo nɛ b kɔ le be bunyaŋ ere nɛ Etuto na bee fin.

Baru lela nɛ Jɔn kute na 9:22

Kanyɛn na mo nio nɛ mo tuto daŋ kaŋɛ loŋ nna ŋkpal b ka daa ŋana Juwebi be benimuana na so so, ŋkpal manɛ so, b daŋ kaŋɛ nna fanɛ ekama nɛ e bugi to ŋ kaŋɛ fanɛ Yesu e la Mesaya na, baaŋ ju mo nshɛrbuana na to be keluri to.

Baru lela nɛ Jɔn kute na 9:34

Nɛ basa na kaŋɛ: “Keni, baŋ yili fo kakurgeachɛ kikɛ nɛ fo wɔ alubi to m ba fo mbre nɛ fo ba kaa sha nɛ fo ŋini anyi asheŋ a?” B ka kaŋɛ mo loŋ n loge nɛ b ju mo nshɛrbuana na to be keluri to.

Ashuŋ Shunso 5:33

Nshɛrwuraana na ka nu loŋ nɛ b nya agbo ga nseŋ yili kumo fanɛ baaŋ shin nɛ b mɔ beshuŋipo na.

Ashuŋ Shunso 7:56

Nɛ e kaŋɛ basa na: “Men keni, n wu ebɔrɛso ka bugi nɛ Nyiŋgbasa Pibinyɛn yil Ebɔrɛ be jisoso.”

1 Kɔrintebi 4:13

B baŋ tege anyi, anyee malga bumo kutɔ kashaso nna. Hale m ba fo kabre an du fanɛ durnya ere to be eyurpi nna, kumo be kumuni.

Filipaiebi 3:6

Keshuŋ Ebɔrɛ malɛ be asheŋ daŋ pere ma kenishi ga hale nɛ n daa wɔtɔ a tɔrɔ asɔri to ebi. Mbra na malɛ be kebɛso be kulubi kikɛ daa maŋ wɔ ma to.

Kelaraŋŋini 6:9

Nɛ Kpakpafɔlbi na bu tɔɔnɛ be kebersobi nusopo na nɛ n wu basa nɛ b mɔ ŋkpal b ka daŋ malga Ebɔrɛ be kamalga na so nɛ ŋkpal shɛda mo nɛ b ji na so na be ayoyu ashi bɔrɛsure na be kaseto.

Demujipoana 6:30

Nɛ b ya kaŋɛ Joash: “Shin nɛ fo pibinyɛn na e lar m ba. E daga luwu, ŋkpal manɛ so, mo e ya bure Baal be kegbirsure nseŋ naŋ ku Ashira be kedibi nɛ k yil m mata kumo na n lɛ na.”