Baru lela nɛ Jɔn kute na 15:12 - EBƆRƐ BE KAWƆL

¹² Ma kamalga naseso nde: ‘Men baa sha abar fanɛ kananɛ mee sha menyi na.’

Baru lela nɛ Jɔn kute na 15:12 ပူးပေါင်းရင်းမြစ်များ

Malakai 1:2

E yɛ: “Israɛlebi, saŋkama, ma kasha wɔ menyi so nna ga.” Ama le nɛ bumo alɛ daŋ kaŋɛ: “Ekpa mo so nɛ fo ŋini anyi kasha?” Ndoŋ nna nɛ Enyɛnpe Ebɔrɛ kaŋɛ: “Isɔɔ nɛ Jeekɔb la esa nɛ mo sipo nna, ama Jeekɔb nɛ mbe kaman to ebi nɛ n lara a sha ga,

Baru lela nɛ Jɔn kute na 13:34

Ama kamalga naseso popɔr nɛ mee sa menyi e la fanɛ men baa sha abar. Kananɛ mee sha menyi na e daga fanɛ menyi alɛ gba e baa sha abar loŋ.

Baru lela nɛ Jɔn kute na 15:17

Ma kamalga naseso nɛ ŋ kɔ a sa menyi nde fanɛ: ‘Men baa sha abar.’ ”

Romebi 12:10

Men baa kɔ bekurgepo be kasha a sha abar nsaa juŋkpar a bunyaŋ abar.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

1 Tɛsalɔnikaebi 3:12

Enyɛnpe na e shin nɛ men be abar be kasha nɛ basa kikɛ be kasha e baa wora keshi menyi to a ti so n ya fo kananɛ anyee sha menyi na.

1 Tɛsalɔnikaebi 4:9

Kananɛ menyeeŋ baa sha men braana beyirdapo bre maŋ naŋ daga an ka naŋ sibɛ ŋ kaŋɛ menyi kumo be asheŋ. Ebɔrɛ teŋ ŋ ŋini menyi gbagba kananɛ menyeeŋ baa sha abar.

2 Tɛsalɔnikaebi 1:3

Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 3:8

Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.

1 Pita 4:8

Ade kikɛ be kaman, men baa sha abar kashenteŋto, ŋkpal manɛ so, kasha e naa buu alubi damta so.

1 Jɔn 3:23

Mbe kamalga naseso na malɛ nde fanɛ, a daga fanɛ an ka yirda mo Pibinyɛn Yesu Kristo be ketre na nsaa sha abar fanɛ kananɛ e yili anyi fanɛ an baa wora na.

1 Jɔn 4:21

To, le be kamalga naseso ere nɛ e ta m bɔɔ anyi enɔ fanɛ, esa kama nɛ e bee sha Ebɔrɛ e baa sha mo niopibi gba.

2 Jɔn 1:5

Naniere malɛ mee kule fo nna fanɛ fo shin nɛ an kikɛ e baa sha abar be asheŋ, kumo alɛ maŋ la kamalga naseso popɔr ko nna nɛ mee sibɛ a sa fo, kumo nɛ an nya sososo na kikɛ na nna.