Baru lela nɛ Jɔn kute na 15:7 - EBƆRƐ BE KAWƆL

⁷ Nɛ men baa wɔ ma to nɛ ma mmalga gba wɔ menyi to, men kule kusɔ kama nɛ menyee sha nɛ men nya kumo.

Baru lela nɛ Jɔn kute na 15:7 ပူးပေါင်းရင်းမြစ်များ

1 Bewura 3:5

Kamɔnchɛ be kanyɛso gbagba nɛ Enyɛnpe Ebɔrɛ lara mbe kumu ŋ ŋini ewura Sɔlɔmɔn edare to m bishi mo le: “Manɛ nɛ fee sha ŋ ka wora n sa fo?”

Job be kawɔl 22:26

Aloŋ nɛ feeŋ nya kagbenefuli ashi kebaabunyaŋ mo to.

Job be kawɔl 23:12

Kusɔ kama nɛ Ebɔrɛ yili, mee wora kumo nna. Mbe aparsheŋ nɛ mee bɛ so, mannɛ meya.

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 37:4

Shin nɛ fo kagbene e baa fuli fo ga; ŋkpal fo ka bee wora Enyɛnpe Ebɔrɛ na be aparsheŋ so. Mo alɛ beeŋ baa wora kusɔ nɛ fee sha a sa fo.

Aŋasa 10:24

Basa nɛ baa wora asheŋ niŋiso bee nya kusɔ nɛ baa sha nna, ama kusɔ nɛ belubiworapo bre maa sha nɛ baa nya ga.

Aŋasa 4:4

n tuto daa ŋini ma asheŋ nna a kaŋɛ ma le: “Baa nyiŋi asɔ nɛ mee kaŋɛ na, nsaa maa teŋ amo so. Baa bɛ asɔ nɛ mee kaŋɛ fo na so nseŋ nya ŋkpa tenteŋ.

Aizaaya 58:8

Aloŋ nɛ ma kuwɔrwu beeŋ nyaŋɛ n yuu menyi so fanɛ kachipurso be epeŋi, nɛ menyi alɛ e naaŋ nya menyi be alɔ be kechɛ manaŋ manaŋ. Ma nɛ menyi beeŋ baa wɔtɔ nɛ m baa mɔlga menyi nsaa kuŋ menyi ekpa kama so.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Matiu 7:7

Men kule nseŋ nya, men fin nseŋ wu, men ŋmɛa kabuna nɛ b bugi n sa menyi.

Baru lela nɛ Jɔn kute na 14:13

Kusɔ kama malɛ nɛ men ta ma ketre na ŋ kule, meeŋ wora kumo, saŋɛ na so ma, Ebinyɛn na beeŋ bar Etuto na kemaŋkura.

Baru lela nɛ Jɔn kute na 15:16

Mannɛ menyi e lara ma, ma e lara menyi nseŋ kaŋɛ menyi fanɛ men ya nya asɔrso nɛ a beeŋ baa wɔtɔ a yɔ. Saŋɛ na so, Etuto na beeŋ sa menyi kusɔ kama nɛ men ta ma ketre ŋ kule mo.

Baru lela nɛ Jɔn kute na 16:23

Loŋ be saŋɛ na ba fo, men maaŋ naŋ kule ma shɛŋ. Ma e kaŋɛ menyi kashenteŋto na fanɛ n Tuto na beeŋ sa menyi kusɔ kama nɛ men ta ma ketre ŋ kule mo.

Baru lela nɛ Jɔn kute na 8:31

Juwebi nɛ b daŋ yirda mo na, le nɛ Yesu daŋ kaŋɛ bumo: “Nɛ men baa bɛ ma keŋini ere so, menyeeŋ baa la ma bebɛsopo kashenteŋto.

Baru lela nɛ Jɔn kute na 8:37

N nyi men ka la Eebraham mo nanabiana, ama menyi alɛ bee sha kemɔ ma nna, ŋkpal manɛ so, men maa sha kesɔ ma keŋini.

Galeeshaebi 4:2

E kraŋ baa la kebibi, basa e naa keni mo so nsaa wora mbe asheŋ loŋ nɛ kachɛ nɛ mo tuto yili na e ya fo.

Galeeshaebi 5:16

Amoso, mee kaŋɛ menyi nna na fanɛ men baa wɔ Kiyoyu na be kebaawɔtɔ to nsaa maa wora kapɔr lubi ere be ayɛlgasheŋ.

Ditɛronɔmi 6:6

Men sa maŋ kaŋ teŋ mbraana nɛ n ta a sa menyi kabre ere so kikɛ.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

1 Jɔn 2:14

Mee sibɛ nna a sa menyi mbia ŋkpal men ka nyi etuto na so. Mee sibɛ nna a sa menyi betutoana ŋkpal men ka nyi mo ere esa nɛ e wɔ ŋkpa to sososo kikɛ na so. Mee sibɛ nna a sa menyi mbrantiɛbia ŋkpal men ka kɔ eleŋ nɛ Ebɔrɛ be kamalga na wɔ menyi to nɛ men pɔɔ alubipo na so so.

1 Jɔn 2:27

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ e shir a wɔ menyi to. A maŋ daga fanɛ men naŋ nya esa ko nɛ e ŋini menyi, ŋkpal manɛ so, mbe Kiyoyu na e naa ŋini menyi asɔ kikɛ. Kusɔ kama malɛ nɛ e bee ŋini la kashenteŋ nna, mannɛ efɛ. Amoso, men baa bɛ Kiyoyu na be keŋini so nseŋ shir a wɔ Kristo na to.

1 Jɔn 3:22

Anyi alɛ naa tiŋ a nya kusɔ kama nɛ anyee kule mo ŋkpal an ka bee bɛ mbe mmalga naseso so so nsaa wora asɔ nɛ a bee par mo na so.

1 Jɔn 5:14

Kusɔ nɛ k bee shin nɛ anyi maa shika to ashi Ebɔrɛ be anishito nde fanɛ, kusɔ kama nɛ an baŋ bɔla Ebɔrɛ be keparso ŋ kule mo, e beeŋ nu an be kekule.