Baru lela nɛ Jɔn kute na 16:11 - EBƆRƐ BE KAWƆL

¹¹ Mo alɛ beeŋ naŋ ŋini bumo fanɛ b foe kasogberge be kenyi be ekpa, ŋkpal manɛ so, Ebɔrɛ teŋ gboŋi durnya ere to be ejuŋkparpo na ashi mbe kejuŋkpar na to.

Baru lela nɛ Jɔn kute na 16:11 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Nshɛ 68:18

Fo keta basa nɛ b ti ebu nna n dii n yɔ kebeegboŋ na be esoso. Ndoŋ nɛ basa ya kɛ fo asɔ. Fo doŋana nɛ b daa maa sha fanɛ fo baa wɔ ndoŋ gba sa fo ŋkɛ.

Matiu 12:18

E yɛ: “Ma kenya nɛ ma kagbene fuli mo so nɛ mee sha mo nseŋ lara nde. Meeŋ ta ma Kiyoyu n wɔtɔ mo to nɛ e kaŋɛ basa kananɛ Ebɔrɛ bee ji edemu be asheŋ.

Matiu 12:36

Ma e kaŋɛ menyi na fanɛ demujiachɛ na ekama beeŋ kute kesariaso be kamalga jiga kama nɛ e malga be kifito.

Luuk 10:18

Nɛ Yesu kaŋɛ bumo: “N wu Setani ka shi ebɔrɛso n tɔr a ba fanɛ bɔrɛ ka nyɛkpɛ na.

Baru lela nɛ Jɔn kute na 12:31

Naniere bre keji durnya ere demu be saŋɛ fo, naniere nɛ kegboŋi durnya ere to be ejuŋkparpo na ashi mbe kejuŋkpar na to na fo.

Baru lela nɛ Jɔn kute na 14:30

M maaŋ naŋ malga menyi kutɔ n chɛr, ŋkpal manɛ so, durnya ere to be ejuŋkparpo na bee ba.

Baru lela nɛ Jɔn kute na 16:12

Ŋ kraa kɔ asɔ damta nɛ ŋ kaŋɛ menyi, ama nɛ ŋ kaŋɛ amo naniere, a beeŋ wora keshi n sa menyi.

Ashuŋ Shunso 10:42

Mo e kaŋɛ anyi fanɛ an baa bɔ baru lela na a sa basa a bugi to a kaŋɛ fanɛ mo e la emo nɛ Ebɔrɛ lara fanɛ e baa la basa keniso nɛ bumo nɛ b wu be demujipo na.

Ashuŋ Shunso 24:25

Ama Pɔɔl ka ba kaa malga alela be kebaawora nɛ kamootiŋ nɛ Ebɔrɛ be demujiachɛ be asheŋ nɛ kufu pɛ Filiks nɛ e kaŋɛ: “Feeŋ tiŋ a yɔ naniere. N naŋ nya kachena meeŋ naŋ tre fo.”

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Romebi 16:20

K maaŋ chɛr ko nɛ Ebɔrɛ nɛ kagbenewushi kikɛ bee shi mo kutɔ na e jija Setani be eleŋ kikɛ n shin nɛ e gbir menyi kumuli. An Nyɛnpe Yesu Kristo be kuwɔr be kakɛ e baa wɔ menyi to.

Romebi 2:16

To, loŋ malɛ nɛ baru lela nɛ mee bɔ na bee ŋini fanɛ asheŋ beeŋ ba kaa du kachɛ nɛ Ebɔrɛ beeŋ bɔla Yesu Kristo so n yili edimɛdi be wulo be nfɛraana so n ji bumo demu.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

Ɛfesesebi 2:2

Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

Kɔlɔsiebi 2:15

E ka wu kedibi largato na so na, e sɔ esoso be eleŋana nɛ kenimujipoana na kikɛ be eleŋ m pɔɔ bumo so ŋ ŋaba bumo ŋ ŋini durnya.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

Hibruwebi 6:2

A maŋ daga fanɛ an naa ŋini keyirda Ebɔrɛ be asheŋ ŋko n naa ŋini menyi kabɔrɛbɛrana be keŋini nɛ enɔana be kebaata a deŋi basa so ŋko basa be ketiŋi luwu to be asheŋ nɛ demuji be kasogberge nɛ k maŋ kɔ ekar na be asheŋ kuraa.

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.

2 Pita 3:7

Kamalga koŋwule na so nɛ naniere be esosoana nɛ kasawule ere wɔtɔ a jo edɛ be keta m mur kumo na. A bee jo demujiachɛ nna, kachɛ nɛ bɔrɛkinipoana beeŋ mur na.

1 Jɔn 3:8

Esa kama malɛ nɛ e bee wora asheŋ lubi la alubipo na peya nna, ŋkpal manɛ so, durnya be sososo na kikɛ nɛ alubipo na wɔtɔ a wora alubi m ba fo mbre. To, loŋ malɛ so nɛ Ebɔrɛ Pibinyɛn na lar m ba nɛ e ba jija alubipo na be ashuŋ.

Kelaraŋŋini 1:7

Men keni mo nɛ awɔlpa kulti a ba na, kenishi kama malɛ beeŋ wu mo n ta bumo nɛ b ta kusɔ n da mo m mɔ na n ti so nɛ kasawule ere so be basa kikɛ e shu ŋkpal mo so. Kumo be loŋ bre maŋ kɔ emɔrɔ. Amɛn.