Baru lela nɛ Jɔn kute na 15:6 - EBƆRƐ BE KAWƆL

⁶ Esa kama nɛ e maŋ wɔ ma to du fanɛ kedibi be keyabi nɛ b ku ashi kedibi gbagba so nna n lɛ nɛ k bee wɔl na nna. Ayabi mo nɛ a du loŋ malɛ, baa muu amo nna n wɔtɔ edɛ to nɛ a chɔɔ.

Baru lela nɛ Jɔn kute na 15:6 ပူးပေါင်းရင်းမြစ်များ

2 Samuɛl 23:7

Ama fo baŋ ta kebɛlso be katɔkɔrɔ nna m pulgi amo nseŋ ŋ gbare amo n ya chɔɔ.

Job be kawɔl 15:30

B maaŋ tiŋ ŋ gelge tentembiri kikɛ. Ebɔrɛ be agbo nɛ k bee suse wuloŋwuloŋ fanɛ edɛ na beeŋ mur bumo cheche.

Nshɛ 80:15

Ba mɔlga kefeelebi popɔrbi nɛ fo gbagba fɛa nseŋ shin nɛ k daŋ n nya eleŋ ga na.

Aizaaya 14:19

ama fo ere maŋ kɔ loŋ be ebu ere. B ta fo kebuni nna n lɛ nɛ k dese m bɛ. Esoji e wu kena to n deŋi fo kebuni so nɛ b ta fo nɛ bumo kikɛ n wɔtɔ kefalta be kemaŋ to nseŋ gbare eshishɛr n deŋi so n chichi so.

Aizaaya 27:10

Kadegboŋ nɛ k kɔ egbal kuŋso lempoana na e ki alambure fanɛ keshishɛrsawule nɛ ekama maŋ wɔ kumo to, a dese na. K ki ana be ejikpa nɛ kakpa nɛ baa dese a wushi nna.

Ezikɛl 17:9

Naniere, Ezikɛl, kaŋɛ ma, fo tama fanɛ kefeelebi ere beeŋ pete a? Kajɔnɔkoso juŋkparso na maaŋ nya agbo n tia kumo nseŋ kuya kumo be ayabi to n lɛ nɛ a wɔl a? Kajɔnɔkoso na beeŋ tiŋ n tia kefeelebi na nɛ k maŋ fin benapo lempo damta be kechɛto gba.

Matiu 13:41

Kumo be jemanɛ na ma, Nyiŋgbasa Pibinyɛn beeŋ shuŋi ma emalaika nɛ b chala asɔ kama nɛ a bee shin nɛ basa bee wora a da Ebɔrɛ so na nɛ alubiworapoana kikɛ nyam ashi ma kuwura ere to

Matiu 27:5

Ndoŋ nna nɛ Judas ta amansherbi na n lɛ bɔrɛlambu na to nseŋ kilgi n ya chɛ efɔl.

Matiu 3:10

Men du fanɛ ndibi sɔrso nna. Kedibi kama nɛ k maa sɔr asɔrso lela, kekpanfu tea wɔtɔ epul na to nɛ b ta ŋ ku kumo be kaseto n lɛ nseŋ ta kumo n wɔtɔ edɛ to.

Matiu 7:19

Kedibi kama nɛ k maa sɔr asɔrso lela, baa ku kumo nna n lɛ n ta n wɔtɔ edɛ to.

Baru lela nɛ Jɔn kute na 15:2

Keyabi kama nɛ k chɔɔ ma so ŋkaa maa sɔr shɛŋ, e bee ku kumo nna a lɛ nɛ keyabi kama malɛ nɛ k bee sɔr e bee lɔŋɛ kumo so nna nɛ k tiŋ n sɔr ga n ti so.

Hibruwebi 10:27

Kusɔ nɛ k baŋ ka n daga kaŋana e la fanɛ b baa tama kasogberge nɛ edɛ wuloŋwuloŋ nɛ a beeŋ chɔɔ Ebɔrɛ mo doŋana kikɛ m mur na.

2 Pita 2:20

Bekama nɛ b daŋ pin an Nyɛnpe nɛ an be Emɔlgapo Yesu Kristo na pɔɛŋ ŋkeŋ nya n lar durnya ere to be kebaawɔtɔ bɛso ere be aworbi to, kumo be kaman nɛ loŋ be asheŋ na naŋ pɛ bumo m pɔɔ bumo so, loŋ be basa be kebaawɔtɔ naa lubi nna ga a chɔ bumo be faraŋko be kebaawɔtɔ na.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

Kelaraŋŋini 20:15

Esa kama nɛ b daa maŋ sibɛ mbe ketre n wɔtɔ ŋkpa be kawɔl na to, b ta mo nna n lɛ edɛ be kepa na to.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”