Baru lela nɛ Jɔn kute na 15:25 - EBƆRƐ BE KAWƆL

²⁵ Ama kumo alɛ du loŋ nna nɛ kusɔ nɛ k wɔ bumo be mbra na to na e bɔla. K yɛ: ‘B kishi ma nna kenyanyaŋɛso’.

Baru lela nɛ Jɔn kute na 15:25 ပူးပေါင်းရင်းမြစ်များ

Nshɛ 109:3

nsaa malga asheŋ lubi a laŋɛ ma kaplɛa so; nɛ m maŋ wora bumo shɛŋ.

Nshɛ 35:19

Sa maŋ shin nɛ ma doŋana, befɛpo na, be ŋgbene e fuli bumo ŋkpal b ka pɔɔ ma so so. Sa maŋ shin nɛ bumo nɛ b kishi ma kenyanyaŋɛso na e mushe ma ŋkpal ŋ ka wɔ tɔrɔ to so.

Nshɛ 69:4

Basa nɛ b kishi ma kenyanyaŋɛso shibi a chɔ ma kumu so be emin. Ebɔrɛ, bedoŋ lubi nɛ baa fin ma nɛ b jija na shi alegaiso. Baa tintiŋ ma nna nɛ ŋ ka kusɔ nɛ m maŋ yuri be kukɔ.

Nshɛ 7:4

ŋko n lar nlɔpo kikɛ kaman, ŋko ŋ kɔ n sɔ n doŋ be asɔ nɛ e maŋ wora shɛŋ;

Matiu 10:8

Men kaŋ yɔ, men chɛ belɔpo n tiŋi bubuni n shin nɛ bebotipo e nyalɛ so nseŋ ju mbuibi lubi basa to. Menyi maŋ tɔ nseŋ nya, amoso, menyi alɛ gba e sa nsaa maa fin kakɔka.

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Baru lela nɛ Jɔn kute na 10:34

Nɛ Yesu bishi bumo le: “Mannɛ menyi be mbra to nɛ Ebɔrɛ bee kaŋɛ fanɛ: ‘Men la ebɔrɛana nna na’ a?

Baru lela nɛ Jɔn kute na 13:18

E yɛ: “Mannɛ menyi kikɛ nɛ n de. N nyi bumo nɛ n lara. Ama ade kikɛ wora nna nɛ kananɛ abɔrɛsibɛ na kaŋɛ le na e bɔla ekpa, a kaŋɛ: ‘Esa nɛ e ji ma ajibi gbagba kilgi nna n tu ma.’

Baru lela nɛ Jɔn kute na 19:36

B ka daa maŋ buri Yesu be aya na daŋ wora loŋ nna nɛ abɔrɛsibɛ nɛ a bee kaŋɛ fanɛ: “Mbe kuwibi kama maaŋ bu to” na e bɔlɔ so.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Romebi 3:24

Ama ŋkpal Ebɔrɛ be kuwɔr be kakɛ nɛ esa maa wora shɛŋ nsaa nya na so, asheŋ naŋ nyalɛ n sa basa, ŋkpal kesɔnyige be ekpa nɛ b bɔla Yesu Kristo so m bugi na so.

2 Kɔrintebi 11:7

Ŋ ka daŋ bɔ Ebɔrɛ be baru lela n sa menyi na, n daa maŋ sɔ menyi shɛŋ. Ŋ ka daŋ bar ma kumu kaseto loŋ nɛ menyi ere e dii na, kulubi ko nɛ n daŋ wora a?

Galeeshaebi 2:21

M maa keni Ebɔrɛ be kuwɔr be kakɛ na nna jiga, ŋkpal manɛ so, nɛ b daa bɛ mbra na so nna a ji a lar Ebɔrɛ be anishito, dafanɛ Kristo be luwu na daa maŋ kɔ kifito.

2 Tɛsalɔnikaebi 3:8

An daa maŋ ji ekama be kejibi a maŋ ka mo, ama kapa nɛ kanyɛ an daa mɔ an be amu nna a shuŋ nɛ an sa maŋ bɔ ekama kukɔ.

Kelaraŋŋini 21:6

Nɛ e naŋ kaŋɛ: “K teŋ wora. Ma e la Alfa nɛ Omega, Faraŋko nɛ Lalaloge. Ekama nɛ achukoŋ kɔ mo, meeŋ jɔ nchu ashi ŋkpa be kebuye to n sa mo nɛ e nuu ŋkaa maaŋ ka shɛŋ.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.