Baru lela nɛ Jɔn kute na 15:20 - EBƆRƐ BE KAWƆL

²⁰ Men baa nyiŋi kananɛ n daŋ kaŋɛ menyi na fanɛ: ‘Kenya maŋ chɔ mo nyɛnpe’. Nɛ durnya ere to ebi baŋ tɔrɔ ma, kumo ere baaŋ tɔrɔ menyi alɛ gba. Nɛ b baŋ ta ma mmalga n wɔtɔ bumo be ŋgbene to, baaŋ ta menyi alɛ gba peya n wɔtɔ bumo be ŋgbene to.

Baru lela nɛ Jɔn kute na 15:20 ပူးပေါင်းရင်းမြစ်များ

Ezikɛl 3:7

Ama Israɛl be basa ere maŋ wora shiriya nɛ b nu n sa fo, ŋkpal manɛ so b maŋ wora shiriya nɛ b nu n sa ma so. Bumo kikɛ la kusoe kpakpaso nɛ kumu kpakpaso be basa nna.

Matiu 10:24

Ekoyapo kikɛ maŋ chɔ mbe eŋinipo, kenya kikɛ malɛ maŋ chɔ mo nyɛnpe.

Maak 10:39

Nɛ b kaŋɛ: “Mm, anyeeŋ tiŋ.” Ndoŋ nna nɛ Yesu kaŋɛ bumo: “Kashenteŋ, menyeeŋ ji awurfoŋ nɛ mee ji ere, menyeeŋ sɔ tɔrɔ nɛ baa ta ma a wɔtɔ to,

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Luuk 6:40

Ekoyapo kikɛ maŋ chɔ mbe eŋinipo. Ama ekoyapo na baŋ koya n ya loge, e beeŋ ki fanɛ mbe eŋinipo na.

Baru lela nɛ Jɔn kute na 10:31

Ndoŋ nna nɛ Juwebi na yaŋ ta ajembu nɛ b kpa mo.

Baru lela nɛ Jɔn kute na 11:57

Saŋɛ na malɛ so bɔrɛmatapowuraana na nɛ Efarisiana na sa ebɔl fanɛ esa kama nɛ e nyi kakpa nɛ Yesu daa wɔ, amodoŋwura e ba kaŋɛ bumo nɛ b nya mo m pɛ.

Baru lela nɛ Jɔn kute na 13:16

Kashenteŋ nɛ mee ji menyi na fanɛ kenya maŋ chɔ mo nyɛnpe, kabɔ kama malɛ maŋ chɔ esa nɛ e shuŋi mo na.

Baru lela nɛ Jɔn kute na 5:16

Amoso, Juwebi na daŋ fara nna a tɔrɔ Yesu, ŋkpal e ka daŋ wora le be asheŋ kewushiachɛ na so.

Baru lela nɛ Jɔn kute na 7:32

Ndoŋ nna nɛ asheŋ nɛ basa na bee kuli a kaŋɛ Yesu be asheŋ na tɔr Efarisiana na be asoe to. Nɛ bɔrɛmatapowuraana nɛ Efarisiana na shuŋi bɔrɛlambu to be bekumpo fanɛ b ya pɛ Yesu m ba.

Baru lela nɛ Jɔn kute na 8:51

Ma e kaŋɛ menyi kashenteŋto na fanɛ nɛ esa baa ta ma kamalga na a wɔtɔ mbe kagbene to, e maaŋ wu kikɛ.”

Baru lela nɛ Jɔn kute na 8:52

Ndoŋ nna nɛ Juwebi na kaŋɛ: “To, naniere nɛ an pin fanɛ kiyoyu lubi e wɔ fo to kashenteŋto, ŋkpal manɛ so, Eebraham nɛ anebiana na kikɛ wu n wu, ama kumo nɛ fee kaŋɛ fanɛ nɛ esa baŋ ta fo kamalga na n wɔtɔ mbe kagbene to, e maaŋ wu na.

Baru lela nɛ Jɔn kute na 8:59

E ka malga le ere nɛ b ta ajembu nɛ b kpa mo nɛ e ŋana mbe kumu nseŋ bɔl basa na to n lar bɔrɛlambu na to.

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

1 Kɔrintebi 4:12

Anyi gbagba be enɔana nɛ an kɔ a shuŋ ga. Basa baŋ so anyi kɔnɔ, anyee nɛfa bumo nna, b baŋ tɔrɔ anyi, anyee ji kumo be loŋ be kanyiti nna.

2 Kɔrintebi 4:9

Baa tɔrɔ anyi, ama Ebɔrɛ maa kini anyi. Baa ŋmɛa anyi a lɛ, ama anyi alɛ maa mur.

1 Tɛsalɔnikaebi 2:15

Juwebi koŋwule na e mɔ Enyɛnpe Yesu nɛ anebiana na nseŋ tɔrɔ anyi alɛ. Bumo be asheŋ maa par Ebɔrɛ kikɛ. Bumo nɛ basa kikɛ malɛ maŋ wɔ ebel.

2 Timoti 3:12

Kashenteŋto, esa kama nɛ e bugi kagbene a sha kebɛ Kristo Yesu so, baaŋ tɔrɔ amodoŋwura.

1 Samuɛl 8:7

Nɛ Enyɛnpe Ebɔrɛ kaŋɛ mo le: “Kusɔ kama nɛ b kaŋɛ fo, fo nu n sa bumo. Mannɛ fo nɛ b kini; ma nɛ b kini fanɛ bumo be ewura.