Baru lela nɛ Jɔn kute na 16:14 - EBƆRƐ BE KAWƆL

¹⁴ E beeŋ bar ma kemaŋkura, ŋkpal manɛ so, e beeŋ ta asɔ nɛ ŋ kɔ nɛ ŋ kaŋɛ menyi na m malga n sa menyi.

Baru lela nɛ Jɔn kute na 16:14 ပူးပေါင်းရင်းမြစ်များ

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Baru lela nɛ Jɔn kute na 14:21

“Esa kama nɛ e kɔ ma mmalga naseso nsaa wora asɔ nɛ a bee kaŋɛ na e la esa nɛ e bee sha ma. Esa kama malɛ nɛ e bee sha ma, n Tuto gba beeŋ sha mo nɛ ma alɛ gba e sha mo nseŋ lara ma kumu ŋ ŋini mo.”

Baru lela nɛ Jɔn kute na 15:26

Ama Echɛtopo nɛ meeŋ shin nɛ e shi Etuto na kutɔ m ba menyi kutɔ na, mo e la kashenteŋ be Kiyoyu nseŋ shi Etuto na kutɔ na kaŋ ba, e beeŋ ji ma shɛda.

Baru lela nɛ Jɔn kute na 7:39

Yesu daŋ malga le nna a ŋini Kiyoyu nɛ bumo nɛ baaŋ yirda mo na beeŋ ba nya kachako na be asheŋ. Amo be saŋɛ na so malɛ kikɛ nɛ b maŋ naŋ shin nɛ Kiyoyu na ba, ŋkpal manɛ so, saŋɛ na so b maŋ naŋ maŋ Yesu so n sa mo kemaŋkura.

1 Kɔrintebi 12:3

Amoso, mee sha fanɛ men pin fanɛ esa kikɛ nɛ e kɔ Ebɔrɛ be Kiyoyu na maaŋ tiŋ ŋ kaŋɛ le: “Kɔnɔso e baa wɔ Yesu so!” Esa kikɛ malɛ maaŋ tiŋ ŋ kaŋɛ: “Yesu e la Enyɛnpe” ama Kiyoyu Cheeŋ na e shin nɛ e kaŋɛ loŋ.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Galeeshaebi 5:5

Kusɔ nɛ anyi ere bee tama e la fanɛ Ebɔrɛ beeŋ shin nɛ anyi nɛ mo e ba abar so. Mbe Kiyoyu na be eleŋ to so nɛ loŋ be kesheŋ beeŋ bɔla anyi be yirda to n wora, kumo be loŋ malɛ nɛ anyee jo na.

1 Pita 2:7

Loŋ be kejembu ere la tɔnɔ be kusɔ gboŋgboŋi nna ga n sa menyi nɛ men yirda ere, ama bumo nɛ b maŋ yirda na bre, abɔrɛsibɛ na bee kaŋɛ fanɛ: “Kejembu mo nɛ bepɔrpo keni jiga na e ba ki ajembu to kikɛ be kelela ga na.”

1 Jɔn 3:23

Mbe kamalga naseso na malɛ nde fanɛ, a daga fanɛ an ka yirda mo Pibinyɛn Yesu Kristo be ketre na nsaa sha abar fanɛ kananɛ e yili anyi fanɛ an baa wora na.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

1 Jɔn 5:6

Yesu ere e la emo nɛ e daŋ yili kabɔrɛbɛr be nchu nɛ mbe luwu be ŋklaŋ so m ba na. Mannɛ nchu na malɛ nawule so nɛ e daŋ yili so m ba, nchu na nɛ ŋklaŋ na kikɛ so nɛ e daŋ yili so m ba.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.