Baru lela nɛ Jɔn kute na 15:5 - EBƆRƐ BE KAWƆL

⁵ Ma e la kedibi sɔrso na nɛ menyi alɛ la kumo be ayabi. Nɛ esa baa wɔ ma to nɛ ma alɛ gba baa wɔ mo to, amodoŋwura beeŋ nya asɔrso damta, ama nɛ m baa maa wɔ men be asheŋ to, men maaŋ tiŋ n wora shɛŋ.

Baru lela nɛ Jɔn kute na 15:5 ပူးပေါင်းရင်းမြစ်များ

Aŋasa 11:30

Kecheembiya bee sa ŋkpa nna, ama kumu kpakpaso be kebaawɔtɔ bre bee mɔ nna.

Hoziya 4:8

Alubi nɛ ma basa bee wora na so nɛ menyeeŋ bɔla n dii dama. Amoso nɛ men shin nɛ baa wora alubi a ti so saŋkama na.

Matiu 13:21

Ama k maa luri mo to nɛnɛ, amoso, e maa yirda a yɔ kufɔ. Awurfoŋ nɛ tɔrɔ baŋ tu mo ŋkpal kamalga na so, epul na to nɛ e bɛ so ŋ gben.

Baru lela nɛ Jɔn kute na 12:24

Ma e kaŋɛ menyi kashenteŋto na fanɛ kuyubi baa maŋ tɔr shishɛr to n wu, k beeŋ baa la keduusobi koŋwule nna saŋkikɛ. Ama nɛ fanɛ k baŋ tɔr shishɛr to ŋ kɔr pɔɛŋ nseŋ wu, k bee bar asɔrso damta nna.

Baru lela nɛ Jɔn kute na 15:16

Mannɛ menyi e lara ma, ma e lara menyi nseŋ kaŋɛ menyi fanɛ men ya nya asɔrso nɛ a beeŋ baa wɔtɔ a yɔ. Saŋɛ na so, Etuto na beeŋ sa menyi kusɔ kama nɛ men ta ma ketre ŋ kule mo.

Baru lela nɛ Jɔn kute na 5:19

Ndoŋ nna nɛ Yesu kaŋɛ bumo le: “Kashenteŋ nɛ mee ji menyi na fanɛ ma, Ebɔrɛ Pibinyɛn na maa tiŋ a wora shɛŋ ŋ gbagba be kumu so kikɛ. Kusɔ nɛ mee wu n Tuto na ka bee wora nawule nɛ ma alɛ gba bee wora. Kusɔ nɛ Etuto na bee wora, kumo nɛ ma, Ebinyɛn na gba bee wora.

Baru lela nɛ Jɔn kute na 9:33

Nɛ kanyɛn nɛ e bugi ma anishi ere daa maŋ shi Ebɔrɛ kutɔ nna, e daa maaŋ tiŋ n wora shɛŋ.”

Ashuŋ Shunso 4:12

Yesu na nawule so nɛ anyeeŋ tiŋ n nya kumɔlga. Ebɔrɛ maŋ ta esa kikɛ be ketre durnya ere to n sa basa nɛ b bɔla kumo so n nya kumɔlga she Yesu Kristo nawule peya.”

Romebi 12:5

To, loŋ koŋwule na nɛ anyi nɛ Yesu be kefɛato du. An shi, ama an la eyur koŋwule nna ashi mo to nɛ ekama malɛ wɔ mo barkasa to.

Romebi 6:22

Ama naniere men ka nya menyi be amu ashi alubi to m ba ki Ebɔrɛ be anya ere bre, tɔnɔ mo nɛ menyee nya e la kebaawɔtɔ cheembi, kumo alɛ be lalaloge e la ŋkpa nɛ k maŋ kɔ ekar na.

Romebi 7:4

Ŋ kurgepoana, loŋ nɛ k du n sa menyi alɛ gba, ŋkpal manɛ so, mbra na be kaplɛa so, menyi alɛ gba wu nna ŋkpal men ka la Kristo be eyur na be kaba ko so. Naniere malɛ, men la mo koŋwule nɛ Ebɔrɛ tiŋi mo ashi luwu to nɛ an tiŋ a la basa nɛ b kɔ tɔnɔ ashi Ebɔrɛ be kushuŋ to na peya nna.

1 Kɔrintebi 10:16

An ka bee kaa ji Enyɛnpe be kejibi na nsaa kule mbe nɛfa a wɔtɔ asɔrso be asɔnuuso be kawiebi nɛfaso to a nuu amo na, anyi kikɛ nɛ Kristo maŋ wɔ kɔnɔkoŋwule be kebaawɔtɔ to nna ŋkpal mbe ŋklaŋ so a? An ka bee kaa buri bodobodo na to nsaa we kumo na, anyi kikɛ nɛ Kristo maŋ wɔ kɔnɔkoŋwule be kebaawɔtɔ to nna ŋkpal mbe eyur so a?

1 Kɔrintebi 12:12

Fanɛ kananɛ eyur baa la kukoŋwule kumo alɛ nsaa kɔ mba damta nɛ kumo be mba na kikɛ wɔ eyur koŋwule so na gbagba na nɛ Kristo gba du.

1 Kɔrintebi 12:27

To, menyi e la Kristo be eyur na nsaa la kumo be mba kukoko to.

2 Kɔrintebi 13:8

Ŋkpal manɛ so, anyi maaŋ tiŋ n wora shɛŋ nɛ kumo nɛ kashenteŋ na maŋ la kukoŋwule. Kusɔ kama nɛ anyee wora, kashenteŋ na nɛ anyee wora a sa.

2 Kɔrintebi 9:10

Ebɔrɛ nɛ e bee sa bedɔpo asɔ duuso nɛ baa duu nseŋ naa sa menyi kusɔ jiso koŋwule na e naaŋ sa menyi asɔ duuso kikɛ n shin nɛ a wora keshi n ti so nseŋ shin nɛ men nya kasɔteŋi damta ashi men be kelela to.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Ɛfesesebi 5:9

Ŋkpal manɛ so, esa baa wɔ kefulto na to, alelasheŋ be yiri kikɛ nɛ asheŋ niŋiso nɛ kashenteŋ e naa lar mo to.

Filipaiebi 1:11

Nɛ menyi alɛ baa wɔ loŋ be kebaawɔtɔ to, kashenteŋ be edalelasheŋ nɛ a shi Yesu Kristo nawule kutɔ e naaŋ bɔlɔ menyi to nɛ basa e ta kemaŋkura nɛ epaŋ be kedi n sa Ebɔrɛ.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

Filipaiebi 4:17

Mannɛ fanɛ mee sha kechɛto nna so nɛ mee malga le ere, ama nɛfa nɛ mee sha fanɛ Ebɔrɛ e ta n ti menyi so so.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

Kɔlɔsiebi 1:6

Men chɛr n nu amo be asheŋ kashenteŋ be kubɔya na to, kumo e la baru lela nɛ Epafras bɔ n sa menyi na. Baru lela na e naa shin nɛ basa bee wora kelela durnya to kikɛ. Basa nɛ baa yirda baru na gba bee wora keshi nna fanɛ kananɛ k bee wora menyi to yili jemanɛ nɛ men nu baru lela na m pin nɛnɛ kananɛ Ebɔrɛ kɛ basa mbe kuwɔr be kakɛ kashenteŋto nna.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

1 Pita 2:4

Men baa ba Enyɛnpe nɛ e bee sa ŋkpa na kutɔ. Mo e du fanɛ kejembu nɛ k kɔ ŋkpa nɛ basa keni jiga ŋ kini mo na, ama Ebɔrɛ bre kutɔ, e la mbe esa laraso nɛ mbe kenishi nna.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.